பராமரிப்புப் பணி காரணமாக 17 மின்சார ரயில்கள் ரத்து: தெற்கு ரயில்வே அறிவிப்பு!

சென்னை சென்ட்ரல் - கூடூர் வழித்தடத்தில் உள்ள கவரைப்பேட்டை-கும்மிடிப்பூண்டி ரயில் நிலையங்களுக்கு இடையே, ஜூன் 10 (திங்கட்கிழமை) மற்றும் ஜூன் 12 ஆகிய தேதிகளில் காலை 11:20 மணி முதல் மாலை 3:20 மணி வரை (4 மணி நேரம்) பராமரிப்புப் பணிகள் நடைபெறவுள்ளன. இதன் காரணமாக, அந்த வழித்தடத்தில் இயக்கப்படும் 17 மின்சார ரயில்கள் ரத்து செய்யப்படுவதாக தெற்கு ரயில்வே அறிவித்துள்ளது.

ரத்து செய்யப்பட்ட ரயில்களின் முழு விவரம்: 

காலை 10:30 மற்றும் 11:35 மணிக்கு கும்மிடிப்பூண்டி செல்லும் ரயில்கள்.
காலை 10:15, மதியம் 12:10 மற்றும் 1:05 மணிக்கு சூலூர்பேட்டை செல்லும் ரயில்கள்.
இரவு 11:40 மணிக்கு ஆவடி செல்லும் ரயில்.
காலை 9:40 மற்றும் மதியம் 12:40 மணிக்கு கும்மிடிப்பூண்டி செல்லும் ரயில்கள்.
மதியம் 1:00, 2:30 மற்றும் மாலை 3:15 மணிக்கு சென்ட்ரல் செல்லும் ரயில்கள்.
மதியம் 1:15, மாலை 3:10 மற்றும் இரவு 9:00 மணிக்கு சென்ட்ரல் செல்லும் ரயில்கள்.
சூலூர்பேட்டையில் இருந்து மாலை 3:50 மணிக்கு நெல்லூர் செல்லும் பயணிகள் ரயில்.
நெல்லூரில் இருந்து மாலை 6:45 மணிக்கு சூலூர்பேட்டை வரும் பயணிகள் ரயில்.

பகுதி நேர ரத்து:

செங்கல்பட்டில் இருந்து: ஜூன் 10 மற்றும் 12 ஆம் தேதிகளில் காலை 9:55 மணிக்கு கும்மிடிப்பூண்டி செல்லும் மின்சார ரயில் கடற்கரை - கும்மிடிப்பூண்டி இடையே பகுதி நேரமாக ரத்து செய்யப்பட்டு, கடற்கரையில் நிறுத்தப்படும்.
கும்மிடிப்பூண்டியில் இருந்து: மாலை 3:00 மணிக்கு தாம்பரம் வரும் மின்சார ரயில் கும்மிடிப்பூண்டி - கடற்கரை இடையே பகுதி நேரமாக ரத்து செய்யப்பட்டு, கடற்கரையில் இருந்து புறப்படும்.

சிறப்பு மின்சார ரயில்கள் இயக்கம்:
பயணிகளின் வசதிக்காக, இந்த இரண்டு நாட்களிலும் (ஜூன் 10 & 12) சில சிறப்பு மின்சார ரயில்கள் இயக்கப்படவுள்ளன:

காலை 10:30 மணிக்கு சென்ட்ரல் - பொன்னேரி இடையே.
காலை 11:35 மணிக்கு சென்ட்ரல் - மீஞ்சூர் இடையே.
மதியம் 12:40 மணிக்கு கடற்கரை - பொன்னேரி இடையே.
மதியம் 1:18 மணிக்கு பொன்னேரி - சென்ட்ரல் இடையே.
மதியம் 2:56 மணிக்கு மீஞ்சூர் - சென்ட்ரல் இடையே.
மாலை 3:33 மணிக்கு பொன்னேரி - சென்ட்ரல் இடையே.
பயணிகள் இந்த மாற்றங்களை கவனத்தில் கொண்டு தங்கள் பயணத்தைத் திட்டமிடுமாறு தெற்கு ரயில்வே கேட்டுக்கொண்டுள்ளது.