/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2023/02/tamil-indian-express-2023-02-07T122100.464.jpg)
Women’s T20 World Cup Tamil News: 8வது மகளிர் டி20 உலகக்கோப்பை கிரிக்கெட் தொடர் தென் ஆப்பிரிக்காவில் வருகிற 10 ம் தேதி முதல் தொடங்குகிறது. இந்த தொடருக்கான முதல் போட்டியில் போட்டி தொடரை நடத்தும் தென் ஆப்பிரிக்காவும், இலங்கையும் மோதுகின்றன. இந்த தொடரில் ஆஸ்திரேலியா, இந்தியா, பாகிஸ்தான், அயர்லாந்து, நியூசிலாந்து, வங்காளதேசம், தென் ஆப்பிரிக்கா, இலங்கை மற்றும் வெஸ்ட் இண்டீஸ் உள்ளிட்ட 10 அணிகள் கலந்து கொள்கின்றன.
இப்போது போட்டிகள், அணிகள், மைதானங்கள் மற்றும் நிலைகள் ஆகியவை பற்றி நீங்கள் தெரிந்து கொள்ள வேண்டிய அனைத்தையும் இங்கு பார்க்கலாம்.
மகளிர் டி20 உலகக் கோப்பை குழுக்கள்
குரூப் 1- ஆஸ்திரேலியா, வங்கதேசம், நியூசிலாந்து, தென்னாப்பிரிக்கா, இலங்கை
குரூப் 2- இங்கிலாந்து, இந்தியா, அயர்லாந்து, பாகிஸ்தான், வெஸ்ட் இண்டீஸ்
மகளிர் டி20 உலகக் கோப்பை நடைபெறும் இடங்கள்
தொடக்கப் போட்டி, அரையிறுதி மற்றும் இறுதிப் போட்டி அனைத்தும் கேப்டவுனில் உள்ள நியூலேண்ட்ஸில் நடைபெறும். இது டி20 உலகக் கோப்பையின் தொடக்கத்தையும் முடிவையும் குறிக்கும்.
பார்லில் உள்ள போலண்ட் பார்க் மற்றும் க்கெபெராவில் உள்ள செயின்ட் ஜார்ஜ் பார்க் மைதானங்கள் போட்டிக்கு பயன்படுத்தப்படும் மற்ற இரண்டு இடங்கள் ஆகும்.
மகளிர் டி20 உலகக் கோப்பை அணிகள்
இந்தியா
U-19 அணி தொடக்கப் பதிப்பின் கோப்பையை வென்றது இந்திய மகளிர் அணிக்கு கூடுதல் நம்பிக்கையை அளித்துள்ளது. இந்திய அணியை ஹர்மன்பிரீத கவுர் வழிநடத்துகிறார். அணியில் தீப்தி ஷர்மா, ரேணுகா சிங் மற்றும் ராதா யாதவ் போன்ற சுழற்பந்து வீச்சாளர்கள் மற்றும் வேகப்பந்து வீச்சாளர்களின் நல்ல கலவையைக் கொண்டுள்ளது. அதே நேரத்தில் கேப்டன் ஹர்மன்ப்ரீத் கவுர், ஸ்மிருதி மந்தனா மற்றும் ஷஃபாலி வர்மா ஆகியோர் பேட்டிங்கில் வலு சேர்க்கிறார்கள்.
இந்திய அணி வீராங்கனைகள் பட்டியல்:
ஹர்மன்பிரீத் கவுர் (கேப்டன்), ஸ்மிருதி மந்தனா, ஷஃபாலி வர்மா, யாஸ்திகா பாட்டியா, ரிச்சா கோஷ், ஜெமிமா ரோட்ரிக்ஸ், ஹர்லீன் தியோல், தீப்தி ஷர்மா, தேவிகா வைத்யா, ராதா யாதவ், ரேணுகா தாக்கூர், அஞ்சலி சர்வானி, பூஜா வஸ்த்ரகர், ராஜி ஷிகாயக் பன்.
