இரண்டாம் கட்ட சென்னை மெட்ரோ ரயில் திட்டம் தொடங்கப்பட்டு மூன்றரை ஆண்டுகளுக்குப் பிறகு, நகரின் பல்வேறு பகுதிகளிலும், புறநகர்ப் பகுதிகளிலும் குறைந்தது 25 பகுதிகளை இணைக்கும் 20 கிமீ பாதை அமைக்கும் பணி நிறைவடைந்தது.
இதில் 10.77 கிமீ சுரங்கப்பாதை மற்றும் 10 கிமீ உயர்மட்ட பாதை அடங்கும்.
சென்னையில் 2-ம் கட்ட மெட்ரோ ரயில் திட்டம் ரூ.63,246 கோடி மதிப்பில், மொத்தம் 3 வழித் தடங்களில் 116.1 கி.மீ. தொலைவில் செயல்படுத்தப் படுகிறது. உயர்மட்ட பாதை, சுரங்கப் பாதை மற்றும் மெட்ரோ ரயில் நிலையங்கள் அமைக்கும் பணிகள் 50-க்கும் மேற்பட்ட இடங்களில் விறுவிறுப்பாக நடைபெற்று வருகின்றன.
இதுகுறித்து, சென்னை மெட்ரோ ரயில் லிமிடெட் அதிகாரி ஒருவர் கூறியதாவது: சிறு சிறு பகுதிகளாக பல்வேறு பகுதிகளில் பாதைகள் அமைக்கப்பட்டு வருகின்றன.
மணப்பாக்கம், முகலிவாக்கம், ராமாபுரம், கோவிலம்பாக்கம், பெரும்பாக்கம், போரூர், தெள்ளியகரம், ஐயப்பன்தாங்கல், காட்டுப்பாக்கம், பூந்தமல்லி, ஆலப்பாக்கம், சாஸ்திரி நகர், ரெட்டேரி, பிடிசி காலனி, ஒக்கியம்பேட்டை, காரப்பாக்கம், ஒக்கியம், தொரப்பாளை, நகரப்பாளையம், தொரப்பாளை போன்ற பகுதிகள் உயர்மட்ட பாதைகள் மற்றும் சுரங்கப்பாதைகளுடன் இணைக்கப்பட்டுள்ளன.
சுமார் 47 நிலையங்களின் கட்டுமானப் பணிகள் நடைபெற்று வருகின்றன. சில நிலையங்களில், நுழைவு வாயில்/வெளியேறும் வாயில்களில் பணி நடைபெற்று வருகிறது, மேலும் சில நிலையங்களில் துணை கட்டமைப்பு அல்லது சூப்பர் கட்டமைப்பு கட்டும் பணி நடந்து வருகிறது. அவை பல்வேறு கட்டங்களில் உள்ளன, என்று அதிகாரி கூறினார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2019/05/z452.jpg)