சென்னை எண்ணூரில் எண்ணெய் கசிவால் பாதிக்கப்பட்ட பொதுமக்களுக்கு, பசுமைத் தாயகம் அமைப்பின் சார்பாக சிறப்பு மருத்துவ முகாம் நடைபெற்று வருகிறது.
பா.ம.க தலைவர் அன்புமணி ராமதாஸ் மருத்து முகாமை தொடங்கி வைத்தார். தொடர்ந்து அவரே பொதுமக்களுக்கு சிகிச்சை அளித்து வருகிறார். குறிப்பாக எண்ணூர் மாநகராட்சி பள்ளி வளாகத்தில் இந்த மருத்துவ முகாம் நடைபெற்று வருகிறது. பொது உடல் பரிசோதனை, இதய பரிசோதனை உள்ளிட்ட பல்வேறு பரிசோதனை செய்யப்படுகிறது. குறிப்பாக மிக்ஜாம் புயலால் ஏற்பட்ட மழை காரணமாக எண்ணூர் மற்றும் சுற்றுவட்டாரப் பகுதிகளில் எண்ணெய் கழிவுகள் வெளியேறி பெரும் சிக்கலை ஏற்படுத்தியது. நீர் நிலைகளில் எண்ணெய் கழிவுகள் நீக்கப்படாமல் இருப்பதால் அப்பகுதி மக்கள் அதிகமாக பாதிக்கப்பட்டுள்ளனர். எர்னவூர், ஆதிதிராவிடர் காலனி, சிவன்படைத் தெரு உள்ளிட்ட பகுதிகளில் கச்சா எண்ணெய் கழிவுகளை மக்களே அகற்றி உள்ளனர்.
இந்நிலையில் தற்போது இயல்பு நிலைக்கு இப்பகுதி மக்கள் திரும்பி வருகின்றனர். இந்நிலையில் மக்களுக்கு உதவியாக பசுமைத்தாயகம் சார்பில் மருத்துவ முகாம் நடைபெற்று வருகிறது. இந்த மருத்துவ முகாமை அன்புமணி ராமதாஸ் தொடங்கி வைத்தார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“