ஆஸ்திரேலியா
ஐசிசி மகளிர் டி20 அணி தரவரிசையில் தற்போதைய நம்பர் 1 அணியும், நடப்பு சாம்பியனுமான ஆஸ்திரேலிய அணி டி20 உலகக் கோப்பையை ஐந்து முறை வென்றுள்ளது. மேலும் உலகக் கோப்பையில் தங்களது வெற்றிப் பயணத்தைத் தொடரும் நம்பிக்கையில் களமாடுகின்றனர்.
கேப்டன் மெக் லானிங், துணை கேப்டன் ஹீலி, ஆல்-ரவுண்டர் பெர்ரி மற்றும் பந்து வீச்சாளர் மேகன் ஷட் ஆகியோர் தலைமையிலான ஆஸ்திரேலிய அணி, பெண்கள் கிரிக்கெட் வரலாற்றில் மிகவும் பிரபலமான சில வீரங்கனைகளைக் கொண்டுள்ளது.
ஆஸ்திரேலிய அணி:
மெக் லானிங் (கேப்டன்), அலிசா ஹீலி (துணை கேப்டன் ), டார்சி பிரவுன், ஆஷ்லே கார்ட்னர், கிம் கார்த், ஹீதர் கிரஹாம், கிரேஸ் ஹாரிஸ், ஜெஸ் ஜோனாசென், அலனா கிங், தஹ்லியா மெக்ராத், பெத் மூனி, எலிஸ் பெர்ரி, மேகன் ஷட், அனாபெல் சதர்லேண்ட் ஜார்ஜியா வேர்ஹாம்
வங்கதேசம்
ஐசிசி மகளிர் டி 20 உலகக் கோப்பை தகுதிச் சுற்று 2022ல் வெற்றி பெற்றதன் மூலம் வங்க தேசம் இப்போட்டிக்கு தகுதி பெற்றது. அவர்கள் தங்கள் அட்டவணையின் மேல் உள்ள அணிகளை எதிர்கொள்ள தீவிரமாக தயாராகி வருகின்றனர்.
வங்க தேச அணியில் இளம் மற்றும் போட்டியின் அணியில் தேர்ந்தெடுக்கப்பட்ட ஸ்ட்ரோக்மேக்கர் ஷோர்னா அக்டர் உட்பட சமீபத்தில் முடிவடைந்த உலகக் கோப்பையில் தங்கள் திறமையை நிரூபித்த வீராங்கனைகள் உள்ளனர்.
வங்க தேச அணி:
நிகர் சுல்தானா ஜோட்டி (கேப்டன்), மருஃபா அக்டர், திலாரா அக்டர், ஃபஹிமா காதுன், சல்மா காதுன், ஜஹானாரா ஆலம், ஷமிமா சுல்தானா, ருமானா அகமது, லதா மொண்டோல், ஷோர்னா அக்டர், நஹிதா அக்தர், முர்ஷிதா காதுன், ரிது மோனி, திஷா பிஸ்வாஸ், சோபானா மோஸ்ட்
இங்கிலாந்து
ஹீதர் நைட் தலைமையிலான இங்கிலாந்து அணி, தற்போது ICC மகளிர் டி20 அணி தரவரிசையில் இரண்டாவது இடத்தில் உள்ளது. பல ஆண்டுகளாக சிறப்பான அணியாகவும் வெற்றிகளை பதிவு செய்த அணியாகவும் உள்ளது.
இங்கிலாந்து அணி கடைசியாக 2009 ஆம் ஆண்டு நடந்த தொடக்கப் பதிப்பில் நியூசிலாந்து அணியை 6 விக்கெட் வித்தியாசத்தில் வீழ்த்தி உலகக் கோப்பையை வென்றது. இந்த முறை, இங்கிலாந்து அணி தங்கள் அனுபவத்தைப் பயன்படுத்தி கோப்பையை வீட்டிற்கு எடுத்துச் செல்ல முயலும் என்பதில் சந்தேசமில்லை.
