சந்திராயன் - 3 வெற்றி: கோவையில் 2.5 அடி ராக்கெட் வடிவ கேக் வெட்டி கொண்டாட்டம்

சந்திராயன் - 3 விக்ரம் லேண்டர் நிலவின் தென் துருவத்தில் வெற்றிகரமாக தரையிறங்கியதை அடுத்து, கோவையில் தனியார் கல்லூரி வளாகத்தில் 2.5 அடி ராக்கெட் வடிவிலான கேக் வெட்டி கொண்டாடப்பட்டது.

கோவை நேரு கல்வி குழுமத்தின் சார்பில் சந்திராயன்-3 வெற்றியடைந்ததை - நேரு விமானவியல் கல்லூரியின் மாணவ மாணவியர்கள் நேரு கலை அறிவியல் கல்லூரி வளாகத்தில் அமைக்கப்பட்டுள்ள திரையரங்கில் மிகப்பெரிய திரையில் இஸ்ரோ சார்பில் ஒளிபரப்பப்பட்ட நேரடி காட்சிகளை கண்டு மகிழ்ந்தனர்.

மாலை 5.00 மணிக்கு துவங்கிய இந்த ஒளிபரப்பு கடைசி 15 நிமிடங்கள் திக்திக் அனுபவத்தை மாணவ மாணவியர்களுக்கு வழங்கியது.

தொடர்ந்து நடைபெற்ற வெற்றி கொண்டாட்டத்தில் 2.5 அடி உயர 10 கிலோ எடை கொண்ட ராக்கெட் வடிவிலான கேக் வெட்டி கொண்டாடப்பட்டது.

நேரு கல்வி குழுமங்களின் செயலரும் முதன்மை கல்வி அதிகாரியுமான முனைவர். பி. கிருஷ்ணகுமார் மற்றும் கல்வி குழுமங்களின் முதல்வர்களும் இந்த கொண்டாட்டத்தில் கலந்து கொண்டு வாழ்த்துக் கோசங்களை முழக்கமிட்டனர்.

செய்தி: பி. ரஹ்மான்

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil ”