வீடு புகுந்து பைக் திருடிய திருடர்கள்: சிசிடிவி காட்சி வைரல்

கோவை சரவணம்பட்டி அடுத்துள்ள சின்ன மேட்டுப்பாளையம் பகுதியைச் சேர்ந்தவர் அய்யாசாமி. 55 வயதான இவர், தனியார் நிறுவனத்தில் பணிபுரிந்து வருகிறார்.
இவரது மகன் அரவிந்த் 31 இவர் கோவையில் உள்ள தனியார் நிறுவனத்தில் ஊழியராக பணிபுரிந்து வருகிறார்.

இந்த நிலையில் இவரின் வீட்டிற்குள் நேற்று முன்தினம் நள்ளிரவில் காம்பவுண்ட் கேட்டை திறந்து உள்ளே நுழைந்த மர்ம நபர்கள் இருவர் சுற்றிலும் நோட்டமிட்டு விட்டு அங்கிருந்த பல்சர் பைக்கை திருடி சென்றனர்.

இது குறித்து அரவிந்த் சரவணம்பட்டி காவல் நிலையத்திற்கு புகார் அளித்துள்ளார். இந்தப் புகாரின் பேரில் வழக்குப்பதிவு செய்த சரவணம்பட்டி போலீசார் விசாரணை மேற்கொண்டு வருகின்றனர்.
தற்போது, இந்தத் துணிகர கொள்ளைச் சம்பவம் குறித்த சிசிடிவி காட்சிகள் வைரலாகி உள்ளன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“