இங்கிலாந்து அணி:
ஹீதர் நைட் (கேப்டன்), லாரன் பெல், மியா பௌச்சியர், கேத்ரின் ப்ரண்ட், ஆலிஸ் கேப்ஸி, கேட் கிராஸ், ஃப்ரேயா டேவிஸ், சார்லி டீன், சோபியா டன்க்லி, சோஃபி எக்லெஸ்டோன், சாரா க்ளென், ஆமி ஜோன்ஸ், நாட் ஸ்கைவர், லாரன் வின்ஃபீல்ட்-ஹில் வியாட்
அயர்லாந்து
2022 டி20 உலகக் கோப்பை தகுதிச் சுற்றுப் போட்டியின் மூலம் ஐரிஷ் பெண்கள் அணி தங்கள் இடத்தைப் பிடித்தது. தற்போது அந்த அணி இந்தப் போட்டியில் நான்காவது முறையாக கால்மாடுகிறது.
சமீபத்தில் பாகிஸ்தானில் நடந்த போட்டியில் பாகிஸ்தானை தோற்கடித்ததன் மூலம், அயர்லாந்து அணி கூடுதல் நம்பிக்கையைப் பெற்றுள்ளது. அதே உற்சாகத்துடன் அவர்கள் களமாடுவார்கள் என்று நம்பலாம்.
அயர்லாந்து அணி:
லாரா டெலானி (கேப்டன்), ஜார்ஜினா டெம்ப்சே, எமி ஹண்டர், ஷௌனா கவனாக், அர்லீன் கெல்லி, கேபி லூயிஸ், லூயிஸ் லிட்டில், சோஃபி மக்மஹோன், ஜேன் மாகுவேர், காரா முர்ரே, லியா பால், ஓர்லா ப்ரெண்டர்காஸ்ட், எமியர் ரிச்சர்ட்சன், ரெபெக்கா ஸ்டோக்ரோன்.
நியூசிலாந்து
2018 மற்றும் 2020 உலகக் கோப்பைகளில் இருந்து முதல் சுற்றில் வெளியேறியதால், நியூசிலாந்து போட்டியின் சமீபத்திய செயல்திறனை மேம்படுத்த முயற்சிக்கும்.
போட்டியின் முதல் இரண்டு மறுமுறைகளில் இரண்டாவது இடத்தைப் பிடித்த அந்த அணி 2022 முதல் (14 ஆட்டங்களில் 10 வெற்றிகள்) பெண்கள் டி20 உலகக் கோப்பையில் மாற்றம் ஏற்படும் என்று நம்புகிறார்கள்.
நியூசிலாந்து அணி:
சோஃபி டிவைன் (கேப்டன்), சுசி பேட்ஸ், பெர்னாடின் பெசுய்டன்ஹவுட், ஈடன் கார்சன், லாரன் டவுன், மேடி கிரீன், ப்ரூக் ஹாலிடே, ஹேலி ஜென்சன், ஃபிரான் ஜோனாஸ், அமெலியா கெர், ஜெஸ் கெர், மோலி பென்ஃபோல்ட், ஜார்ஜியா ப்ளிம்மர், ஹன்னா தாஹு ரோவ்,
பாகிஸ்தான்
ஆஸ்திரேலியா மற்றும் அயர்லாந்திற்கு எதிரான சமீபத்திய தொடர் தோல்விகளால், பிஸ்மா மரூப்பின் தலைமையிலான பாகிஸ்தான் அணி சில மாதங்கள் கடும் விமர்சனங்களை எதிர்கொண்டது.
குழு 2-வில் இந்தியா மற்றும் இங்கிலாந்து போன்ற எதிரணிகளுக்கு எதிராக கடுமையான சோதனைகளை எதிர்கொள்வதால், டி20 போட்டிகளில் பாகிஸ்தானுக்காக அதிக ரன்கள் எடுத்த மரூப் மற்றும் இந்த வடிவத்தில் அதிக விக்கெட்டுகளை வீழ்த்திய நிடா டார் போன்ற மூத்த வீராங்கனைகளை பாகிஸ்தான் உதவியுடன் வழிநடத்தும்.
பாகிஸ்தான் அணி:
பிஸ்மா மரூப் (கேப்டன்), அய்மென் அன்வர், அலியா ரியாஸ், ஆயிஷா நசீம், சதாப் ஷமாஸ், பாத்திமா சனா, ஜவேரியா கான், முனீபா அலி, நஷ்ரா சந்து, நிடா தார், ஒமைமா சொஹைல், சாடியா இக்பால், சித்ரா அமீன், சித்ரா நவாஸ், துபா ஹசன் .
