/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/hhRZld4O8UmRBk8nNwGc.jpg)
AIADMK party chief Edappadi K Palaniswami with Union Home Minster Amit Shah (Facebook: Edapaddi K Palaniswami)
பாஜக தலைமையிலான தேசிய ஜனநாயகக் கூட்டணியுடன் (NDA) தனது உறவை முறித்துக் கொள்வதாகவும், மக்களவைத் தேர்தலில் "ஒத்த எண்ணம் கொண்ட கட்சிகளின் கூட்டணிக்கு" தலைமையேற்பதாகவும் அதிமுக திங்கள்கிழமை அறிவித்தது. இது தமிழக அரசியலில் குறிப்பிடத்தக்க மாற்றத்தை ஏற்படுத்தியுள்ளது.
தில்லியில் பாஜக தேசியத் தலைமையுடன் அதிமுக பிரதிநிதிகள் வெள்ளிக்கிழமை நடத்திய பேச்சுவார்த்தை தோல்வியடைந்ததை அடுத்து கூட்டணி முடிவுக்கு வரும் என்று எதிர்பார்க்கப்பட்டது.
பாஜகவின் மூத்த தலைவர்கள், தமிழக பாஜக தலைவர் அண்ணாமலையை கட்டுப்படுத்த விருப்பம் காட்டவில்லை என்று கூறப்படுகிறது, அவரது கருத்துக்கள் இரு கட்சிகளுக்கு இடையிலான இடைவெளியை விரிவுபடுத்தியது.
திராவிட அரசியலில் சுருங்கி வரும் அதிமுக, கடந்த இரண்டு பெரிய தேர்தல்களில் சிறுபான்மை வாக்குகளை இழந்ததைக் கையாளும் நேரத்தில் இந்த கூட்டணி முடிவுக்கு வந்தது.
திங்களன்று சென்னையில் நடைபெற்ற உயர்மட்டக் கூட்டத்தைத் தொடர்ந்து, அதிமுக துணைப் பொதுச் செயலாளர் கே.பி.முனுசாமி ஊடகங்களிடம் கூறுகையில், கடந்த ஆண்டு முதல் கட்சி மற்றும் அதன் தலைவர்கள் மீது பாஜக நடத்திய "தொடர்ச்சியான தாக்குதல்களுக்கு" பதிலடியாக இந்த ஒருமித்த முடிவு எடுக்கப்பட்டது, என்றார்.
இதையடுத்து சோஷியல் மீடியாவில், “#நன்றி_மீண்டும்வராதீர்கள்’ ஹேஷ்டேக்கை கட்சி டிரெண்ட் ஆகியது.
சென்னை கூட்டத்தில் கலந்து கொண்ட அதிமுக மூத்த தலைவர் ஒருவர், “பாஜகவின் தேசியத் தலைமையின் ஆதரவு இல்லாததாலும், அண்ணாமலையின் தொடர்ச்சியான தாக்குதல்களாலும், பழனிசாமி மற்றும் உயர்மட்டத் தலைவர்கள் ஆபத்தான நிலையில் தங்களைக் கண்டனர். கட்சியின் தலைமை மற்றும் தொண்டர்கள் அவமானப்படுத்தப்பட்டதாக உணர்ந்தனர், இதனால் கூட்டணியில் இருந்து வெளியேற ஒருமனதாக முடிவு எடுக்கப்பட்டதாக” கூறினார்.
2019ஆம் ஆண்டு முதல் தேசிய ஜனநாயக கூட்டணியில் இருந்து வெளியேறிய நான்காவது பெரிய கட்சி அதிமுக ஆகும். மற்ற கட்சிகள் விவரம் பின்வருமாறு;
சிவசேனா — நவம்பர் 23, 2019: பாஜகவின் பழமையான கூட்டணிக் கட்சிகளில் ஒன்றான சிவசேனா மகாராஷ்டிராவில் ஆட்சி அமைப்பதில் ஏற்பட்ட முட்டுக்கட்டைக்கு மத்தியில் கூட்டணியில் இருந்து வெளியேறியது. பாஜக சுழற்சி முறை முதல்வர் பதவியை மறுத்ததை அடுத்து,சேனா தலைவர் உத்தவ் தாக்கரே தேசியவாத காங்கிரஸ் (NCP) மற்றும் காங்கிரஸுடன் இணைந்து மகா விகாஸ் அகாடி கட்சியை உருவாக்கினார்.
ஏக்நாத் ஷிண்டே தலைமையில் பிரிந்த சேனா குழு, (பின்னர் தேர்தல் ஆணையத்தால் சிவசேனாவாக அங்கீகரிக்கப்பட்டது)ஜூலை 1, 2022 அன்று பாஜகவுடன் இணைந்து ஆட்சி அமைத்தது.
சிரோமணி அகாலி தளம் — செப்டம்பர் 26, 2020: தேசிய ஜனநாயகக் கூட்டணியின் ஸ்தாபனங்களில் ஒன்றான அகாலி தளம், மூன்று விவசாயச் சட்டங்களை நாடாளுமன்றத்தின் மூலம் நிறைவேற்றும் மத்திய அரசின் முடிவை எதிர்த்து கூட்டணியில் இருந்து விலகியது.
