Coimbatore, Madurai, Trichy News Highlights: சட்டமன்ற தேர்தல் பிரசாரத்திற்காக நயினார் நாகேந்திரனுக்கு பிரத்யேக வாகனம்; தயார் செய்த அரியலூர் நிர்வாகி

கோவை, மதுரை, திருச்சி உள்ளிட்ட அனைத்து மாவட்ட செய்திகளையும் உடனுக்குடன் தெரிந்து கொள்ள தி இந்தியன் எக்ஸ்பிரஸ் தமிழ் இணைய பக்கத்துடன் இணைந்திருங்கள்.

கோவை, மதுரை, திருச்சி உள்ளிட்ட அனைத்து மாவட்ட செய்திகளையும் உடனுக்குடன் தெரிந்து கொள்ள தி இந்தியன் எக்ஸ்பிரஸ் தமிழ் இணைய பக்கத்துடன் இணைந்திருங்கள்.

author-image
WebDesk
புதுப்பிக்கப்பட்டது
New Update
special vehicle xNN

இன்றைய பெட்ரோல், டீசல் விலை: சர்வதேச சந்தையில் நிலவும் கச்சா எண்ணெய் விலைக்கு ஏற்ப இந்தியாவில் பெட்ரோல், டீசல் விலை மாற்றியமைக்கப்பட்டு வருகிறது. அந்த வகையில், சென்னையில் இன்று ஒரு லிட்டர் பெட்ரோல் ரூ. 100.80-க்கும், டீசல் 92.39 ரூபாய்க்கும் விற்பனை செய்யப்படுகிறது. அதேவேளை, இயற்கை எரிவாயு ஒரு கிலோ ரூ. 91.50 -க்கு விற்பனை செய்யப்படுகிறது.

  • Aug 07, 2025 20:49 IST

    சட்டமன்ற தேர்தல் பிரசாரத்திற்காக நயினார் நாகேந்திரனுக்கு பிரத்யேக வாகனம்; தயார் செய்த அரியலூர் நிர்வாகி

    சட்டமன்ற தேர்தல் பிரசாரத்திற்காக 4777 என்ற எண் கொண்ட பிரசார வாகனத்தை நயினார் நாகேந்திரனுக்காக பிரத்யேகமாக தயார் செய்துள்ளார் அரியலூர் பாஜக-வின் முன்னாள் தலைவர் ஐயப்பன். முன்னாள் முதலமைச்சர் எம்.ஜி.ஆர் பயன்படுத்திய காரின் எண் இது என்பதை அறிந்தவுடன், நயினார் நாகேந்திரன் ஆர்வமாக அவரே வாகனத்தை இயக்கி திருநெல்வேலி மாநகரை வலம் வந்துள்ளார்.



  • Aug 07, 2025 19:49 IST

    கம்யூனிஸ்ட் கட்சிகள் தி.மு.க-வை எதிர்த்து ஒருமுறையாவது அறிக்கை விட்டிருக்கிறதா? - இ.பி.எஸ் கேள்வி

    அ.தி.மு,க பொதுச் செயலாளர் எடப்பாடி பழனிசாமி ராஜபாளையத்தில் பரப்புரையின்போது பேசுகையில், “கொள்கையை இழந்ததால் கம்யூனிஸ்டுகள் மக்களிடம் செல்வாக்கு இழந்துவிட்டனர்; 50 மாதத்தில் ஒருமுறையாவது தி.மு.க-வை எதிர்த்து கம்யூனிஸ்ட் கட்சிகள் அறிக்கை விட்டிருக்கிறாதா? ஆணவக் கொலை பற்றி பேச தி.மு.க கூட்டணி தலைவர்கள் முதல்வரிடம் அனுமதி கேட்கிறார்கள்” என்று கூறினார்.



  • Advertisment
  • Aug 07, 2025 19:46 IST

    தி.மு.க கூட்டணி வலிமையாக இருக்கலாம்... ஆனால், மக்கள் எங்கள் பக்கம் - இ.பி.எஸ் நம்பிக்கை

    அ.தி.மு,க பொதுச் செயலாளர் எடப்பாடி பழனிசாமி ராஜபாளையத்தில் பரப்புரையின்போது பேசுகையில், “உங்களுக்கு (தி.மு.க) கூட்டணி வலிமையாக இருக்கலாம். ஆனால், எங்களுக்கு மக்கள் வலிமையாக இருக்கிறார்கள். ஒவ்வொரு தேர்தலிலும் வெற்றி, தோல்வியை நிர்ணயம் செய்வது மக்கள்; அந்த மக்கள் எங்கள் பக்கம் இருக்கிறார்கள்” என்று கூறினார்.