தென் ஆப்பிரிக்கா
தென் ஆப்பிரிக்காவுக்கு சொந்த மண்ணில் தொடர் நடப்பதால் கூடுதல் நன்மைகள் கிடைக்கும். அந்த அணி 2020 டி20 உலகக் கோப்பையில் அரையிறுதிக்கு முன்னேறி இருந்த நிலையில், ஆஸ்திரேலியாவிடம் 5 ரன்கள் வித்தியாசத்தில் தோல்வி கண்டது. இதனால், அதற்கு பதிலடி கொடுத்து பட்டத்தை வெல்ல போராடும்.
வழக்கமான கேப்டன் டேன் வான் நீகெர்க் உடற்தகுதி தரத்தை சந்திக்கத் தவறிய நிலையில், அவரின் உதவி இல்லாமல் தென் ஆப்பிரிக்கா விளையாடும் கட்டாயத்தில் உள்ளது. எனினும், முக்கியமான சூழ்நிலைகளில் ஆட்டத்தை திருப்புவதற்கு அவர்கள் இன்னும் அனுபவமிக்க வீராங்கனைகளைக் கொண்டுள்ளனர்.
தென் ஆப்பிரிக்கா அணி:
அன்னேரி டெர்க்சன், மரிசான் கேப், லாரா குடால், அயபோங்கா காக்கா, க்ளோ ட்ரையோன், நாடின் டி க்ளெர்க், ஷப்னிம் இஸ்மாயில், டாஸ்மின் பிரிட்ஸ், மசபாடா கிளாஸ், லாரா வோல்வார்ட், சினாலோ ஜாஃப்டா, நோன்குலுலேகோ மலாபா, சுனே லூஸ் (கேப்டன்), அன்னேக் போஷ், டெல்மி டக்கர்.
இலங்கை
ஐசிசி மகளிர் டி20 அணி தரவரிசையில் 9வது இடத்தில் உள்ள சாமரி அதபத்து தலைமையிலான இலங்கை அணி, முதல் சுற்றில் வெளியேறிய உலகக் கோப்பை சாபத்தை முறியடித்து, தென் ஆப்பிரிக்காவில் அடுத்த சுற்றுக்கு முன்னேற முயற்சிக்கும்.
தென் ஆப்பிரிக்காவின் மந்தமான நிலைமைகளைப் பயன்படுத்திக் கொள்ள இலங்கைக்கு பல்வேறு சுழல் விருப்பங்கள் உள்ளன. இனோகா ரணவீர மற்றும் சுகந்திகா குமாரி இரண்டு மெதுவான இடது கை ஆர்த்தடாக்ஸ் சுழற்பந்து வீச்சாளர்கள் தாக்குதலுக்கு தலைமை தாங்குகின்றனர். இதற்கு ஆதரவாக ஓஷதி ரணசிங்க மற்றும் கவிஷா தில்ஹாரி உள்ளனர்.
இலங்கை அணி:
சாமரி அத்தபத்து (கேப்டன்), ஓஷதி ரணசிங்க, ஹர்ஷித சமரவிக்ரம, நிலக்ஷி டி சில்வா, கவிஷா தில்ஹாரி, அனுஷ்கா சஞ்சீவனி, கௌஷினி நுத்யங்கனா, மல்ஷா ஷெஹானி, இனோகா ரணவீர, சுகந்திகா குமாரி, அச்சினி குலசூரிய, விஷ்மி குணரத்ன, தாரிகா செவ்வந்தி, அமா காஞ்சனா, சத்திய சந்தீபனி.
வெஸ்ட் இண்டீஸ்
ஹேலி மேத்யூஸ் தலைமையிலான வெஸ்ட் இண்டீஸ் அணி, இளம் மற்றும் அனுபவமிக்க வீராங்கனைகளின் கலவையாக உள்ளது. அந்த அணி 2016 போட்டியில் ஆஸ்திரேலியாவுக்கு அதிர்ச்சி வைத்தியம் கொடுத்தது போல், இம்முறையும் எதிரணிகளுக்கு அதிர்ச்சி கொடுக்க காத்திருக்கின்றது.
