சென்னை மெட்ரோ ரயிலில் டைனமிக் ரூட் மேப்; அது என்ன? எப்படி செயல்படும்?

சென்னை மெட்ரோ ரெயில் லிமிடெட் (சிஎம்ஆர்எல்) எல்இடி-பேக்லிட், எல்சிடி அடிப்படையிலான டைனமிக் ரூட் மேப் டிஸ்பிளே சிஸ்டம்களை ரயில்களில் நிறுவ நூசின் டிஜிட்டல் சொல்யூஷன்ஸ் நிறுவனத்திற்கு ஒப்பந்தம் வழங்கியுள்ளது.
இந்த புதிய அமைப்பு முழு கட்டம் I மற்றும் கட்டம் I நீட்டிப்பு நெட்வொர்க்குகள், கடந்து வந்த மற்றும் வரவிருக்கும் நிலையங்கள் மற்றும் உள்ளூர் அடையாளங்களை முன்னிலைப்படுத்தும் என்று தெரிவிக்கப்பட்டு உள்ளது.
ஒவ்வொரு ரயிலிலும் இதுபோன்ற 16 வரைபடங்கள் இடம்பெறும். இது பயணிகளுக்கு, குறிப்பாக முதல் முறை பயணிகளுக்கு உதவும் வகையில் இருக்கும்.
இந்த வரைபடங்கள் ரயிலின் வேகம் மற்றும் வெப்பநிலையைக் காண்பிக்கும். ஆறு மாதங்களில் எதிர்பார்க்கப்படும் முன்மாதிரியுடன், பயணிகள் வசதி மற்றும் வழிசெலுத்தலை மேம்படுத்தும் என்றும் குறிப்பாக நிலத்தடி பிரிவுகளில் நிறுவல்கள் 2025 இன் தொடக்கத்தில் தொடங்கும் என்றும் கூறப்பட்டுள்ளது.

திட்டம் தாமதம் ஏன்?

இதற்கிடையில், சென்னை மெட்ரோ ரயிலின் இரண்டாம் கட்டத்தை செயல்படுத்த பொருளாதார விவகாரங்களுக்கான அமைச்சரவைக் குழுவின் (சிசிஇஏ) ஒப்புதல் தாமதத்தால், மாநிலத்தின் நிதிநிலை பாதிக்கப்பட்டு, திட்டத்தை செயல்படுத்துவதில் தாமதம் ஏற்பட்டுள்ளதாக அமைச்சர் தங்கம் தென்னரசு கூறியுள்ளார்.
டெல்லியில் மத்திய நிதியமைச்சர் நிர்மலா சீதாராமன் தலைமையில் நடைபெற்ற அனைத்து மாநில அமைச்சர்களின் பட்ஜெட் கூட்டத்தொடரில் பங்கேற்று பேசிய தென்னரசு, பட்ஜெட் தாக்கல் செய்யும் போது ரூ.63,246 கோடி செலவில் சென்னை மெட்ரோ ரெயில் கட்டம் - 2ஐ மத்திய திட்டமாக சீதாராமன் அறிவித்துள்ளார். 2021-22 ஆம் ஆண்டில், இந்தத் திட்டம் ஆகஸ்ட் 17, 2021 அன்று பொது முதலீட்டு வாரியத்தால் (PIB) பரிந்துரைக்கப்பட்டது எனத் தெரிவித்தார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“