/indian-express-tamil/media/media_files/2025/06/13/ItEZ6yxJIylQ6t5RMQ4L.jpg)
மணப்பாறையில் அமைகிறது புதிய தொழிற்சாலை - கே.என்.நேரு
பெட்ரோல், டீசல் விலை நிலவரம்: சர்வதேச சந்தையில் நிலவும் கச்சா எண்ணெய் விலைக்கு ஏற்ப இந்தியாவில் பெட்ரோல் டீசல் விலை மாற்றியமைக்கப்பட்டு வருகிறது. அந்த வகையில், சென்னையில் இன்று ஒரு லிட்டர் பெட்ரோல் ரூ. 100.80-க்கும், டீசல் 92.39 ரூபாய்க்கும் விற்பனை செய்யப்படுகிறது. அதேவேளை, இயற்கை எரிவாயு ஒரு கிலோ ரூ. 91.50 -க்கு விற்பனை செய்யப்படுகிறது.
- Aug 09, 2025 21:40 IST
யானை தந்தங்களை விற்க முயற்சி - 5 பேர் கைது
தேனி மாவட்டம் மேகமலை பகுதியில் ரூ.2 லட்சம் மதிப்பிலான யானை தந்தங்களை விற்பனை செய்ய முயன்ற 5 பேரை கைது செய்து வனத் துறையினர் விசாரணை நடத்தி வருகின்றனர்.
- Aug 09, 2025 21:15 IST
பரமக்குடியில் ஸ்பீக்கர் விழுந்து சிறுமி உயிரிழப்பு
பரமக்குடியில் கோயில் திருவிழாவுக்கு பயன்படுத்திய பெரிய ஸ்பீக்கர் விழுந்ததில் 6 வயது சிறுமி சுகவதி உயிரிழந்தார். ஸ்பீக்கர்கள் அடுக்கி வைக்கப்பட்டு கட்டப்பட்டிருந்த கயிற்றை குழந்தை அவிழ்த்ததால், குழந்தையின் மீதே ஸ்பீக்கர் விழுந்துள்ளது. இச்சம்பவம் அப்பகுதியில் பெரும் சோகத்தை ஏற்படுத்தியுள்ளது.
- Aug 09, 2025 21:12 IST
மணப்பாறையில் அமைகிறது புதிய தொழிற்சாலை: நேரு
திருச்சி மாவட்டம் மணப்பாறையில் சிப்காட்டில் 5 ஆயிரம் பேருக்கு வேலைகொடுக்கும் வகையில் புதிய தொழிற்சாலை விரைவில் அமைய உள்ளது என அமைச்சர் கே.என்.நேரு தெரிவித்துள்ளார். அது குறித்து முதலமைச்சர் மு.க.ஸ்டாலின் விரைவில் அறிவிப்பார். தமிழ்நாட்டில் போலி வாக்காளர்களை சேர்க்காமல் இருக்க மிக கவனமாக செயல்படுவோம். மிக முக்கியமாக வட இந்தியாவில் இருந்து வேலைக்கு வந்தவர்கள், நிரந்தர முகவரி இல்லாதவர்களை வாக்காளர் பட்டியலில் சேர்க்க முடியாது. அதற்கான நடவடிக்கைகளை மேற்கொண்டு வருகிறோம் என்றும் கூறினார்.
- Aug 09, 2025 21:11 IST
சாலை விபத்தில் 3 பேர் பலி - தலா ரூ.3 லட்சம் நிவாரணம்
திருச்சி லால்குடியில் சாலை விபத்தில் இறந்த 3 பேரின் குடும்பத்துக்கு தலா ரூ.3 லட்சம் நிவாரணம் வழங்கப்படும் என முதல்வர் மு.க.ஸ்டாலின் அறிவித்துள்ளார். பலத்த காயமடைந்தவர்களுக்கு தலா ரூ.1 லட்சம், லேசான காயமடைந்தவர்களுக்கு ரூ.50,000 ரூபாயும் முதலமைச்சரின் பொது நிவாரண நிதியிலிருந்து வழங்கிட ஸ்டாலின் உத்தரவிட்டுள்ளார்.
