பயணிகள் கவனத்திற்கு: சென்னை கடற்கரை – செங்கல்பட்டு இடையே மின்சார ரயில்கள் ரத்து

சென்னை: பராமரிப்புப் பணிகள் காரணமாக செங்கல்பட்டு ரயில் மார்க்கத்தில் இயக்கப்படும் 12 புறநகர் மின்சார ரயில்கள் இன்று (வெள்ளிக்கிழமை) ரத்து செய்யப்பட்டுள்ளதாக தெற்கு ரயில்வே அறிவித்துள்ளது. செங்கல்பட்டு ரயில்வே பணிமனையில் இன்று காலை 11.30 மணி முதல் மதியம் 2.30 மணி வரை இந்த பராமரிப்புப் பணிகள் நடைபெறுகின்றன.

முழுமையாக ரத்து செய்யப்பட்ட ரயில்கள்:

காலை 7:27 மணிக்கு சென்னை கடற்கரையில் இருந்து புறப்பட வேண்டிய சென்னை கடற்கரை - திருமால்பூர் ரயில்.

காலை 9:31, 9:51, 10:56, 11:40 மற்றும் மதியம் 12:55 மணிக்கு சென்னை கடற்கரையில் இருந்து செங்கல்பட்டு புறப்பட வேண்டிய ரயில்கள்.

மதியம் 11:05 மணிக்கு திருமால்பூரில் இருந்து சென்னை கடற்கரை வர வேண்டிய ரயில்.

காலை 11:30, மதியம் 12:00, 1:10, 1:45, 2:20 மணிக்கு செங்கல்பட்டில் இருந்து சென்னை கடற்கரை வர வேண்டிய ரயில்கள்.

பயணிகள் சிறப்பு ரயில்கள் இயக்கம்:

ரத்து செய்யப்பட்ட ரயில்களுக்கு மாற்றாக, பயணிகளின் வசதிக்காக சில சிறப்பு ரயில்கள் இயக்கப்படும் என தெற்கு ரயில்வே தெரிவித்துள்ளது. அந்த சிறப்பு ரயில்களின் விவரங்கள்:

காலை 7:27 மணிக்கு சென்னை கடற்கரை - செங்கல்பட்டு சிறப்பு ரயில்.

காலை 9:31, 10:56 மற்றும் மதியம் 12:25 மணிக்கு சென்னை கடற்கரை - சிங்கப்பெருமாள் கோயில் சிறப்பு ரயில்கள்.

காலை 9:51 மற்றும் 11:40 மணிக்கு சென்னை கடற்கரை - காட்டாங்குளத்தூர் சிறப்பு ரயில்கள்.

காலை 9:45 மணிக்கு செங்கல்பட்டு - சென்னை கடற்கரை சிறப்பு ரயில்.

காலை 11:43, மதியம் 1:23, 2:33 மணிக்கு சிங்கப்பெருமாள் கோயில் - சென்னை கடற்கரை சிறப்பு ரயில்கள்.

மதியம் 12:20 மற்றும் 2:05 மணிக்கு காட்டாங்குளத்தூர் - சென்னை கடற்கரை சிறப்பு ரயில்கள்.

எனவே, ரயில் பயணிகள் இந்த மாற்றங்களைக் கவனத்தில் கொண்டு, தங்களது பயணங்களை திட்டமிட்டுக்கொள்ளுமாறு கேட்டுக்கொள்ளப்படுகிறார்கள்.