மதுரை வரை நீட்டிக்கப்பட்டிருக்கும் சென்னை அனுவ்ராத் எக்ஸ்பிரஸ்...

22 trains extended service : ரயில்வே துறை அமைச்சர் பியூஷ் கோயல், ரயில் பயணிகளுக்கு ஒரு இனிப்பான தகவலை வெளியிட்டுள்ளார். 22 ரயில் சேவைகளை நீட்டித்துள்ளது.

22 trains extended service - தமிழகத்தில் 3 ரயில்கள் :

விழுப்புரத்தில் இருந்து காரக்பூர் செல்லும் 22604/22603 ரயிலின் சேவை புருலியா வரை நீட்டிக்கபட்டிருக்கிறது. இந்த ரயில் ஹிஜ்லி, மித்நாபூர், பிஷ்ணுபூர், பன்கூரா, மற்றும் அத்ரா ரயில் நிலையங்களில் நிறுத்தப்படும்.

அதே போல் பிக்னானேர் - சென்னை அனுவ்ராத் எக்ஸ்பிரஸ் ( ரயில் நம்பர் 22632/22631) மதுரை வரை நீட்டிக்கப்பட்டுள்ளது. இந்த ரயில் சென்னை எழும்பூர், தாம்பரம், செங்கல்பட்டு, விழுப்புரம், விருதாச்சலம், அரியலூர், ஸ்ரீரங்கம், திருச்சிராப்பள்ளி, திண்டுக்கல், மற்றும் கொடைரோடு வரை ரயில் நிலையங்களில் நிறுத்தப்படும்.

சேலத்திலிருந்து - காட்பாடி வரை செல்லும் 66019/66020 ரயிலின் சேவை அரக்கோணம் வரை நீட்டிக்கப்படுகிறது. இந்த ரயில் முகுந்தராயபுரம், வாலஜா சாலை, சோலிங்கர் ரயில் நிலையங்களில் நிறுத்தப்படும்.  இது தவிர 19 ரயில்களின் சேவைகளும் நீட்டிக்கப்பட்டுள்ளது என்பது குறிப்பிடத்தக்கது.

மேலும் படிக்க : ரயில் பயணிகளின் கவனத்திற்கு… டிக்கெட் புக்கிங் குறித்து IRCTC தெரிவித்துள்ள புதிய தகவல்