புதுச்சேரி அருகே சாலையோரம் நின்றிருந்த பெண்கள் மீது மோதிய கார்; 3 பேர் பலி; 4 பேர் படுகாயம்

புதுச்சேரி அருகே கோட்டகுப்பத்தில் ஞாயிற்றுக்கிழமை சாலையோரம் நின்று கொண்டிருந்த பெண்கள் மீது கார் மோதியதில் 2 பேர் சம்பவ இடத்திலே இறந்தனர். ஒருவர் மருத்துவமனையில் இறந்தார். மேலும் 4 பேர் ஆபத்தான நிலையில் மருத்துவமனையில் அனுமதிக்கப்பட்டுள்ளனர்.

விழுப்புரம் மாவட்டம் கோட்டகுப்பம் அடுத்த கீழ் புத்துப்பட்டு கிழக்கு கடற்கரைச் சாலை ஓரம் புதுகுப்பம் பகுதியைச் சேர்ந்த மீன் வியாபாரிகளான (பெண்கள்) 6 பேர் ஆட்டோவிற்காக சாலையோரம் நின்று கொண்டிருந்தனர் அப்பொழுது புதுச்சேரியில் இருந்து சென்னை நோக்கி சென்ற சொகுசு கார் ஓட்டுநரின் கட்டுப்பாட்டை இழந்து சாலையோரம் நின்று கொண்டிருந்த ஆறு பெண்கள் மீது பலமாக மோதியது இதில் புது குப்பம் பகுதியை சேர்ந்த லக்ஷ்மி வயது 45 மற்றும் கோவிந்தம்மாள் வயது 50 இருவரும் சம்பவ இடத்திலேயே பரிதாபமாக உயிரிழந்தனர் மேலும் நான்கு பேர் ஜிப்மர் மருத்துவமனையில் தீவிர சிகிச்சை பிரிவு அனுமதிக்கப்பட்டனர் மேலும் காரில் வந்த சென்னை சேர்ந்த ஐந்து பேர் புதுச்சேரி தனியார் மருத்துவமனையில் அனுமதிக்கப்பட்டனர்.

சாலையோரம் நின்று கொண்டிருந்த பெண்கள் மீது கார் மோதி இருவர் பலியான சம்பவம் அப்பகுதியில் பெரும் பரபரப்பை ஏற்படுத்தியது.

செய்தி: பாபு ராஜேந்திரன்

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil"