இன்று திறப்பு விழா காணும் கண்ணன்கோட்டை ஏரி!

இந்த ஆண்டு இதுவரை ஆந்திராவிலிருந்து சுமார் 3 டி.எம்.சி அடி கிருஷ்ணா நீரைத் தமிழகம் பெற்றுள்ளது.

Chennai gets reservoir after 76 years kannankottai thervoy tamil news
Chennai gets reservoir after 76 years

Chennai gets Reservoir after 76 years : கண்ணங்கோட்டை-தேர்வாய் கண்டிகை நீர்த்தேக்கம் வருகிற சனிக்கிழமையன்று தொடங்கப்படுவதால், 76 வருட இடைவெளிக்குப் பிறகு சென்னையில் குடிநீர் விநியோகத்திற்காக ஓர் பிரத்தியேக நீர்த்தேக்கம் கிடைக்கப்போகிறது.

இதுவரை, 1940-44-ம் ஆண்டில் 65 லட்ச செலவில் கோஸஸ்தலையார் முழுவதும் கட்டப்பட்ட பூண்டியில் உள்ள சத்தியமூர்த்தி சாகர், நகரத்திற்கு நீர் வழங்கலுக்காக உருவாக்கப்பட்ட ஒரே சேமிப்பு மையம் என்ற பெருமையைக் கொண்டுள்ளது. இரண்டாம் உலகப் போருக்கு மத்தியில், அணைத் திட்டத்தை நடைமுறைப்படுத்தத் தான் மேற்கொண்ட முயற்சிகளை அங்கீகரிப்பதற்காகச் சென்னை மேயர் எஸ்.சத்தியமூர்த்தி (1939-40) பெயரையே இதற்கு சூட்டப்பட்டது. ஜூன் 14, 1944 அன்று, அப்போதைய மெட்ராஸ் பிரசிடென்சியின் ஆளுநர் ஆர்தர் ஹோப், இந்த நீர்த்தேக்கத்தைத் திறப்பதாக அறிவித்தார்.

சென்னையிலிருந்து சுமார் 50 கி.மீ தொலைவில் அமைந்துள்ள 380 கோடி செலவில் கட்டப்பட்ட கண்ணங்கோட்டை-தெர்வாய் கண்டிகை நீர்த்தேக்கம், கிருஷ்ணா நீரைச் சேமிக்கும். இது 8.6 கி.மீ இணைப்பு கால்வாய் வழியாக சாத்தியமானது. இந்த நீர்த்தேக்கக் கட்டுமானத்திற்காக சுமார் 1,485 ஏக்கர் கையகப்படுத்தப்பட்டது.

இரண்டு நிரப்புதல்கள் மூலம், இந்த புதிய வசதி ஒரு வருடத்தில் ஓராயிரம் மில்லியன் கன அடி (டி.எம்.சி அடி) சேமிக்க முடியும். இது நகரத்திற்கு ஒரு நாளைக்கு 66 மில்லியன் லிட்டர் (எம்.எல்.டி) வழங்க வசதியாக இருக்கும். 700 ஏக்கருக்கு நீர்ப்பாசனம் செய்வதற்கும் இந்த நீர்த்தேக்கம் தண்ணீர் வழங்கும் என்று அதிகாரப்பூர்வ அறிக்கையில் தெரிவிக்கப்பட்டுள்ளது.

பூண்டியின் சத்தியமூர்த்தி சாகர், சோளவரம், ரெட் ஹில்ஸ் மற்றும் செம்பரம்பாக்கம் ஆகிய இடங்களைத் தொடர்ந்து சென்னையின் ஐந்தாவது சேமிப்பு இடமாக இந்த நீர்த்தேக்கம் இருக்கும். கடலூர் மாவட்டத்தில் உள்ள வீராணம் தொட்டியும் ஆண்டுக்கு 180 எம்.எல்.டி மூலம் நகர விநியோகத்திற்குப் பயன்படுத்தப்பட்டாலும், இது ஒரு நீர்ப்பாசன நீர்த்தேக்கம் மட்டுமே.

நான்கு நீர்த்தேக்கங்களின் ஒருங்கிணைந்த கொள்ளளவு 11.25 டி.எம்.சி அடி. சமீபத்தியதுடன், இது 11.75 டி.எம்.சி அடி வரை செல்லும். புத்தாண்டு தினத்தில் (ஜனவரி 1) ஐந்து நீர்த்தேக்கங்களும் நிரம்பியிருந்தால், சென்னை நகரில் நீர்ப் பற்றாக்குறை ஏற்படாது. சென்னைக்கு ஒரு மாதத்திற்கு 1 டி.எம்.சி அடி தண்ணீர் தேவைப்படும் என்பது குறிப்பிடத்தக்கது.

வியாழக்கிழமை காலை, நான்கு நீர்த்தேக்கங்களிலும் 7.097 டி.எம்.சி அடி மற்றும் கண்ணங்கோட்டை-தேர்வாய் கண்டிகையில் 138 மில்லியன் கன அடி (எம்.சி.டி) நீரும் கொண்டிருந்தன. இந்த ஆண்டு இதுவரை ஆந்திராவிலிருந்து சுமார் 3 டி.எம்.சி அடி கிருஷ்ணா நீரைத் தமிழகம் பெற்றுள்ளது. இந்தப் புதிய நீர்த்தேக்கத்தை இயக்குவதை நீர் ஆர்வலர்-பொறியியலாளர் என்.மீனாட்சி சுந்தரம் வரவேற்றுள்ளார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil”

Get the latest Tamil news and Tamilnadu news here. You can also read all the Tamilnadu news by following us on Twitter, Facebook and Telegram.

Web Title: Chennai gets reservoir after 76 years kannankottai thervoy amit shah tamil news

Next Story
திருக்குவளையில் உதயநிதி கைது; திமுகவினர் போராட்டம்udhayanidhi arrested, udhayanidhi arrest in thirukkuvalai, உதயநிதி கைது, திருக்குவளையில் உதயநிதி கைது, vidiyalai nokki, stalin voice, nagapatnam, dmk, திமுக, விடியலை நோக்கி, ஸ்டாலினின் குரல், dmk election campaign
The moderation of comments is automated and not cleared manually by tamil.indianexpress.com