அப்பல்லோவில் ஸ்டாலின் அனுமதி: உதயநிதி - அமைச்சர்கள் நேரில் வருகை

முதலமைச்சர் மு.க. ஸ்டாலின், சென்னை அப்போலோ மருத்துவமனையில் மருத்துவப் பரிசோதனைக்காக அனுமதிக்கப்பட்டுள்ளார். இது தொடர்பாக மருத்துவமனை வெளியிட்டுள்ள அறிக்கையில், "முதலமைச்சர் மு.க. ஸ்டாலின் இன்று(திங்கள்கிழமை) காலை நடைப்பயிற்சியில் ஈடுபட்டிருந்தபோது லேசாக தலைசுற்றல் ஏற்பட்டுள்ளது. இதையடுத்து சென்னை அப்போலோ மருத்துவமனையில் அனுமதிக்கப்பட்ட நிலையில் அவரது அறிகுறிகளுக்கு ஏற்ப அவருக்கு தேவையான மருத்துவப் பரிசோதனைகள் செய்யப்பட்டன" என்று தெரிவிக்கப்பட்டுள்ளது.

முதலமைச்சருக்கு ஏற்பட்ட அறிகுறிகளை ஆய்வு செய்வதற்காகவும், தேவையான நோயறிதல் பரிசோதனைகளை மேற்கொள்வதற்காகவும் அவர் அனுமதிக்கப்பட்டுள்ளதாக அப்பல்லோ மருத்துவமனையின் மருத்துவ சேவைகள் இயக்குநர் டாக்டர். அனில் பி.ஜி. வெளியிட்டுள்ள செய்திக்குறிப்பில் தெரிவிக்கப்பட்டுள்ளது.