  • Aug 07, 2025 19:40 IST

    தமிழகத்தில் இந்த மாவட்டங்களில் இரவு 10 மணி வரை இடி மின்னலுடன் மழைக்கு வாய்ப்பு - வானிலை ஆய்வு மையம்

    தமிழ்நாட்டில் மதுரை, திண்டுக்கல், சிவகங்கை, புதுக்கோட்டை, திருப்பூர், தர்மபுரி, கிருஷ்ணகிரி, திருவண்ணாமலை, விழுப்புரம் ஆகிய மாவட்டங்களில் இரவு 10 மணி வரை லேசான இடி மின்னலுடன் மழை பெய்ய வாய்ப்பு உள்ளதாக வானிலை ஆய்வு மையம் தெரிவித்துள்ளது.



  • Advertisment
    Advertisements
  • Aug 07, 2025 19:15 IST

    எஸ்.எஸ்.ஐ. கொலை: கைதான தந்தை, மகன் 2 பேருக்கு 15 நாட்கள் நீதிமன்றக் காவல்

    திருப்பூர் மாவட்டம் குடிமங்கலத்தில் எஸ்.எஸ்.ஐ. சண்முகவேல் வெட்டிக் கொல்லப்பட்ட வழக்கில், தந்தை மூர்த்தி மற்றும் அவரது மகன் தங்கபாண்டி ஆகிய இருவருக்கும் ஆகஸ்ட் 21 வரை 15 நாட்கள் நீதிமன்ற காவல் விதிக்கப்பட்டுள்ளது.

    சொத்துப் பிரச்சினை தொடர்பாக ஏற்பட்ட தகராறில், அதை விலக்கச் சென்ற எஸ்.எஸ்.ஐ. சண்முகவேல் வெட்டி கொல்லப்பட்டார். இந்த சம்பவத்தில் தொடர்புடைய மணிகண்டன், காவல்துறையின் என்கவுண்டரில் சுட்டுக்கொல்லப்பட்டார். தற்போது, அவரது தந்தை மூர்த்தி மற்றும் சகோதரர் தங்கபாண்டி ஆகியோர் கைது செய்யப்பட்டு சிறையில் அடைக்கப்பட்டுள்ளனர்.



  • Aug 07, 2025 18:49 IST

    சேலத்தில் 9ஆம் தேதி தனியார் துறை வேலைவாய்ப்பு முகாம்

    சேலம் மாவட்டத்தில் ஆகஸ்ட்.9ம் தேதி மாபெரும் தனியார்துறை வேலைவாய்ப்பு முகாம் நடைபெற உள்ளது. இது குறித்து வெளியிடப்பட்டுள்ள செய்தி குறிப்பில், சேலம் மாவட்ட நிர்வாகம் மற்றும் மாவட்ட வேலைவாய்ப்பு மற்றும் தொழில்நெறி வழிகாட்டும் மையம், இணைந்து சேலம் மாவட்டத்தில் 09.08.2025, சனிக்கிழமை காலை 08.00 முதல் மாலை 03.30 வரை மகேந்திரா பொறியியல் கல்லூரி, மின்னாம்பள்ளி, சேலம் மாவட்டம் வளாகத்தில் நடைபெறும். ஆண்களும் பெண்களும் இந்த முகாமில் பங்கேற்கலாம். வேலை தேடும் இளைஞர்களுக்குத் தேவையான திறன்களை மேம்படுத்தும் வகையில் இந்த முகாம் ஏற்பாடு செய்யப்பட்டுள்ளது.



  • Aug 07, 2025 18:09 IST

    ’கிங்டம்’ படத்தை எதிர்த்து போராடிய நாம் தமிழர் கட்சியினர் கைது

    கோவை தனியார் வணிக வளாகத்தில் ‘கிங்டம்’ படத்தை எதிர்த்து போராடிய நாதகவினரை போலீசார் கைது செய்துள்ளனர். இதனால், அப்பகுதியில் பரபரப்பான சூழ்நிலை நிலவி வருகிறது. தமிழ் ஈழ பிரச்சினை குறித்து அவதூறு காட்சிகள் இடம்பெற்றுள்ளதால், ‘கிங்டம்’ திரையரங்குகளை முற்றுகையிடும் போராட்டம் நடத்தப்படும் என சீமான் அறிவித்திருந்தார்.



  • Aug 07, 2025 17:56 IST

    திருப்பூர்: குளிக்கச்சென்ற 16 வயது சிறுமிக்கு பாலியல் தொல்லை

    திருப்பூர் மாவட்டம் காங்கேயம் அருகே இல்லியம்புதூர் பி.ஏ.பி. பாசனக் கால்வாய் பகுதிக்கு நண்பருடன் குளிக்கச் சென்ற 16 வயது சிறுமிக்கு பாலியல் துன்புறுத்தல் கொடுக்கப்பட்ட சம்பவம் அதிர்ச்சியை ஏற்படுத்தி உள்ளது. உடன் சென்ற 16 வயது சிறுவன் மற்றும் சிறுமிக்கு ஏற்கனவே தெரிந்த சக்திவேல் (45) இருவரும், சிறுமிக்கு மது ஊற்றிக் கொடுத்து, சுய நினைவை இழந்ததும் பாலியல் துன்புறுத்தல் செய்துள்ளதாக தகவல். அங்கிருந்த சிலர் இதனைப் பார்த்து போலீசாருக்கு தகவல் அளிக்க, சிறுமி மீட்கப்பட்டார். இருவரையும் பிடித்து போலீசார் விசாரணை நடத்தி வருகின்றனர்.