- Aug 09, 2025 21:10 IST
26 மாவட்டங்களில் இரவு 10 மணி வரை மழைக்கு வாய்ப்பு
தமிழகத்தில் 26 மாவட்டங்களில் இன்று இரவு 10 மணி வரை மழை பெய்ய வாய்ப்புள்ளது என்று சென்னை வானிலை ஆய்வு மையம் தெரிவித்து உள்ளது. அதன்படி மதுரை, தேனி, வேலூர், திருப்பத்தூர், கிருஷ்ணகிரி, ராணிப்பேட்டை, திருவள்ளூர், நீலகிரி, திண்டுக்கல், நாமக்கல், சேலம், கரூர், புதுக்கோட்டை, தருமபுரி, திருவண்ணாமலை, கள்ளக்குறிச்சி, கடலூர், விருதுநகர், காஞ்சிபுரம், செங்கல்பட்டு, விழுப்புரம், சென்னை, பெரம்பலூர், அரியலூர், திருச்சி மற்றும் சிவகங்கை ஆகிய மாவட்டங்களில் லேசான இடி, மின்னலுடன் கூடிய லேசானது முதல் மிதமான மழை பெய்ய வாய்ப்புள்ளது என்று தெரிவிக்கப்பட்டுள்ளது.
- Aug 09, 2025 19:39 IST
சின்னசாமி ஸ்டேடியத்திற்கு பதில் 100 ஏக்கரில் புதிய ஸ்டேடியம்
பெங்களூருவில் ஆர்.சி.பி வெற்றி பேரணியில் ஏற்பட்ட அசம்பாவிதத்தை அடுத்து, சின்னசாமி மைதானத்தை நகரின் மையப்பகுதியில் இருந்து அகற்ற பரிந்துரைக்கப்பட்டுள்ளது. இதையடுத்து, நகரின் வெளியே பொம்மசந்த்ரா சூர்யா சிட்டியில், அதைவிட பிரமாண்ட மைதானத்தை அமைக்க சித்தராமையா அனுமதி வழங்கியுள்ளார். சுமார் 100 ஏக்கரில் 80 ஆயிரம் இருக்கைகளுடன் பிரமாண்டமாக இந்த ஸ்டேடியம் அமைய உள்ளது. அகமதாபாத் நரேந்திர மோடி மைதானத்திற்கு பிறகு 2வது மிகப்பெரிய மைதானமாக இது அமையும் என்று எதிர்பார்க்கப்படுகிறது.
- Aug 09, 2025 19:11 IST
தவெக மாநாடு - களமிறங்கிய கட்சியினர்
தமிழக வெற்றிக் கழகத்தின் 2வது மாநில மாநாட்டை முன்னிட்டு கோவை குனியமுத்தூர் பகுதியில் ஆட்டோக்களில் விளம்பரம் செய்து மாநாட்டுக்கு அழைப்பு விடுக்கப்பட்டுள்ளது. தவெகவினர் ஆலோசனை கூட்டம் நடத்தியதுடன், 'TVK' வடிவில் ஆட்டோக்களை நிறுத்திவைத்து உற்சாகம் .
- Aug 09, 2025 19:10 IST
மதுபோதையில் விபரீதம்
விருதுநகர் மாவட்டம் ஸ்ரீவில்லிபுத்தூர் அருகே மதுபோதையில் புகைக்கூண்டு வழியாக வீட்டிற்குள் செல்ல முயன்ற இளைஞர் புகைக்கூண்டின் வழியாக இறங்க முயற்சித்து மூச்சுத்திணறலால் உயிரிழந்தார்.
