New Update
![cauvery](https://img-cdn.thepublive.com/fit-in/1280x960/filters:format(webp)/tamil-ie/media/media_files/uploads/2023/04/cauvery-48011.jpg)
காவிரி விவகாரத்தில் அடுத்த கட்ட நடவடிக்கை குறித்து பரிசீலிக்க சட்ட நிபுணர்களுடன் ஆலோசிக்கப்படும் என சித்த ராமையா தெரிவித்துள்ளார்.
காவிரி விவகாரத்தில் அடுத்த கட்ட நடவடிக்கை குறித்து பரிசீலிக்க சட்ட நிபுணர்களுடன் ஆலோசிக்கப்படும் என சித்த ராமையா தெரிவித்துள்ளார்.
Cauvery Water Management Authority : காவிரி நீர் மேலாண்மை ஆணையம் (CWMA) இன்று (செப்டம்பர் 29, 2023) தனது 25 வது கூட்டத்தை நடத்தியது. அதில், வரும் அக்டோபர் 15ஆம் தேதிவரை தமிழகத்திற்கு 12.5 டிஎம்சி நீர் இருப்புடன் 3000 கன அடி நீரை திறந்து விட உத்தரவிட்டது.
அப்போது, பயிர்களை காப்பாற்ற 12500 கன அடி தண்ணீர் திறந்து விடப்பட்டுள்ளது. எவ்வாறாயினும், அதன் 4 நீர்த்தேக்கங்களில் நிலவும் பற்றாக்குறையைப் பரிசீலிக்குமாறு கர்நாடகா CWMA-ஐக் கேட்டுக் கொண்டது.
இது பாசனம் மற்றும் குடிநீர்த் தேவைகளைப் பூர்த்தி செய்ய போதுமானதாக இல்லை. எனவே தமிழகத்திற்கு 29.9.23 முதல் 15 நாட்களுக்கு 3000 கனஅடி வீதம் திறந்துவிட காவிரி நீர் முறைப்படுத்தும் குழுவின் (சிடபிள்யூஆர்சி) உத்தரவுகளை ஆணையம் மறுஆய்வு செய்ய வேண்டும் என்று கேட்டுக் கொண்டது.
காவிரி விவகாரத்தில் அடுத்த கட்ட நடவடிக்கை குறித்து பரிசீலிக்க, ஓய்வுபெற்ற உச்சநீதிமன்ற நீதிபதிகள், அட்வகேட் ஜெனரல்களுடன் கர்நாடக அரசு ஆலோசனை நடத்தும் என்று கர்நாடக முதல்வர் சித்தராமையா உத்தரவுக்குப் பிறகு தெரிவித்தார்.
முன்னதாக, காவிரி ஆணைய கூட்டத்தில் தமிழ்நாடு, கர்நாடக அதிகாரிகளுக்கு இடையே கடும் வாக்குவாதம் ஏற்பட்டது. தமிழ்நாடு அரசு சார்பில், 12,500 கனஅடி நீர் திறக்க உத்தரவிட வேண்டும் என்று வலியுறுத்தப்பட்டது. ஆனால், நீர் திறந்து விட முடியாது என கர்நாடக அதிகாரிகள் மறுத்துவிட்டனர்.
இதற்கிடையில், கன்னட ஆதரவு அமைப்புகள், விவசாயிகள் சங்கத் தலைவர் குருபூர் சாந்தகுமார் மற்றும் பிற அமைப்புத் தலைவர்கள் கர்நாடக முதல்வர் சித்தராமையாவை சந்தித்து, மாநிலத்தில் மழை குறைவாக இருக்கும் போது நிலச்சரிவுக்கான தீர்வு காண கோரிக்கை விடுத்தனர்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.