புரோ கபடி 2021: தமிழ் தலைவாஸில் களமிறங்கும் 7 புது முகங்கள்!
pro kabaddi league 2021 auction Tamil News: புரோ கபடி லீக்கின் 8வது சீசனுக்கான வீரர்கள் ஏலத்தில் அதிரடி காட்டிய தமிழ் தலைவாஸ் அணி 7 புது முக வீரர்களை வாங்கியுள்ளது.
Tamil Thalaivas latest Tamil News: இந்தியாவில் நிலவிய கொரோனா தொற்று பரவலால் புரோ கபடி லீக் (பி.கே.எல்) போட்டிகள் கடந்த ஆண்டு நடத்தப்படவில்லை. தற்போது தொற்று பரவல் படிப்படியாக குறைந்து வரும் நிலையில் இந்தாண்டு இறுதியில் போட்டிகள் நடத்த திட்டமிடப்பட்டுள்ளதாக தெரிவிக்கப்பட்டுள்ளது.
Advertisment
இந்நிலையில், 12 அணிகள் பங்கேற்கவுள்ள புரோ கபடி லீக்கின் 8வது சீசனுக்கான வீரர்கள் ஏலம் நேற்று மும்பயில் நடந்தது. வீரர்களை ஏலத்தில் எடுப்பதற்கான நேற்றே கடைசி நாள் என்பதால் ஏலம் சற்று பரபரப்பாகவே காணப்பட்டது. ஏலத்தில் பங்கேற்ற அணிகள் அனைத்தும் அணிகளும் தங்களுக்கான வீரர்களை ஆவர்வமாக வாங்கிக் குவித்தன. இதில், துவக்க நேரத்தில் அமைத்த காத்த தமிழ் தலைவாஸ் அணி 7 புதிய வீரர்களை வாங்கி அதிரடி காட்டியது. இதில் பி பிரிவு ரைடர் எம்எஸ் அதுலை ரூ .30 லட்சத்திற்கு வாங்கியது.
கேரளாவைச் சேர்ந்த அதுல், ஏலப் பட்டியலில் பி பிரிவு ரைடர் உள்ளார். இவர் முன்பு லீக்கின் ஆறாவது பதிப்பில் தமிழ் தலைவாஸ் அணியில் இடம்பெற்று இருந்தார்.
இந்த ஏலத்தில் சி பிரிவு ரைடர் அஜிங்க்யா பவார் ரூ .19.5 லட்சத்திற்கும், சி பிரிவு ஆல்-ரவுண்டர் சவுரப் பாட்டீல் ரூ .15 லட்சத்திற்கும் தமிழ் தலைவாஸ் அணியால் வாங்கப்பட்டனர். தவிர, அந்த அணி மேலும் நான்கு வீரர்களை 10 லட்சம் கொடுத்து வாங்கியது. சந்தபனசெல்வம் ( சி பிரிவு ஆல்-ரவுண்டர்), சாகர் கிருஷ்ணா (சி பிரிவு ஆல்-ரவுண்டர்), சாஹில் (சி பிரிவு டிபெண்டர்), மற்றும் பவானி ராஜ்புத் (சி பிரிவு ரைடர்) போன்றோர் ஆவார்.
தமிழ் தலைவாஸ் அணி ஏற்கனவே ரூ. 2.38 கோடி செலவில் 3 இளம் வீரர்களை ஏலத்தில் வாங்கியுள்ளது. அவர்களில் மன்ஜீத் மற்றும் பிரபஞ்சன் முறையே ரூ .92 லட்சம் மற்றும் ரூ .71 லட்சங்களுக்கு வாங்கப்பட்டனர். அதே நேரத்தில் சுர்ஜீத்தை ரூ .75 லட்சத்திற்கு வாங்கினர்.
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2021/09/tamil-indian-express-2021-09-01T114334.428.jpg)
/tamil-ie/media/media_files/uploads/2021/09/tamil-indian-express-2021-09-01T114316.579.jpg "publive-image")