- Aug 09, 2025 19:10 IST
பக்தர்கள் அவதி
மதுரை மாவட்டம் வாடிப்பட்டி பகுதியில் போதிய அரசு பேருந்துகள் இயக்கப்படாததால், அழகர் கோவில் தேரோட்டத்திற்கு சென்று, வர முடியாமல் பக்தர்கள், பயணிகள் அவதியடைந்தனர்.
- Aug 09, 2025 19:04 IST
தங்கச்சி மடத்தில் மீனவர்கள் சாலை மறியல்
இலங்கை கடற்படையால் 11 மீனவர்கள் சிறைபிடிக்கப்பட்டதை கண்டித்து ராமேஸ்வரம் தங்கச்சி மடத்தில் மீனவர்கள் சாலை மறியல் செய்தனர்.
Video: Sun News
#Watch | இலங்கை கடற்படையால் 11 மீனவர்கள் சிறைபிடிக்கப்பட்டதை கண்டித்து ராமேஸ்வரம் தங்கச்சி மடத்தில் மீனவர்கள் சாலை மறியல்.
— Sun News (@sunnewstamil) August 9, 2025
சிறைபிடிக்கப்பட்ட மீனவர்களை உடனே விடுதலை செய்ய வேண்டும் என கோரிக்கை.#SunNews | #Rameshwarampic.twitter.com/YChDrm1v7z - Aug 09, 2025 18:29 IST
ராகுல் காந்தி குற்றச்சாட்டு- கன்னியாகுமரியில் காங்கிரஸ் கட்சியினர் ஆர்ப்பாட்டம்
மக்களவை எதிர்க் கட்சித் தலைவர் ராகுல் காந்தியின் குற்றச்சாட்டுக்கு பதில் கூறாமல் மௌனம் காக்கும் தேர்தல் கமிஷன் நடவடிக்கையை கண்டித்து கன்னியாகுமரியில் காங்கிரஸ் கட்சியினர், கண்களை கருப்புப் பட்டையால் மறைத்து நூதன போராட்டத்தில் ஈடுபட்டனர். சட்டமன்ற காங்கிரஸ் குழு தலைவர் ராஜேஷ் குமார், தாரகை கத்பட் உட்பட நூற்றுக்கும் மேற்பட்ட காங்கிரஸ் கட்சியினர் பங்கேற்றனர்.
- Aug 09, 2025 17:14 IST
பள்ளிகளில் உலக யானை தினம் கொண்டாட்டம்
தஞ்சை மாவட்டத்தில் உள்ள பல்வேறு பள்ளிகளில் உலக யானை தினம் கொண்டாடப்பட்டது. தஞ்சை, கும்பகோணம் உள்ளிட்ட மாவட்டத்தின் பல்வேறு பள்ளிகளில் மாணவர்கள் பங்கேற்ற யானை ஓவியப் போட்டியும் நடைபெற்றது. யானைகளைப் பாதுகாப்போம் என்று மாணவ மாணவியர்கள் உறுதி மொழி எடுத்துக் கொண்டனர்.
- Aug 09, 2025 16:11 IST
கோவையில் சில பகுதிகளில் மழை
துடியலூர், வடமதுரை, ஜி.என்.மில்ஸ் உள்ளிட்ட பகுதிகளில் அரை மணி நேரத்திற்கு மேலாக மிதமான மழை பெய்து வருகிறது. இதனால் அவ்வழியாக செல்லும் வாகன ஓட்டிகள் ரெயின்கோர்ட் அணிந்த வண்ணம் வாகனங்களை இயக்கி செல்கின்றனர். நடந்து செல்லும் மக்கள் பலரும் குடைகளை பிடித்த வண்ணம் நடந்து செல்கின்றனர். மழையின் காரணமாக அப்பகுதி முழுவதும் குளிர்ச்சியான சூழல் நிலவி வருகிறது. அதே சமயம் கோவை நகர் பகுதிகளில் வெயில் வாட்டி வருகிறது.