ஸ்டாஃபானி டெய்லர், முன்னாள் கேப்டன், ஷெமைன் காம்ப்பெல் மற்றும் அஃபி பிளெட்சர் ஆகியோர் மூத்த வீராங்கனைகள் உள்ளனர். இந்த பட்டியலில் சமீபத்திய U19 மகளிர் டி20 உலகக் கோப்பையின் மூன்று சிறந்த வீராங்கனைகளாக அறியப்பட்ட த்ரிஷன் ஹோல்டர், ஜைடா ஜேம்ஸ் மற்றும் டிஜெனாபா ஜோசப் ஆகியோரும் இடம்பெற்றுள்ளனர்.
வெஸ்ட் இண்டீஸ் அணி:
ஹெய்லி மேத்யூஸ் (கேப்டன்), ஷெமைன் கேம்பல்லே (துணை கேப்டன்), ஆலியா அலீன், ஷமிலியா கானல், அஃபி பிளெட்சர், ஷபிகா கஜ்னாபி, சினெல்லே ஹென்றி, த்ரிஷன் ஹோல்டர், ஜைடா ஜேம்ஸ், டிஜெனாபா ஜோசப், செடியன் நேஷன், கரிஷ்மா ராம்ஹராக், ஷகேரா செல்மன், ஸ்டாபானி டெய்லர், ரஷாதா வில்லியம்ஸ்.
மகளிர் டி20 உலகக் கோப்பை வடிவம்
இந்த ஆண்டு ஐசிசி மகளிர் டி20 உலகக் கோப்பை இரண்டு கட்டங்களாக பிரிக்கப்பட்டுள்ளது.
10 அணிகள் தலா ஐந்து அணிகள் கொண்ட இரண்டு குழுக்களாக பிரிக்கப்பட்டுள்ளன. தென்ஆப்பிரிக்கா போட்டியை நடத்தும் அணி என்ற அடிப்படையில் தகுதி பெற்றுள்ளது. மற்ற ஏழு அணிகளும் தானாகவே தகுதி பெற்றுள்ளன. வங்கதேசம் மற்றும் அயர்லாந்து அணிகள் தகுதிச் சுற்றுக்கு முன்னேறியுள்ளன.
ஒவ்வொரு குழுவிலிருந்தும் முதல் இரண்டு இடங்களைப் பிடிக்கும் அணிகள் முதல் சுற்றின் போது அந்தந்த குழுக்களில் ரவுண்ட்-ராபின் போட்டிகளில் விளையாடிய பிறகு நாக் அவுட் நிலைக்கு முன்னேறும்.
நாக் அவுட் நிலையில் இரண்டு அரையிறுதி மற்றும் இறுதிப் போட்டி கேப்டவுனில் உள்ள நியூலேண்ட்ஸில் பிப்ரவரி 26 அன்று நடைபெறும்.
முக்கிய தேதிகள்
பிப்ரவரி 10: மகளிர் டி20 உலகக் கோப்பையில் தென்ஆப்பிரிக்கா மற்றும் இலங்கை அணிகளுக்கு இடையிலான குரூப் 1 மோதலில் தொடங்குகிறது.
பிப்ரவரி 12: இந்தியா (மகளிர்) vs பாகிஸ்தான் (மகளிர்) குரூப் ஸ்டேஜ் போட்டி ஞாயிற்றுக்கிழமை மாலை 6.30 மணிக்கு நடக்கிறது.
பிப்ரவரி 21: முதல் சுற்று ஆட்டங்கள் தென்ஆப்பிரிக்கா மற்றும் வங்கதேச அணிகளுக்கு இடையேயான மோதலுடன் முடிவடைகிறது.
பிப்ரவரி 23 மற்றும் 24: இரண்டு அரையிறுதிப் போட்டிகள் நியூலேண்ட்ஸ், கேப்டவுனில் நடைபெறும்.
பிப்ரவரி 26: இறுதிப் போட்டி நியூலேண்ட்ஸ், கேப்டவுனில் நடைபெறும்.
தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெற https://t.me/ietamil
Stay updated with the latest news headlines and all the latest Lifestyle news. Download Indian Express Tamil App - Android or iOS.