![wrestlers protests brij bhushan sexual harassment charge, International referee interview in tamil](https://img-cdn.thepublive.com/fit-in/1280x960/filters:format(webp)/tamil-ie/media/media_files/uploads/2023/06/tamil-indian-express-2023-06-09T112541.153.jpg)
FIR says incident involving Brij Bhushan Singh took place last year
wrestlers protests brij bhushan sexual harassment charge Tamil News: இந்திய மல்யுத்த சம்மேளன தலைவரும், பா.ஜ.க. எம்.பி.யுமான பிரிஜ் பூஷன் சரண்சிங் மீது 7 மல்யுத்த வீராங்கனைகள் கொடுத்த பாலியல் புகார் குறித்து டெல்லி போலீசார் வழக்கு பதிவு செய்து விசாரணை நடத்தி வருகின்றனர். இதற்கிடையே, பிரிஜ் பூஷனை உடனடியாக கைது செய்ய வேண்டும் என்று வலியுறுத்தி இந்தியாவின் முன்னணி மல்யுத்த வீரர், வீராங்கனைகள் டெல்லி ஜந்தர் மந்தர் பகுதியில் கடந்த 23ம் தேதி முதல் போராட்டத்தில் ஈடுபட்டனர்.
கடந்த புதன்கிழமை, மல்யுத்த வீரர்கள், ஒலிம்பிக் பதக்கம் வென்ற பஜ்ரங் புனியா மற்றும் சாக்ஷி மாலிக் ஆகியோர் மத்திய விளையாட்டு துறை அமைச்சர் அனுராக் தாக்கூரை சந்தித்தனர். இதனையடுத்து, ஜூன் 15 வரை தங்களது போராட்டத்தை இடைநிறுத்த ஒப்புக்கொண்டனர். இந்த தேதியில் டெல்லி காவல்துறை குற்றப்பத்திரிகையை தாக்கல் செய்யும் என்றும் அமைச்சர் தாக்கூர் உறுதியளித்து இருந்தார்.
இதனிடையே, டெல்லி போலீசார் ஒரு மைனர் உட்பட 7 மல்யுத்த வீராங்கனைகள் கொடுத்த புகாரின் அடிப்படையில் இரண்டு எஃப்.ஐ.ஆர்-களை பதிவு செய்து விசாரணை நடத்தி வருகின்றனர். அந்த புகாரில் வீராங்கனைகளுக்கு பயிற்சி அளிப்பதற்கு பதிலாக “பாலியல் தொல்லை” கொடுத்த இரண்டு நிகழ்வுகளை குறிப்பிட்டுள்ளனர். இதுதவிர, 15 க்கும் மேற்பட்ட பாலியல் துன்புறுத்தல் சம்பவங்கள், தகாத தொடுதல், மார்பகத்தின் மீது கைகளை வைக்க முயற்சித்தல், தொப்புளைத் தொடுதல் மற்றும் அவர்களை பின்தொடர்தல் உட்பட பல மிரட்டல் போன்ற 10 நிகழ்வுகளையும் கூறியுள்ளனர்.
உறுதிப்படுத்திய சாட்சியங்கள்
இந்நிலையில், ஒரு ஒலிம்பியன், காமன்வெல்த் தங்கப் பதக்கம் வென்றவர், ஒரு சர்வதேச நடுவர் மற்றும் மாநில அளவிலான பயிற்சியாளர் ஆகியோர், இந்திய மல்யுத்த சம்மேளனத்தின் (WFI) தலைவரும், பாஜக எம்பியுமான பிரிஜ் பூஷன் சரண் சிங்குக்கு எதிராக குறைந்தது மூன்று மல்யுத்த வீராங்கனைகளின் குற்றச்சாட்டுகளை உறுதிப்படுத்தியுள்ளனர்.
இந்த 4 சாட்சியங்களில் 2010 காமன்வெல்த் போட்டியில் தங்கப் பதக்கம் வென்ற அனிதா 'தி இந்தியன் எக்ஸ்பிரஸ்' இதழுக்கு ஏற்கனவே நடந்த சம்பவங்களை விவரித்துவிட்டார். இந்நிலையில், இரண்டாவதாக 2007 ஆம் ஆண்டு முதல் சர்வதேச மல்யுத்த நடுவராக பணியாற்றி வரும் ஜக்பீர் சிங் தற்போது 'தி இந்தியன் எக்ஸ்பிரஸ்' இதழுக்கு பேட்டியளித்துள்ளார்.
முன்னதாக, புகார் கொடுத்த வீராங்கனை ஒருவர் பிரிஜ் பூஷன் சரண்சிங் கடந்த ஆண்டு மார்ச் மாதம், லக்னோவில் நடந்த ஆசிய சாம்பியன்ஷிப் போட்டியின் முடிவில், அணியினர் புகைப்படம் எடுத்துக் கொண்டபோது, "என் பிட்டத்தில் கைகளை வைத்தார்" என்று டெல்லி போலீசாருக்கு அளித்த புகாரில் குறிப்பிட்டுள்ளார். அவரது குற்றச்சாட்டுகளை உறுதிப்படுத்தியுள்ள சர்வதேச மல்யுத்த நடுவர் ஜக்பீர் சிங், புகார் கொடுத்த வீராங்கனைக்கு சில அடி தூரத்தில் தான் நின்றதாகவும், அந்தப் புகைப்படத்தைப் பற்றிக் குறிப்பிட்டு, இது குறித்து டெல்லி போலீஸார் தன்னிடம் கேட்டதாகக் கூறினார்.