- Aug 09, 2025 14:02 IST
ராமேஸ்வரம் மீனவர்கள் 8 பேரை சிறைபிடித்தது இலங்கை கடற்படை
நடுக்கடலில் ராமேஸ்வரம் மீனவர்கள் 8 பேரையும் படகுடன் இலங்கை கடற்படை சிறைபிடித்தது. அண்மையில் 14 தமிழக மீனவர்கள் சிறைபிடிக்கப்பட்ட நிலையில் மீண்டும் இலங்கை கடற்படை 11 அட்டூழியம்.
- Aug 09, 2025 13:11 IST
சாத்தூர் வெடி விபத்து - 3 பேர் உயிரிழப்பு
சாத்தூர் அருகே வீட்டில் சட்டவிரோதமாக பட்டாசு தயாரித்தபோது வெடி விபத்து ஏற்பட்டது. இதில் 3 பேர் உயிரிழந்தனர். விஜயகரிசல் குளம் கிராமத்தில் வீட்டில் சட்ட விரோதமாக பட்டாசு தயாரித்தபோது வெடி விபத்து ஏற்பட்டது. வெடி விபத்தில் ஒரே குடும்பத்தைச் சேர்ந்த 3 பேர் உயிரிழந்தனர். 3 பேர் படுகாயம் அடைந்தனர்.
- Aug 09, 2025 12:31 IST
தீண்டாமை சுவர் - பலத்த போலீஸ் பாதுகாப்பு
கரூர் மாவட்டம் முத்துலாடம்பட்டி தீண்டாமை சுவர் அகற்றுவதை எதிர்த்து நள்ளிரவில் ஒரு பிரிவினர் ஆட்சியர் அலுவலகத்தில் போராட்டம் நடத்தி வருகிறார்கள். இதையடுத்து முத்துலாடம்பட்டியில் 400-க்கும் மேற்பட்ட போலீசார் குவிப்பு, தீண்டாமை சுவர் காவல்துறை கட்டுப்பாட்டுக்குள் கொண்டுவரப்பட்டுள்ளது
- Aug 09, 2025 11:40 IST
மதுபான மனமகிழ் மன்றம் - மதுரை ஐகோர்ட் நீதிபதிகள் எச்சரிக்கை
மதுரை செக்கானூரணியில் பள்ளி அருகே மதுபான மனமகிழ் மன்றத்துக்கு தடை கோரி ஐகோர்ட் மதுரைக் கிளையில் மனுத்தாக்கல் செய்யப்பட்டுள்ளது. மதுபான விடுதிக்கு இதுவரை மாவட்ட நிர்வாகம் அனுமதி வழங்கவில்லை என்று அரசு தரப்பு தெரிவித்தது. இதையடுத்து, நீதிமன்றத்தில் கூறியதை மீறி அனுமதி தந்தால் கடையை இடிக்க உத்தரவு பிறப்பிக்க நேரிடும் என்று நீதிபதிகள் எச்சரிக்கை விடுத்துள்ளனர். மனு குறித்து மாவட்ட ஆட்சியர் உள்ளிட்ட அதிகாரிகள் பதில் மனு தாக்கல் செய்ய ஐகோர்ட் கிளை உத்தரவு பிறப்பித்துள்ளது.
