சின்னத்திரை நடிகரின் மகன் கார் விபத்தில் உயிரிழப்பு: சிசிடிவி காட்சிகள் வெளியாகி அதிர்ச்சி

சென்னையில், சின்னத்திரை நடிகரின் மகன் கார் விபத்தில் உயிரிழந்த சம்பவம் அதிர்ச்சியை ஏற்படுத்திய நிலையில், அதன் சிசிடிவி காட்சிகள் வெளியாகியுள்ளது.

சென்னை, ராஜா அண்ணாமலைபுரம் பகுதியைச் சேர்ந்தவர் கார்த்திக். இவர் சின்னத்திரையில் நடிகராக பணியாற்றி வருகிறார். இவரது மகன் நித்திஷ் என்பவர், தனியார் கல்லூரியில் மூன்றாமாண்டு பயின்று வந்தார். இவர் கடந்த அக்டோபர் 31-ஆம் தேதி நள்ளிரவு தனது நண்பர்களுடன் ஓஎம்ஆர்-ல் உள்ள விளையாட்டு திடலுக்கு சென்று விட்டு திரும்பி வந்து கொண்டிருந்தார்.

அப்போது, வேளச்சேரி அருகே கார் வேகமாக வந்து கொண்டிருந்த போது எதிர்பாராத விதமாக கட்டுப்பாட்டை இழந்து விபத்துக்குள்ளானது. இதனால் படுகாயமடைந்த நித்திஷ் மற்றும் அவரது நண்பர்களை மீட்ட அக்கம்பக்கத்தினர், அவர்களை தனியார் மருத்துவமனைக்கு அனுப்பி வைத்தனர். அங்கு நித்திஷை பரிசோதித்த மருத்துவர்கள் அவர் ஏற்கனவே உயிரிழந்து விட்டதாக கூறினார்.

இச்சம்பவம் தொடர்பாக போலீசார் விசாரணை நடத்தி வரும் நிலையில், விபத்தின் சிசிடிவி காட்சிகள் தற்போது வெளியாகி அதிர்ச்சியை ஏற்படுத்தியுள்ளது.

நன்றி - சன் நியூஸ்

#WATCH | கார் விபத்தில் சிக்கி உயிரிழந்த துணை நடிகரின் மகன் நிதிஷ் ஆதித்யா - பதைபதைக்க வைக்கும் சிசிடிவி காட்சி!#SunNews | #Accident  | #Chennai pic.twitter.com/8UBUsZkHHd

— Sun News (@sunnewstamil) November 2, 2024

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“