ஒருங்கிணைந்த ஜனதா தளம் JD(U)— ஆகஸ்ட் 9, 2022: ஒருங்கிணைந்த ஜனதா தள கட்சியின் தலைவரும் பீகார் முதல்வருமான நிதிஷ் குமார் தேசிய ஜனநாயக கூட்டணியில் தனக்கு வசதியாக இல்லை என்று கூறி மகாகத்பந்தனுக்கு (Mahagathbandhan) திரும்பினார்.
தமிழ்நாட்டில் எப்படி எல்லாம் அவிழ்ந்தது?
அ.தி.மு.க.வில் அதிகரித்து வரும் விரக்தியின் உச்சக்கட்டத்தை இந்த அறிவிப்பு பிரதிபலிக்கிறது. பா.ஜ.க- கட்சியின் கொள்கைகளை மட்டுமல்ல, ஜெயலலிதா, அண்ணா போன்ற தலைவர்களையும் தாக்கி வருகிறது என்றார் முனுசாமி.
இரண்டு வாரங்களுக்கு முன்பு மதுரையில், மாநிலத்தின் முதல் முதலமைச்சர் அண்ணாவை பற்றி, அண்ணாமலை கூறிய கருத்துக்குப் பிறகு, இரு தரப்புக்கும் இடையே இருந்த உறவு மீளமுடியாமல் முறிந்தது.
தேசிய ஜனநாயகக் கூட்டணியில் இருந்து வெளியேறுவது குறித்து அக்கட்சி யோசித்து வருகிறது என்பதற்கான முதல் சமிக்ஞை கடந்த வாரம், அதன் செய்தித் தொடர்பாளர் ஜெயக்குமார் இரு கட்சிகளுக்கும் இடையேயான கூட்டணி முறிந்து விட்டதாக கூறியதில் இருந்து தொடங்கியது,
ஜெயக்குமாரின் கருத்துக்கு பதிலடி கொடுக்கும் வகையில்பேசிய அண்ணாமலை, ’அண்ணாவின் பாரம்பரியத்தை மதித்து, பழனிச்சாமியை தமிழக தேசிய ஜனநாயகக் கூட்டணியின் தலைவராக ஏற்க மாட்டோம்’ என்று கூறியதால், கூட்டணியை முடிவுக்கு கொண்டு வர வேண்டும் என்ற தீர்மானம் வலுவடைந்தது.
இந்த முடிவு,அரசியலில் எப்படி விளையாடலாம்?
அதிமுகவின் இந்த நடவடிக்கை தமிழக அரசியலில் கணிசமான தாக்கத்தை ஏற்படுத்தும்.
2019 நாடாளுமன்றத் தேர்தல் மற்றும் 2021 சட்டமன்றத் தேர்தல்களில் அதைக் கைவிட்ட சிறுபான்மைச் சமூகங்கள் உட்பட, கட்சி இப்போது தனது நிலைப்பாட்டை மீண்டும் உறுதிப்படுத்துவதிலும் அதன் அடித்தளத்துடன் மீண்டும் இணைவதிலும் கவனம் செலுத்த வேண்டும்
இருப்பினும், இந்த முடிவில் அபாயங்கள் இல்லாமல் இல்லை.
இரண்டு அதிமுக தலைவர்கள் தி இந்தியன் எக்ஸ்பிரஸ்ஸிடம் ஞாயிற்றுக்கிழமை கூறுகையில், கிட்டத்தட்ட ஒரு டஜன் முன்னாள் அதிமுக அமைச்சர்கள் மற்றும் மூத்த தலைவர்கள் மத்திய அமைப்புகள் மற்றும் மாநில விஜிலென்ஸ் மற்றும் ஊழல் தடுப்பு இயக்குநரகம் உட்பட பல்வேறு விசாரணை அமைப்புகளின் கீழ் எஃப்ஐஆர் மற்றும் ஊழல் குற்றச்சாட்டுகளை எதிர்கொள்கின்றனர்.
எவ்வாறாயினும், அதிமுக-பாஜக கூட்டணி முறிந்தது, மாநிலத்தில் ஆளும் கட்சியான மு.க.ஸ்டாலின் தலைமையிலான திமுகவுக்கும், பொதுத் தேர்தலில் பாஜகவை எதிர்கொள்ளத் தயாராகி வரும் எதிர்க்கட்சிகளின் இந்தியா கூட்டணியின் ஒரு அங்கமான கட்சிக்கும் நல்ல செய்தி.
திமுக எதிர்ப்பு வாக்குகள் அதிமுக மற்றும் பாஜக இடையே பிளவுபடும் என்று எதிர்பார்க்கப்படுகிறது, இன்னும் சில அதிமுக கிளர்ச்சித் தலைவர்கள் களத்தில் வருவதைக் காணலாம்.
Read in English: As AIADMK cuts ties with BJP, what forced its hand: Annamalai, shrinking Dravidian space, minority votes
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.