மத்திய விளையாட்டுத்துறை அமைச்சர் அனுராக் தாக்கூர் புதன்கிழமை வெளியிட்ட அறிக்கையின்படி, ஜூன் 15 ஆம் தேதி முடிவடையும் என்று எதிர்பார்க்கப்படும் போலீஸ் விசாரணையின் ஒரு பகுதியாக நான்கு மாநிலங்களில் உள்ள 125 க்கும் மேற்பட்ட சாட்சிகளில் சர்வதேச மல்யுத்த நடுவர் ஜக்பீர் சிங்கும் ஒருவர்.
ஜக்பீர் சிங் நமது 'தி இந்தியன் எக்ஸ்பிரஸ்' இதழுக்கு அளித்துள்ள பேட்டியில், “அவர் (பிரிஜ் பூஷன்) அவள் அருகில் நிற்பதை நான் பார்த்தேன். தன்னை விடுவித்துக் கொண்டு, தள்ளி, முணுமுணுத்து விட்டு நகர்ந்தாள். அவள் ஜனாதிபதியின் அருகில் நின்று கொண்டிருந்தாள். ஆனால் அதன்பின் முன்னால் வந்தாள். இந்த மல்யுத்த வீராங்கனை எப்படி நடந்துகொள்கிறார் என்பதை நான் பார்த்தேன், அவள் அசௌகரியமாக இருந்தாள். அவளுக்கு ஏதோ தவறு நடந்துவிட்டது). அவளுக்கு என்ன நடக்கிறது என்பதை நான் கவனிக்கவில்லை.
பிரிஜ் பூஷன் மல்யுத்த வீராங்கனைகளை இங்கே வா, இங்கே வந்து நில் என்று தொட்டுக் கொண்டே இருப்பார். அவளது (புகார்தாரரின்) நடத்தையில் இருந்து, அன்று (புகைப்படம் எடுத்த போது) ஏதோ தவறு இருப்பது தெளிவாகத் தெரிந்தது,” என்று ஜக்பீர் கூறினார்.
மல்யுத்த வீராங்கனை கொடுத்த புகாரில் புகைப்படம் எடுப்பதற்காக தான் முன் வரிசைக்கு செல்வதற்கு முன், பிரிஜ் பூஷன் சரண்சிங் தன்னை வலுக்கட்டாயமாக தோளில் பிடித்து இழுத்தார் என்று குறிப்பிட்டள்ளார்.
நான் உயரமான மல்யுத்த வீராங்கனைகளில் ஒருவராக இருந்ததால், நான் கடைசி வரிசையில் நிற்க வேண்டும். நான் கடைசி வரிசையில் நின்று மற்ற மல்யுத்த வீராங்கனைகள் தங்கள் நிலைகளை எடுப்பதற்காக காத்திருந்தபோது, குற்றம் சாட்டப்பட்டவர் வந்து என்னுடன் நின்றார். எனக்கு அதிர்ச்சியாகவும் ஆச்சரியமாகவும், திடீரென்று என் பிட்டத்தில் ஒரு கையை உணர்ந்தேன். நான் உடனே திரும்பிப் பார்த்தேன். என் பயம் ஏற்பட்டது. மிகவும் அநாகரீகமான மற்றும் ஆட்சேபனைக்குரிய அவரது செயலால் நான் திகைத்துப் போனேன். குற்றம் சாட்டப்பட்டவர் என் பிட்டத்தின் மீது கைகளை வைத்திருந்தார்.
குற்றம் சாட்டப்பட்டவர் மேலும் தகாத தொடுதலில் இருந்து என்னைப் பாதுகாத்துக் கொள்வதற்காக நான் உடனடியாக அந்த இடத்தை விட்டு நகர முயற்சித்தேன். இருப்பினும், நான் விலகிச் செல்ல முயன்றபோது, குற்றம் சாட்டப்பட்டவர் என்னை வலுக்கட்டாயமாக என் தோளளை பிடித்துக் கொண்டார். எப்படியோ குற்றவாளிகளின் பிடியில் இருந்து விடுபட்டேன். டீம் போட்டோ க்ளிக் செய்யப்படுவதை நான் தவிர்த்திருக்க முடியாது என்பதால், குற்றம் சாட்டப்பட்டவரிடமிருந்து விலகி முதல் வரிசையில் சென்று உட்கார முடிவு செய்தேன்." என்று அந்த புகாரில் கூறியுள்ளார்.
2010 காமன்வெல்த் போட்டியில் தங்கப் பதக்கம் வென்ற அனிதா தனது பேட்டியில், புகார் அளித்த வீராங்கனை பிரிஜ் பூஷன் அவளை தனது அறைக்கு அழைத்து "வற்புறுத்தி" கட்டிப்பிடித்த சம்பவத்தை "பகிர்வதற்காக" வெளிநாட்டில் நடந்த போட்டியில் இருந்து அழைத்துள்ளார். பாட்டியாலாவில் உள்ள தேசிய முகாமுக்குத் திரும்பிய பிறகு, அனிதாவிடம் தனக்கு நேர்ந்த துயரத்தை விவரிக்கும் போது அந்த வீராங்கனை அழுதார். அவர் அளித்த புகாரில், தங்கப் பதக்கம் வென்ற அன்று இரவு பிரிஜ் பூஷன் "பலவந்தமாக கட்டிப்பிடித்ததால்" தான் "அதிர்ச்சியடைந்ததாக" கூறியுள்ளார்.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
Stay updated with the latest news headlines and all the latest Lifestyle news. Download Indian Express Tamil App - Android or iOS.