தீபாவளி, ஆயுத பூஜை: சென்னையிலிருந்து சொந்த ஊர் செல்ல சிறப்பு ரயில்கள்- டிக்கெட் முன்பதிவு எப்போது?

சென்னை: ஆயுதபூஜை மற்றும் தீபாவளி பண்டிகையை முன்னிட்டு, பயணிகளின் வசதிக்காக சிறப்பு ரயில்கள் இயக்கப்படும் என தெற்கு ரயில்வே அறிவித்துள்ளது.

ஆயுதபூஜை அக்டோபர் 1-ஆம் தேதியும், தீபாவளி அக்டோபர் 20-ஆம் தேதியும் கொண்டாடப்படுவதால், சொந்த ஊர் செல்லும் பயணிகளின் கூட்ட நெரிசலைத் தவிர்க்கும் பொருட்டு, இந்த சிறப்பு ரயில்கள் இயக்கப்படுகின்றன. இந்த சிறப்பு ரயில்களுக்கான முன்பதிவு நாளை (புதன்கிழமை) காலை 8 மணிக்கு தொடங்குகிறது.

சிறப்பு ரயில்களின் விவரங்கள்:

நாகர்கோவில் - தாம்பரம்:

நாகர்கோவிலில் இருந்து செப். 28, அக். 5, 12, 19, 26 ஆகிய தேதிகளில் இரவு 11.15 மணிக்கு புறப்படும்.

தாம்பரத்தில் இருந்து செப். 29, அக். 6, 13, 20, 27 ஆகிய தேதிகளில் மாலை 3.30 மணிக்கு புறப்படும்.

சென்னை சென்ட்ரல் - போத்தனூர்:

சென்னை சென்ட்ரலில் இருந்து செப். 25, அக். 2, 9, 16, 23 ஆகிய தேதிகளில் இரவு 11.50 மணிக்கு புறப்படும்.

போத்தனூரில் இருந்து செப். 26, அக். 3, 10, 17, 24 ஆகிய தேதிகளில் மாலை 6.30 மணிக்கு புறப்படும்.

சென்னை சென்ட்ரல் - செங்கோட்டை:

சென்னை சென்ட்ரலில் இருந்து செப். 24, அக். 1, 8, 15, 22 ஆகிய தேதிகளில் மாலை 3.10 மணிக்கு புறப்படும்.

செங்கோட்டையில் இருந்து செப். 25, அக். 2, 9, 16, 23 ஆகிய தேதிகளில் இரவு 9 மணிக்கு புறப்படும்.

சென்னை எழும்பூர் - திருநெல்வேலி:

திருநெல்வேலியில் இருந்து செப். 25, அக். 2, 9, 16, 23 ஆகிய தேதிகளில் இரவு 9.30 மணிக்கு புறப்படும்.

சென்னை எழும்பூரில் இருந்து செப். 26, அக். 3, 10, 17, 24 ஆகிய தேதிகளில் மதியம் 12.30 மணிக்கு புறப்படும்.

தூத்துக்குடி - சென்னை எழும்பூர்:

தூத்துக்குடியில் இருந்து செப். 29, அக். 6, 13, 20, 27 ஆகிய தேதிகளில் இரவு 11.15 மணிக்கு புறப்படும்.

சென்னை எழும்பூரில் இருந்து செப். 30, அக். 7, 14, 21, 28 ஆகிய தேதிகளில் மதியம் 12.30 மணிக்கு புறப்படும்.

நாகர்கோவில் - சென்னை சென்ட்ரல்:

நாகர்கோவிலில் இருந்து செப். 30, அக். 7, 14, 21, 28 ஆகிய தேதிகளில் காலை 9.15 மணிக்கு புறப்படும்.

சென்னை சென்ட்ரலில் இருந்து அக். 1, 8, 15, 22, 29 ஆகிய தேதிகளில் அதிகாலை 4.15 மணிக்கு புறப்படும்.