சென்னையில் இன்று மழை எப்படி? தமிழ்நாடு வெதர்மேன் தகவல்

இன்றைய வானிலை; Chennai Weather Latest Updates:
சென்னையை பொறுத்தவரை இன்றைய தினம் வானிலை நிலவரம் எவ்வாறு இருக்குமென தமிழ்நாடு வெதர்மேன் தகவல் தெரிவித்துள்ளார்.

வங்க கடலில் உருவாகியுள்ள குறைந்த காற்றழுத்த தாழ்வு பகுதி, தமிழகத்தை நோக்கி நகர்ந்து வருகிறது. இதன் காரணமாக சென்னை உள்ளிட்ட பல மாவட்டங்களில் கனமழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது. குறிப்பாக, 11 மாவட்டங்களுக்கு மஞ்சள் எச்சரிக்கை விடுக்கப்பட்டுள்ளது.

இதனிடையே, இன்றைய தினம் மழை நிலவரம் குறித்து தமிழ்நாடு வெதர்மேன் தகவல் அளித்துள்ளார். அதன்படி, புதுச்சேரி, கடலூர், மயிலாடுதுறை ஆகிய மாவட்டங்களில் ஏற்கனவே கனமழை பெய்து வருவதாக அவர் குறிப்பிட்டுள்ளார். இதன் தொடர்ச்சியாக, நாமக்கல், அரியலூர், பெரம்பலூர் ஆகிய மாவட்டங்களிலும் மழைப்பொழிவு காணப்படுகிறது என அவர் தெரிவித்துள்ளார்.

இன்று மற்றும் நாளை வட மாவட்டங்களில் மழை பெய்யக்கூடும் எனத் தெரிவிக்கப்பட்டுள்ளது. கோவை, ஈரோடு ஆகிய மாவட்டங்களில் மழை பெய்யுமென அவர் குறிப்பிட்டுள்ளார். இதேபோல், தென் மாவட்டங்களான தூத்துக்குடி மற்றும் நெல்லை ஆகிய மாவட்டங்களிலும், டெல்டா பகுதிகளிலும் மழைக்கான வாய்ப்புள்ளதாக தெரிவிக்கப்பட்டுள்ளது.

சென்னையில் நேற்று இரவு முதல் பல்வேறு பகுதிகளில் மழை பெய்து வரும் நிலையில், இன்றைய தினமும் மழைக்கான வாய்ப்பு இருப்பதாக தெரிவித்துள்ளார். குறிப்பாக, பகல் வேளையில் நகரின் பல பகுதிகளில் மழை பெய்வதற்கான வாய்ப்பு இருப்பதாக தமிழ்நாடு வெதர்மேன் தெரிவித்துள்ளார்.

இதனிடையே, கனமழை காரணமாக கடலூர், பெரம்பலூர், அரியலூர் ஆகிய மாவட்டங்களில் இன்று பள்ளிகளுக்கு மட்டும் விடுமுறை அளித்து உத்தரவிடப்பட்டுள்ளது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“