- Aug 09, 2025 11:21 IST
அஜித் குமார் கொலை வழக்கு - பொய் புகார் என சி.பி.ஐ சந்தேகம்
சிவகங்கை மாவட்டம் திருப்புவனம் அஜித்குமார் கொலை வழக்கு தொடர்பாக சி.பி.ஐ அதிகாரிகள் விசாரணை மேற்கொண்டு வருகிறார்கள். இந்நிலையில், காரில் வைத்திருந்த நகை மாயமானதாக நிகிதா புகார் அளித்த விவகாரத்தில் கோவில் பார்க்கிங்கை விட்டு நிகிதா கார் வெளியே செல்லவே இல்லை எனவும், அஜித் மீது நிகிதா அளித்தது பொய் புகாராக இருக்கலாம் எனவும் சி.பி.ஐ அதிகாரிகளுக்கு சந்தேகம் எழுந்துள்ளது. சி.பி.ஐ அதிகாரிகளின் விசாரணையில், நிகிதா முன்னுக்குப் பின் முரணான தகவல்களை அளித்ததும் தெரிய வந்துள்ளது
- Aug 09, 2025 10:51 IST
மதுரை அழகர் கோயில் ஆடிப் பெருந்திருவிழா
மதுரை அழகர் கோயில் ஆடிப் பெருந்திருவிழாவின் 9வது நாளான இன்று கோலாகலமாக நடந்த திருத்தேரோட்டம்.. ஆயிரக்கணக்கான பக்தர்கள் தேரை வடம் பிடித்து இழுத்து வழிபாடு செய்தனர்
- Aug 09, 2025 10:25 IST
விமான அறையில் லேசர் லைட் அடித்த மர்ம நபர்கள்: போலீஸ் விசாரணை
பெங்களூரில் இருந்து கோவை வந்த விமானத்தின் விமானி அறையில் மர்ம நபர்கள், லேசர் லைட் அடித்த நிலையில், தரையிறங்கிய பின்னர் விமானி கட்டுப்பாட்டு அறைக்கு தகவல் தெரிவித்தார் இதனையத்து லேசர் லைட் அடிக்கப்பட்டது தொடர்பாக பீளமேடு போலீசார் விசாரணை மேற்கொண்டு வருகின்றனர்.
- Aug 09, 2025 10:14 IST
திருவண்ணாமலை: கொட்டும் மழையிலும் பக்தர்கள் விடிய விடிய கிரிவலம்
திருவண்ணாமலையில் ஆடி மாத பௌர்ணமியான, நேற்று லட்சக்கணக்கான பக்தர்கள் கொட்டும் மழையிலும் விடிய விடிய கிரிவலம் மேற்கொண்டனர். விழுப்புரத்தில் இருந்து திருவண்ணாமலை வழியாக திருப்பதி செல்லும் பயணிகள் ரயிலில் பக்தர்கள் முண்டியடித்து ஏறியதால் பரபரப்பு ஏற்பட்டுள்ளது.
- Aug 09, 2025 10:14 IST
திருப்பத்தூரில் கனமழை - பள்ளி, கல்லூரிகளுக்கு இன்று விடுமுறை
தெற்கு கடலோர ஆந்திர பிரதேசத்திலிருந்து, கடலோர தமிழகம் வழியாக வடக்கு இலங்கை வரை வளிமண்டல கீழடுக்கு சுழற்சி நிலவுகிறது. தென்னிந்தியப் பகுதிகளின் மேல் வளிமண்டல மேலடுக்கு சுழற்சியும் உருவாகி உள்ளது. இதன் காரணமாக இன்று (09-08-2025) வட தமிழகத்தின் சில இடங்களிலும், தென் தமிழகத்தின் ஓரிரு இடங்களிலும், புதுச்சேரி மற்றும் காரைக்கால் பகுதிகளிலும் இடி, மின்னலுடன் கூடிய லேசானது முதல் மிதமான மழை பெய்யும் என்று சென்னை வானிலை ஆய்வு மையம் தெரிவித்துள்ளது.
இந்நிலையில், கனமழை முன்னெச்சரிக்கை காரணமாக திருப்பத்தூர் மாவட்டத்தில் அனைத்து தனியார் பள்ளிகளுக்கும் இன்று விடுமுறை அளித்து மாவட்ட ஆட்சியர் உத்தரவிட்டுள்ளார். இன்று சனிக்கிழமை என்பதால் ஏற்கனவே அரசு பள்ளிகளுக்கு விடுமுறை அறிவிக்கப்பட்டுள்ளது
Stay updated with the latest news headlines and all the latest Lifestyle news. Download Indian Express Tamil App - Android or iOS.