முதலமைச்சரின் முதன்மைச் செயலாளர், 2 தனிச் செயலாளர்கள் நியமனம்; 3 ஐ.ஏ.எஸ் அதிகாரிகள் யார்?

தமிழக முதலமைச்சர் மு.க. ஸ்டாலினின் தனி செயலாளர்களின் முதன்மைச் செயலாளர் மற்றும் 2 தனி செயலாளராக 3 ஐ.ஏ.எஸ் அதிகாரிகளை நியமனம் செய்து தமிழக அரசு உத்தரவிட்டுள்ளது.

தமிழ்நாடு அரசின் தலைமைச் செயலாளராக இருந்த ஷிவ்தாஸ் மீனா வருகிற அக்டோபர் மாதம் ஓய்வு பெற இருந்த நிலையில், அவர் ரியல் எஸ்டேட் ஒழுங்குமுறை ஆணையத்தின் தலைவராக நியமனம் செய்யப்பட்டார். இதையடுத்து, தமிழ்நாடு அரசின் தலைமைச் செயலாளராக முருகானந்தம் ஐ.ஏ.எஸ் நியமனம் செய்யப்பட்டார்.

இந்நிலையில், தமிழ முதலமைச்சர் மு.க. ஸ்டாலினின் தனி செயலாளர்களின் முதன்மைச் செயலாளர் மற்றும் 2 தனி செயலாளர்களை நியமனம் செய்து தமிழக அரசு செவ்வாய்க்கிழமை உத்தரவிட்டுள்ளது.

அதன்படி, முதலமைச்சர் மு.க. ஸ்டாலினின் தனி செயலாளர்களின் முதன்மைச் செயலாளராக உமாநாத் ஐ.ஏ.எஸ் நியமனம் செய்யப்பட்டுள்ளார்.

முதலமைச்சர் மு.க. ஸ்டாலினின் 2வது தனி செயலாளராக சண்முகம் ஐஏஎஸ் நியமனம் செய்யப்பட்டுள்ளார். 3வது தனி செயலாளராக அனுஜார்ஜை நியமனம் செய்து தமிழக அரசு உத்தரவிட்டுள்ளது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“