கோவை வரும் மத்திய அமைச்சர் அமித்ஷா மற்றும் முதல்வர் ஸ்டாலினை வரவேற்க விமான நிலைய சாலையில் பா.ஜ.க மற்றும் மற்றும் தி.மு.க கொடிகள் அருகருகே பறக்க விடப்பட்டுள்ளதால் சலசலப்பு ஏற்பட்டுள்ளது.
கோவையில் நாளை பா.ஜ.க.,வின் புதிய மாவட்ட அலுவலக கட்டிட திறப்பு விழா நடைபெறுகிறது. இதில் பங்கேற்பதற்காக பா.ஜ.க முக்கிய தலைவர்கள் மற்றும் நிர்வாகிகள் கோவையில் முகாமிட்டு வருகின்றனர். இந்த நிகழ்வில் மத்திய அமைச்சர் அமித்ஷா கலந்து கொண்டு பா.ஜ.க அலுவலகத்தை கட்டிடத்தை திறந்து வைப்பதுடன் நாளை இரவு ஈஷா யோகா மையத்தில் நடைபெறும் சிவராத்திரி நிகழ்விலும் பங்கேற்க உள்ளார். இதற்காக இன்று விமானம் மூலம் கோவை வருகிறார்.
அதேவேளை சேலத்தில் நடைபெறும் திருமண நிகழ்வு ஒன்றில் பங்கேற்கும் முதலமைச்சர் ஸ்டாலின் சென்னை செல்வதற்காக கார் மூலம் அங்கிருந்து கோவை விமான நிலையம் வருகிறார். ஒரே நேரத்தில் இரு தலைவர்களும் விமான நிலையத்திற்கு வருவதால் அந்தப் பகுதியில் பரபரப்பு நிலவியது.
இதற்கிடையில் மத்திய அமைச்சர் அமித்ஷா மற்றும் முதலமைச்சர் ஸ்டாலினை வரவேற்பதற்காக விமான நிலைய சாலையில் அருகருகே பா.ஜ.க மற்றும் தி.மு.க கட்சிக்கொடிகள் நடப்பட்டுள்ளன. இதனால் விமான நிலைய சாலையில் இரு தலைவர்களையும் வரவேற்க திரண்டு வரும் பா.ஜ.க மற்றும் தி.மு.க தொண்டர்களிடையே சலசலப்பு ஏற்பட்டுள்ளது.
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2025/02/25/WG2h6dcF1HvpCknHU7dB.jpg)