சென்னையை சிசிடிவி மயமாக்கிய ஏ.கே.வி இன்றுடன் பணி ஓய்வு

சென்னையை சிசிடிவி மயமாக்கிய காவல் அதிகாரி ஏ.கே.விஸ்வநாதன் இன்றுடன் பணி ஓய்வு பெறுகிறார்.

1990-ம் ஆண்டு பேட்ச் ஐபிஎஸ் அதிகாரியான முன்னாள் போலீஸ் கமிஷனர் விஸ்வநாதன், தனியார்-பொது கூட்டாண்மை முறையில் 2.7 லட்சம் சிசிடிவி கேமராக்களை சென்னை முழுவதும் பொருத்தி அதன் ‘மூன்றாவது கண்களை’ திறந்தார்.

இன்று, சாலை விதி மீறல்கள் முதல் கணிசமான குற்றங்கள், சிசிடிவி கேமரா காட்சிகளைக் கொண்டு கண்காணிக்கப்படுகின்றன. தமிழக காவல்துறையில் 34 ஆண்டுகால மகத்தான நடவடிக்கைக்குப் பிறகு, ஏகேவி என்று அன்புடன் அழைக்கப்படும் விஸ்வநாதன் இன்று பணியில் இருந்து ஓய்வு பெறுகிறார்.

ஏ.கே.வி அவரது குடும்பத்தில் மூன்றாம் தலைமுறை போலீஸ் அதிகாரி. அவரது தந்தை அய்யாசாமி காவல்துறை கண்காணிப்பாளராக பணிபுரிந்தார். அவரது தாத்தா பிரிட்டிஷ் அரசாங்கத்தின் கீழ் தலைமை காவலராக இருந்தார்.

அவரது மூத்தவர்கள், சகாக்கள், கீழ் பணிபுரிபவர்கள் மற்றும் அவருடன் பணிபுரிய வாய்ப்பு கிடைத்த எவரும், அவர் ஒரு நேர்மையான அதிகாரி,  அவர் கடினமான வழக்குகளைக் கூட புன்னகையுடன் கையாளுவார், அவற்றை துணிச்சலுடன் முறியடிப்பார், என்று கூறுகிறார்கள்.

ஏ.கே.வி., சென்னையில் காவல்துறைத் தலைவராக இருந்தபோது, ​​அதையும் சிறப்பாகச் செய்தார். அவரது உற்சாகம் காட்டுத்தீ போல் பரவி, பல தொழிலதிபர்கள், எம்.பி.க்கள், எம்.எல்.ஏ.க்கள், தொழில்துறையினர் மற்றும் பொதுமக்கள் தங்கள் வீடுகளிலும் அலுவலகங்களிலும் சிசிடிவி கேமராக்களை பொருத்த முன்வந்தனர்.

1991-92ல் தர்மபுரியில் உதவிக் காவல் கண்காணிப்பாளராகப் பணியைத் தொடங்கிய ஏ.கே.வி., காவல் கண்காணிப்பாளராகப் பதவி உயர்வு பெற்று மதுரை ஊரகப் பகுதியில் நியமிக்கப்பட்டார்.

அவர் அப்போதைய தருமபுரி காவல் கண்காணிப்பாளர் கே.ராமானுஜம் மேற்பார்வையில் ஏ.எஸ்.பி.யாகப் பணிபுரிந்தபோது, ​​ வீரப்பனின் கூட்டாளிகளை சுற்றி வளைத்தார்.

தி.மு.க ஆட்சியின் போது, ​​மாநில உளவுப் பிரிவில், முதலில் சிறப்புப் பாதுகாப்புப் பிரிவிலும் (SSB) துணை இன்ஸ்பெக்டர் ஜெனரலாகவும் (DIG) பணியாற்றினார்.

அவர் கோயம்புத்தூரில் போலீஸ் கமிஷனராக இருந்தபோது, ​​பல ஆண்டுகளாக நிலுவையில் இருந்த கொலைகள் மற்றும் குற்ற வழக்குகளில் கிட்டத்தட்ட 90% தீர்த்து வைத்தார். அவரது குழு 68 ஏடிஎம் திருட்டில் ஈடுபட்ட வட இந்தியாவைச் சேர்ந்த பிரபல ஏடிஎம் குற்றவாளியையும் கைது செய்தது.

1990 களின் முற்பகுதியில் மதுரையில் தேவர் ஜெயந்தி விழாவின் போது அவர் உத்தரவிட்ட இரண்டு லத்தி சார்ஜ் மற்றும் 2009 இல் சென்னை உயர் நீதிமன்ற வளாகத்தில் வழக்கறிஞர்கள் மீது போலீசார் தாக்குதல் நடத்தியது போன்ற சர்ச்சைகளில் சிக்கினார்.

பிப்ரவரி 27, 2002 அன்று குஜராத்தில் கோத்ராவில் நடந்த ரயில் எரிப்பு சம்பவத்தின் போது சிபிஐ எஸ்பியாக இருந்தார்.

விஸ்வநாதன் தனது வாழ்க்கையில், அப்போதைய மத்திய அமைச்சர் எம்.கே.அழகிரியிடம் சிறப்புப் பணி அதிகாரியாக (OSD) சிறிது காலம் பணியாற்றினார்.

தேனி மாவட்டம் கம்பம் பள்ளத்தாக்கில் முல்லைப் பெரியாறு அணையைக் கட்டிய பென்னிகுயிக்கின் மார்பளவு சிலையை ஏகேவி நிறுவினார். அவர் சென்னை போலீஸ் கமிஷனராக இருந்தபோது, பென்னிகுயிக் சந்ததியினருக்கு வெள்ளை பளிங்கு நன்கொடையாக வழங்கப்பட்டது.

ஒருமுறை மதுரை அருகே உசிலம்பட்டியில் ஒரு சந்திப்பில் போக்குவரத்தை ஒழுங்குபடுத்தும் சிறுவனைப் பார்த்தார். அவன் மனநிலை சரியில்லாமல் இருப்பதைக் கண்டறிந்த ஏ.கே.வி , மதுரையில் மனநல மருத்துவர் சி ராமசுப்ரமணியனின் பேசி சிறுவனுக்கு சிகிச்சையை ஏற்பாடு செய்தார். சிறுவன் சிகிச்சை பெற்று குணமடைந்தார்.

அந்த நபர் இப்போது மதுரையில் தனது சொந்தமாக வியாபாரம் செய்து வருகிறார், இன்னும் ஏகேவியை நினைவில் வைத்திருப்பதாக ஒரு அதிகாரி கூறினார்.

ஏகேவி, ராஜஸ்தானைச் சேர்ந்த 1990-ம் ஆண்டு ஐபிஎஸ் அதிகாரியான சீமா அகர்வாலை மணந்தார். இந்த தம்பதிக்கு ஒரு மகன் மற்றும் ஒரு மகள் உள்ளனர். தற்போது தமிழ்நாடு சீருடைப் பணியாளர் தேர்வு வாரிய (TNUSRB) பிரிவின் டிஜிபியாக இருக்கும் சீமா அகர்வால், ஓய்வு பெற இன்னும் இரண்டு ஆண்டுகள் உள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“