சிறுமியை காப்பாற்றிய தமிழக சிப்பாய்: பாராட்டிய ராணுவ தளபதி

பஞ்சாபில் கால்வாயில் இருந்து மூழ்கிய சிறுமியைக் காப்பாற்றியதற்காக, தமிழகத்தின் மதுரை மாவட்டத்தைச் சேர்ந்த சிப்பாய் டி நவநீத கிருஷ்ணனை ராணுவத் தளபதி மனோஜ் பாண்டே பாராட்டினார்.

ஜூன் 16 அன்று பஞ்சாபில் உள்ள பக்ரா கால்வாயில் அடித்துச் செல்லப்பட்ட சிறுமியை சிப்பாய் நவநீத கிருஷ்ணன் காப்பாற்றி, பாட்டியாலாவில் உள்ள ஒரு கள மருத்துவமனையில் சேர்த்தார்.

"ஜெனரல் மனோஜ் பாண்டே #COAS ஒரு பெண்ணின் உயிரைக் காப்பாற்றிய அவரது துணிச்சலான மற்றும் தன்னலமற்ற செயலுக்காக சிப்பாய் நவநீத கிருஷ்ணன் டியைப் பாராட்டினார். சிப்பாய் நவநீதா, ஜூன் 16ஆம் தேதி, #பஞ்சாப், #பாட்டியாலா அருகே, வேகமாக ஓடும் பக்ரா கால்வாயில் நீரில் மூழ்கிய சிறுமியின் உயிரைக் காப்பாற்றினார்" என்று பாதுகாப்பு அமைச்சகத்தின் (இராணுவத்தின்) பொதுத் தகவல் இயக்குநர் டுவிட்டரில் பதிவிட்டுள்ளார்.

பஞ்சாபில் கால்வாயில் மூழ்கிய சிறுமியைக் காப்பாற்றிய துணிச்சலான செயலுக்காக தமிழகத்தின் மதுரை மாவட்டத்தைச் சேர்ந்த சிப்பாய் டி நவநீத கிருஷ்ணனை, ராணுவத் தளபதி மனோஜ் பாண்டே புதன்கிழமை பாராட்டினார்.

இராணுவ ஜவான் எந்த தயக்கமும் இல்லாமல் சுமார் 100 மீட்டர் கீழே ஓடி, கால்வாயில் குதித்து அச்சிறுமியை நீரில் அடித்துச் செல்லாமல் காப்பாற்றினார் என்று தெரிவிக்கப்பட்டுள்ளது. பயிற்சி பெற்ற அடிப்படை முதலுதவி வழங்குநராக தனது திறன்களைப் பயன்படுத்தி, கிருஷ்ணன் கார்டியோ நுரையீரல் மறுமலர்ச்சியை (CPR) செய்து, அதன் மூலம் சிறுமியின் உயிரைக் காப்பாற்றினார் என்பது குறிப்பிடத்தக்கது.

தமிழில் வீடியோ செய்தியில், ராணுவ தளபதியிடம் இருந்து இந்த விருதை பெறுவதில் பெருமை அடைவதாக கூறிய ராணுவ வீரர், தனக்கு கல்வி வழங்க மிகவும் பாடுபட்ட பெற்றோர்கள் என்பதால், இந்த கவுரவத்தை அவர்களுக்கு அர்ப்பணிப்பதாக கூறினார்.

நவநீதன் டிசம்பர் 11, 2018 அன்று ராணுவ மருத்துவப் படையில் சேர்க்கப்பட்டார். அவர் தற்போது பஞ்சாப், பாட்டியாலாவில் உள்ள கள மருத்துவமனையில் நியமிக்கப்பட்டுள்ளார்.

உயிரை பணயம் வைத்து சிறுமியின் உயிரை காப்பாற்றிய ராணுவ வீரருக்கு தமிழக முதல்வர் மு.க.ஸ்டாலின் ட்விட்டரில் பாராட்டு தெரிவித்துள்ளார்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil