அமைச்சர் செந்தில்பாலாஜி பதவி நீக்கம் செய்யக் கோரி ஆர்ப்பாட்டம்: ஈ.பி.எஸ்., அறிவிப்பு

அமைச்சர் செந்தில் பாலாஜி கைது செய்யப்பட்டதை அடுத்து தமிழகத்தில் சலசலப்பு ஏற்பட்டுள்ளது.

இதைத்தொடர்ந்து எதிர்க்கட்சி தலைவர் எடப்பாடி பழனிசாமி பதில் அளித்துள்ளதாவது:

"மருத்துவமனையில் சிகிச்சை பெறுவதுபோல் நாடகமாடுகிறார் செந்தில் பாலாஜி. 2 ஆண்டுகளில் ரூ.30,000 ஆயிரம் கோடிக்கு மேல் ஊழல் செய்துள்ளார் செந்தில் பாலாஜி”, என்றார்.

அமைச்சர் செந்தில் அமைச்சர் செந்தில்பாலாஜியை பதவி நீக்கம் செய்யக் கோரி வரும் 21ஆம் தேதி அதிமுக சார்பில் கண்டன ஆர்ப்பாட்டம் நடத்தப்போவதாக எடப்பாடி பழனிசாமி அறிவித்துள்ளார்.

இந்த கண்டன ஆர்ப்பாட்டத்தில், தமிழகத்தில் அத்தியாவசியப் பொருட்களின் விலை உயர்வு, சட்டம் ஒழுங்கு பிரச்னை உள்ளிட்டவைக்கு கேள்வி எழுப்பும் முயற்சியும் நடைபெறும் என்று தெரிவித்துள்ளார்.

மாவட்ட ஆட்சியர் அலுவலகங்கள் முன்பு வரும் 21ஆம் தேதி காலை 10 மணிக்கு கண்டன ஆர்ப்பாட்டம் நடைபெறும் என்று எடப்பாடி பழனிசாமி தெரிவித்துள்ளார்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil