ஐ.சி.சி ஒருநாள் தரவரிசைப் பட்டியல்: விராட் கோலி, ரோகித் சர்மா அசத்தல்

ஆல்ரவுண்டர்களுக்கான தரவரிசைப் பட்டியலில் ரவீந்திர ஜடேஜா  எட்டாவது இடத்தில் உள்ளார்.  முதல் 10 இடங்களில் வந்த ஒரே இந்தியரும் இவரே. ஆப்கானிஸ்தானின் முகமது நபி உலகின் முன்னணி ஆல் ரவுண்டராக உள்ளார். இங்கிலாந்தின் பென் ஸ்டோக்ஸ் இந்த பட்டியலில் இரண்டாவது இடத்தை தக்க வைத்துக் கொண்டுள்ளார்.

இதற்கிடையே, உலகக் கோப்பை கிரிக்கெட் தொடரில் அசத்திய இங்கிலாந்தின் ஜேசன் ராய்,  ஜானி பேர்ஸ்டோ ஆகியோர் தரவரிசைப் பட்டியலில் நல்ல முன்னேற்றங்களை கண்டுள்ளனர்.  ராய், பேர்ஸ்டோ முறையே 11, 14 வது இடத்தில் உள்ளனர்.

இதற்கிடையே, இங்கிலாந்து-அயர்லாந்து அணிகள் இடையிலான 3 ஆட்டங்கள் கொண்ட ஒருநாள் கிரிக்கெட்  தொடர்,  வரும் 30ம் தேதி தொடங்குகிறது. 2023-ம் ஆண்டு இந்தியாவில் நடக்கும்  உலக கோப்பை போட்டிக்கு தகுதிக்கான சூப்பர் லீக் கிரிக்கெட் போட்டியாகவும் இந்த தொடர் அமைகிறது.