பல கோடி ரூபாய் மதிப்பு கைக்கடிகாரங்கள் கடத்தல்; தெலங்கானா அமைச்சர் மகனுக்கு சென்னை சுங்கத்துறை சம்மன்

பல கோடி ரூபாய் மதிப்புள்ள உயர் ரக கைக்கடிகாரங்கள் கடத்தலில் ஈடுபட்டதாக தெலங்கானா மாநில வருவாய் மற்றும் வீட்டு வசதித்துறை அமைச்சர் பொங்குலேடி சீனிவாச ரெட்டியின் மகன் பொங்குலேடி ஹர்ஷா ரெட்டிக்கு சென்னை சுங்கத்துறை சம்மன் அனுப்பியுள்ளது.

ஆங்கிலத்தில் படிக்க: Chennai Customs summons Telangana minister’s son in luxury watch smuggling case

ஹர்ஷா ரெட்டி ஏப்ரல் 4 ஆம் தேதி ஆஜராகுமாறு கேட்டுக் கொள்ளப்பட்டார், ஆனால் ஏப்ரல் 3 ஆம் தேதி எழுதிய கடிதத்தில் அவர் டெங்கு காய்ச்சலில் இருந்து குணமடைந்து வருவதாகக் குறிப்பிட்டு தான் ஆஜராக முடியாததை வெளிப்படுத்தினார் என்று கடிதத்தை மேற்கோள் காட்டி சுங்கத்துறை வட்டாரங்கள் தெரிவித்தன. இருப்பினும், மருத்துவ ஆலோசனையின்படி, ஏப்ரல் 27 ஆம் தேதிக்குப் பிறகு ஹர்ஷா ரெட்டி சுங்கத்துறையின் முன் ஆஜராக ஒப்புக்கொண்டதாக அதிகாரப்பூர்வ வட்டாரங்கள் தெரிவித்தன.

பி.டி.ஐ செய்தி நிறுவனத்திடம் பேசிய ஹர்ஷா ரெட்டி, இந்த வழக்குக்கும் தனக்கும் எந்த தொடர்பும் இல்லை என்று கூறினார். "இது முற்றிலும் ஆதாரமற்றது. நான் இப்போது உடல்நிலை சரியில்லாமல் இருக்கிறேன்." மார்ச் 28 தேதியிட்ட சம்மன் ஹைதராபாத்தில் உள்ள ஹர்ஷா ரெட்டி இயக்குநராக உள்ள ஒரு குடும்பத்திற்கு சொந்தமான நிறுவனத்தின் அலுவலகத்திற்கு அனுப்பப்பட்டது.

சிங்கப்பூரில் இருந்து சென்னை வந்த ஹாங்காங்கைச் சேர்ந்த இந்தியரான முஹம்மது ஃபஹர்தீன் முபீனிடம் இருந்து இரண்டு உயர் ரக கைக்கடிகாரங்களான படேக் பிலிப் 5740 மற்றும் ப்ரெகுட் 2759 ஆகியவை கைப்பற்றப்பட்டதையடுத்து, பிப்ரவரி 5 ஆம் தேதி சுங்கத்துறையால் கடத்தல் வழக்கு பதிவு செய்யப்பட்டது.

இந்த கைக்கடிகாரங்களின் அசல் மதிப்பு ரூ.1.73 கோடி என சுங்கத்துறை மதிப்பிட்டுள்ளது; படேக் பிலிப் கடிகாரத்திற்கு இந்தியாவில் டீலர் இல்லை, அதே நேரத்தில் ப்ரெகுட் கடிகாரம் இந்திய சந்தையில் கையிருப்பில் இல்லை என்று சுங்கத்துறையின் அதிகாரப்பூர்வ செய்திக்குறிப்பில் தெரிவிக்கப்பட்டுள்ளது.

சுங்கத் துறையின் விசாரணையின்படி, மார்ச் 12 அன்று சுங்கத்துறையால் விசாரிக்கப்பட்ட இடைத்தரகர் அலோகம் நவீன் குமார் மூலம் ஹர்ஷா ரெட்டி, முஹம்மது ஃபஹர்தீன் முபீனிடமிருந்து கடிகாரங்களை வாங்கியவர் என அடையாளம் காணப்பட்டதாக வட்டாரங்கள் தெரிவித்தன.

விசாரணையின் போது, ஹர்ஷா மற்றும் முபீன் என்ற உயர் ரக கடிகார வியாபாரிக்கு இடையே நவீன் குமார் இடைத்தரகராகச் செயல்பட்டதாகவும், USDT-ஒரு வகையான கிரிப்டோகரன்சி மற்றும் ரொக்கப் பரிவர்த்தனைக்கு ஹவாலா வழியைப் பயன்படுத்தி பரிவர்த்தனைக்கு வசதி செய்ததாகவும், விசாரணையின் போது நவீன் குமார் கூறியதாக சுங்கத்துறை வட்டாரங்கள் கூறுகின்றன.

பி.டி.ஐ தொடர்பு கொண்ட போது, ஹர்ஷா ரெட்டி இந்த குற்றச்சாட்டுகளை திட்டவட்டமாக மறுத்தார், "அடிப்படையற்றது" என்று கூறினார். சுங்கத்துறை சம்மனுக்கு அவர் அளித்த பதிலில், ஹர்ஷா ரெட்டி, இந்த வழக்கு குறித்து தனக்கு எதுவும் தெரியாது என்றும், ஆச்சரியமடைந்ததாகவும் கூறினார்

இருப்பினும், மருத்துவ ஆலோசனையின்படி, ஏப்ரல் 27 ஆம் தேதிக்குப் பிறகு சுங்கத்துறையின் முன் ஆஜராக ஹர்ஷா ரெட்டி ஒப்புக்கொண்டதாக அதிகாரப்பூர்வ வட்டாரங்கள் தெரிவித்தன.

நவீன் குமார் தாக்கல் செய்த முன்ஜாமீன் மனுவை தள்ளுபடி செய்து, சென்னை உயர் நீதிமன்றம் மார்ச் 18 அன்று தனது உத்தரவில், குறிப்பிட்ட காலக்கட்டத்தில் மொத்த உயர் ரக கடிகாரங்கள் கடத்தலில் ஈடுபட்டுள்ள தொகை, பதிவுகளின் அடிப்படையில் 100 கோடி ரூபாய்க்கும் அதிகமாக இருக்கலாம் என்று கூறியது.

சென்னையில் உள்ள ஆலந்தூர் நீதிமன்றத்தின் வழக்கின் மறுஆய்வின் போது, ஜூடிசியல் மாஜிஸ்திரேட் ஏப்ரல் 1 ஆம் தேதி ஹர்ஷா ரெட்டியை விசாரிக்கவும், அலோகம் நவீன் குமாரைக் கைது செய்யவும் சுங்கத்துறைக்கு உத்தரவிட்டார் என்று சுங்கத்துறை வட்டாரங்கள் தெரிவித்தன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“