ஓ.எம்.ஆர் போறீங்களா? ஒரு மாதத்திற்கு முக்கிய சாலைகளில் போக்குவரத்து மாற்றம்

Chennai Traffic Diversion: மாநில நெடுஞ்சாலைத்துறையின் மழைநீர் வடிகால் மற்றும் மதகு கட்டும் பணியை எளிதாக்கும் வகையில் சென்னையில் போக்குவரத்து மாற்றம் கொண்டுவரப்படுகிறது.

வியாழக்கிழமையான இன்று (ஏப்ரல் 27ஆம் தேதி) முதல் ஒரு மாதத்திற்கு ராஜீவ் காந்தி சாலை (ஓ.எம்.ஆர்.,) பி.எஸ்.ஆர்., மால் அருகே உள்ள துரைப்பாக்கம் சந்திப்பின் மாற்றுப்பாதையில் போக்குவரத்து மாற்றம் கொண்டுவர காவல்துறை நடவடிக்கை எடுத்துள்ளது.

முன்மொழியப்பட்ட பணிகள் உள்வரும் திசையில் இரண்டு கட்டங்களாகவும், வெளிச்செல்லும் திசையில் மற்றொரு இரண்டு கட்டங்களாகவும் நடத்தப்படும்.

போக்குவரத்து காவல்துறை செய்திக்குறிப்பில், "200 அடி ரேடியல் சாலையில் வரும் அனைத்து இலகுரக வாகனங்களும் எஸ்.ஆர்.பி., டூல்ஸ் சந்திப்பு நோக்கிச் செல்ல வேண்டும், பிள்ளையார் கோயில் தெரு சந்திப்பில் ஒரு மாற்றுப்பாதையில் செல்ல வேண்டும். அவர்களின் இலக்கை அடைய ஓ.எம்.ஆர்.,க்கு இடதுபுறம் திரும்பவும்.

ஓ.எம்.ஆர்., சோழிங்கநல்லூரில் இருந்து வரும் அனைத்து இலகுரக வாகனங்களும் துரைப்பாக்கம் சந்திப்பில் இடதுபுறம் திரும்பி 200 அடி ரேடியல் சாலையில் சென்று பஞ்சாயத்து சாலையில் வலதுபுறம் திரும்பி மாநகராட்சி சாலையில் வலதுபுறம் திரும்பி, ஓ.எம்.ஆர்., சென்றடைய வேண்டும்.

அனைத்து எம்.டி.சி., பேருந்துகள் மற்றும் கனரக வாகனங்கள் இரு திசைகளிலும் திசை திருப்பப்படாமல் வழக்கமான பாதையில் அனுமதிக்கப்படும்.

200 அடி ரேடியல் சாலை மற்றும் சோழிங்கநல்லூர் நோக்கி செல்ல விரும்பும் அனைத்து இலகுரக வாகனங்களும் மாநகராட்சி சாலை சந்திப்பில் வலப்புறம் திரும்பி, பஞ்சாயத்து சாலைக்கு இடப்புறமும், பிள்ளையார் கோயில் தெரு சந்திப்பில் இடதுபுறம் திரும்பி, துரைப்பாக்கம் சந்திப்பு மற்றும் சோழிங்கநல்லூரை அடையலாம்.

அல்லது, வலப்புறம் 200 அடி ரேடியல் சாலை மற்றும் காமாட்சி மருத்துவமனையை நோக்கி திரும்பலாம் என அந்த செய்திக்குறிப்பில் தெரிவிக்கப்பட்டுள்ளது.

மே 26 ஆம் தேதி வரை இந்த போக்குவரத்து மாற்றம் அமலுக்கு வரும் என்று அறிக்கையில் கூறப்பட்டுள்ளது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil