அம்மா உணவகங்களை புதுப்பொலிவாக்க ரூ.5 கோடி ஒதுக்கீடு: சென்னை மாநகராட்சி நடவடிக்கை

சென்னையில் உள்ள அம்மா உணவகங்களை புதுப்பொலிவு செய்ய ரூ.5 கோடி ரூபாய் சென்னை மாநகராட்சி ஒதுக்கி உள்ளது.

முன்னாள் முதலமைச்சர் மறைந்த ஜெயலலிதா தொடங்கி வைத்த அம்மா உணவகம் தற்போது நடைபெற்று வருகிறது. ஆனால் அ.தி.மு.க ஆட்சியில் இருந்தது போல நடத்தப்படவில்லை என்று கூறப்படுகிறது. இந்நிலையில் சென்னையில் உள்ள அம்மா உணவகங்களை புதுப்பொலிவு செய்ய சென்னை மாநகராட்சி ஐந்து கோடி ரூபாய் ஒதுக்கி உள்ளதாக தகவல் வெளியாகி உள்ளது. அம்மா உணவகங்களின் கட்டமைப்பை மேம்படுத்த  மாநகராட்சி நிர்வாகம் நடவடிக்கை எடுத்துள்ளதாக கூறப்படுகிறது.

சென்னையில் உள்ள 391 உணவகங்களிலும் அலங்கோலமான பழுதான சமையலைறைப் பொருட்களை மாற்றவும் முடிவு செய்யப்பட்டுள்ளது. அம்மா உணவகத்தில் பெயிண்டிங் உள்ளிட்டவற்றையும் மாற்றி சீரமைப்பு பணிகளை துவங்க மாநகராட்சி திட்டமிட்டுள்ளதாக கூறப்படுகிறது.