/indian-express-tamil/media/media_files/ROfJvWxIPu2J66osaq5j.jpg)
"மிகப்பெரிய ஆட்கள் பா.ஜ.க.வுக்கு வர உள்ளனர். பொறுத்திருந்து பாருங்கள்." என்று அண்ணாமலை தெரிவித்துள்ளார்.
Annamalai | Tamilnadu Bjp | Tiruppur:பா.ஜ.க. மாநிலத் தலைவர் அண்ணாமலை மேற்கொண்டு வரும் 'என் மண் என் மக்கள்' யாத்திரை தமிழ்நாடு முழுவதும் தொகுதி வாரியாக கடந்த 4 மாதங்களாக நடைபெற்று வந்தது. இந்த நடைபயணம் இன்றுடன் நிறைவு பெறும் நிலையில், திருப்பூர் மாவட்டம் பல்லடம் அருகே நடைபெறும் 'என் மண் என் மக்கள்' வெற்றி விழா நிகழ்வில் பிரதமர் நரேந்திர மோடி பங்கேற்க உள்ளார்.
இந்நிலையில், திருப்பூரில் தமிழக பா.ஜ.க. மாநில தலைவர் அண்ணாமலை செய்தியாளர்களை சந்தித்துப் பேசினார். அப்போது அவர் பா.ஜ.க.வுக்கு மிகப் பெரிய ஆட்கள் வர உள்ளனர் என்றும், முக்கியப்புள்ளிகள் வரும்போது கட்சிக்குள் எந்த பிரச்சினையும் இல்லாமல் இணைக்க வேண்டியுள்ளது என்றும் தெரிவித்துள்ளார்.
இதுதொடர்பாக அண்ணாமலை பேசுகையில், "மிகப்பெரிய ஆட்கள் பா.ஜ.க.வுக்கு வர உள்ளனர். பொறுத்திருந்து பாருங்கள். எம்.எல்.ஏ.,க்கள், முன்னாள் எம்.எல்.ஏ.க்கள் என யாராக வேண்டுமானாலும் இருக்கலாம். முக்கியப்புள்ளிகள் வரும்போது கட்சிக்குள் எந்த பிரச்சினையும் இல்லாமல் இணைக்க வேண்டியுள்ளது. ஏற்கனவே கட்சிக்குள் இருக்கும் முக்கியப்புள்ளிகளை சமாதானம் செய்ய வேண்டியுள்ளது.
பா.ஜ.க.கூட்டணியே வேண்டாம் என்ற அ.தி.மு.க.,தான் நாள் தோறும் பா.ஜ.க...பா.ஜ.க...என புலம்பி வருகிறது. பா.ஜ.க. தானாக யாரையும் அழைக்கவில்லை. காலையில் இருந்து பா.ஜ.க.வை பற்றிதான் அவர்கள் பேசி வருகிறார்கள். பிரதமர் ஐயா வந்துபார்க்கும்போது, 'எப்படி பல்லடத்தில் தாமரை கடல் அலை வந்தது' என நினைக்கும் அளவுக்கு கூட்டம் கூடிவருகிறது" என்று கூறினார்.
“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறhttps://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.