சென்னை டூ நெல்லை வந்தே பாரத் ரயில் திடீர் ரத்து: காரணம் என்ன?

Vande bharat Trian | Tirunelveli  | பராமரிப்பு காரணமாக நாளை (பிப்.21,2024) சென்னை - திருநெல்வேலி வந்தே பாரத் ரயில் உள்ளிட்ட முன்பதிவில்லா ரயில் சேவை ரத்து செய்யப்படுவதாக தென்னக ரயில்வே அறிவித்துள்ளது.

இது குறித்து தென்னக ரயில்வே வெளியிட்டுள்ள அறிவிப்பில், “ஈச்சங்காடு - மாத்தூர் ரயில்வே பாதையில் பராமரிப்பு காரணமாக நாளை சென்னை - திருநெல்வேலி வந்தே பாரத் ரயில் இரு மார்க்கங்களிலும் ரத்து செய்யப்படுகிறது.

அதே போல விருதாச்சலம் - திருச்சி இடையே இயக்கப்படும் முன்பதிவில்லா சிறப்பு ரயில் உள்ளிட்ட 6 ரயில் சேவைகள் நாளை (21-02-2024)ஒரு நாள் முழுவதுமாக ரத்து செய்யப்படுகிறது.

மேலும், தேஜஸ் விரைவு ரயில், வைகை விரைவு ரயில் உள்ளிட்ட 6 ரயில்கள் நாளை ஒரு நாள் மாற்று பாதையில் இயக்கப்பட உள்ளது” எனத் தெரிவிக்கப்பட்டுள்ளது.

செய்தியாளர் க.சண்முகவடிவேல்

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“