142 கோடி இந்தியர்களும் மோடியின் குடும்பம்; அண்ணாமலை

Annamalai | Narendra Modi | Tn Bjp | சென்னை நந்தனத்தில் தாமரை மாநாடு பொதுக்கூட்டத்தில் பிரதமர் நரேந்திர மோடி பங்கெடுத்துள்ளார். இந்த மாநாட்டில் பேசிய மத்திய இணையமைச்சர் எல்.முருகன், “பிரதமர் நரேந்திர மோடி  வருகை தரும்போதெல்லாம் பல திட்டங்களை தமிழ்நாட்டிற்கு கொண்டு வந்துள்ளார்.
மிகத் தொன்மையான தமிழ் மொழியை உலகம் முழுவதும் எடுத்து செல்கிறார். இதுவரை ரூ.11 லட்சம் கோடி மதிப்பிலான திட்டங்களை பிரதமர் நரேந்திர மோடி தமிழ்நாட்டிற்கு கொண்டு வந்துள்ளார்” என்றார்.

தொடர்ந்து பேசிய தமிழ்நாடு பாஜக மாநிலத் தலைவர் கு. அண்ணாமலை, “பிரதமர் நரேந்திர மோடிக்கு குடும்பம் இல்லை என லாலு கூறியுள்ளார்.
பிரதமர் தமிழ்நாட்டில் உள்ள தனது குடும்பத்தை சந்திக்க வந்துள்ளார். அவருக்கு 142 கோடி இந்தியர்களும் குடும்பமாக உள்ளனர்” என்றார்.
முன்னதாக, காஞ்சிபுரத்தில் நெய்யப்பட்ட பட்டு சால்வை அணிவித்து பிரதமர் நரேந்திர மோடியை பா.ஜனதா மாநிலத் தலைவர் அண்ணாமலை வரவேற்றார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“