அஜித்குமார் குடும்பத்திற்கு ரூ.5 லட்சம் நிதியுதவி வழங்கிய அ.தி.மு.க

அ.தி.மு.க பொதுச் செயலாளர் எடப்பாடி பழனிசாமி கடந்த ஜூலை 30ஆம் தேதி சிவகங்கை மாவட்டம் சுற்றுப்பயணமாக வந்தபோது, காவல் விசாரணையின் போது உயிரிழந்த அஜித்குமார் குடும்பத்தை நேரில் சந்தித்து ஆறுதல் தெரிவித்தார். அப்போது, அ.தி.மு.க சார்பில் விரைவில் நிதியுதவி வழங்கப்படும் என அறிவித்திருந்தார்.

அந்தவகையில், இன்று சிவகங்கை மாவட்ட அ.தி.மு.க செயலாளரும் சட்டமன்ற உறுப்பினருமான செந்தில்நாதன் தலைமையில் அ.தி.மு.க.,வினர் அஜித்குமார் இல்லத்திற்கு சென்று, அவரது குடும்பத்திற்காக ரூ.5 லட்சம் மதிப்புள்ள வரைவு காசோலையை வழங்கினர். இந்த நிகழ்வில் பல்வேறு அ.தி.மு.க நிர்வாகிகள் மற்றும் தொண்டர்கள் கலந்து கொண்டனர்.