  • Aug 07, 2025 17:18 IST

    அனைத்து கிராம ஊராட்சிகளிலும் ஆக.15ல் கிராம சபை கூட்டம்

    அனைத்து கிராம ஊராட்சிகளிலும் ஆகஸ்ட் 15ம் தேதி சுதந்திர தினத்தன்று கிராம சபை கூட்டம் நடத்த தமிழக அரசு உத்தரவு பிறப்பித்துள்ளது. இதுகுறித்து, ஊரக வளர்ச்சி மற்றும் ஊராட்சி ஆணையர் பொன்னையா சென்னை நீங்கலாக அனைத்து மாவட்டஆட்சியர்களுக்கு அனுப்பியுள்ள சுற்றறிக்கையில், சுதந்திர தினத்தன்று (15ம் தேதி) காலை 11 மணியளவில் கிராம சபை கூட்டங்கள் நடத்தப்பட வேண்டும். மதச்சார்புள்ள எந்த ஒரு வளாகத்திலும் நடத்த கூடாது. கிராம மக்கள் அனைவரும் பங்கேற்கும் வகையில் நடைபெறும் இடம், நேரத்தை மக்களுக்கு முன்கூட்டியே தெரியப்படுத்த வேண்டும். 1-4-2024 முதல் 31-7-2024 முடியவுள்ள காலத்தில் கிராம ஊராட்சியின் பொது நிதியில் இருந்து செலவின அறிக்கை வரங்களை கிராம சபை கூட்டத்தில் படித்து காண்பித்து ஒப்புதல் பெற வேண்டும் என அறிவுறுத்தப்பட்டுள்ளது.



  • Aug 07, 2025 16:58 IST

    எஸ்.எஸ்.ஐ கொலை – குற்றம் சாட்டப்பட்டவர்கள் ஆஜர்

    சிறப்பு உதவி ஆய்வாளர் சண்முகவேல் கொலை வழக்கில் குற்றம் சாட்டப்பட்ட மணிகண்டன்  என்கவுன்ட்டரில் சுட்டுக்கொலை செய்யப்பட்ட சம்பவத்தில் மணிகண்டனின் தந்தை மூர்த்தி, சகோதரன் தங்கபாண்டி குடிமங்கலம் காவல் நிலையத்திலிருந்து போலீசார் நீதிமன்றம் அழைத்து வந்தனர்.



  • Aug 07, 2025 16:34 IST

    உயிர் போகும் என்று தெரிந்தே தாக்குதல்- அஜித்குமார் வழக்கில் அதிர்ச்சி தகவல்

    உயிர்போகும் என தெரிந்தே அஜித்குமாரை கொடூரமாக தனிப்படை காவலர்கள் தாக்கியுள்ளதாக சிபிஐ அதிகாரிகளிடம், விசாரணை அதிகாரி ஏடிஎஸ்பி சுகுமாரன் வழங்கிய அறிக்கையில் தெரிவிக்கப்பட்டுள்ளது.



  • Aug 07, 2025 15:21 IST

    பரிதாபங்கள் சேனல் மீது புகார்

    நெல்லை ஆணவப்படுகொலை சம்பவத்தில் இரு சமூகத்திற்கு எதிரான கருத்துக்களை பேசி இருப்பதாக பரிதாபங்கள் யூடியூப் சேனல் மீது கோவை மாநகர காவல் ஆணையர் அலுவலகத்தில் வழக்கறிஞர் தனுஷ்கோடி புகார் மனு அளித்துள்ளார்.



  • Aug 07, 2025 14:36 IST

    எம்.எஸ்.சுவாமிநாதன் நினைவு நாணயம் வெளியீடு

    வேளாண் விஞ்ஞானி எம்.எஸ்.சுவாமிநாதன் நூற்றாண்டு சர்வதேச  மாநாட்டை தொடங்கி வைத்த பிரதமர் மோடி எம்.எஸ்.சுவாமிநாதன் நினைவு நாணயம், தபால் தலை வெளியிட்டார்.



  • Aug 07, 2025 14:34 IST

    3 மாவட்டங்களுக்கு மிக கனமழை எச்சரிக்கை

    திருவண்ணாமலை, வேலூர், திருப்பத்தூரில் ஓரிரு இடங்களில் நாளை 
    கன முதல் மிக கனமழைக்கு வாய்ப்பு, மயிலாடுதுறை, திருவாரூர், கடலூர், விழுப்புரம், கள்ளக்குறிச்சி, செங்கல்பட்டு, காஞ்சி, ராணிபேட்டையில் நாளை கனமழைக்கு வாய்ப்பு உள்ளதாக வானிலை மையம் தெரிவித்துள்ளது,



  • Aug 07, 2025 13:30 IST

    30 ஆண்டுகள் குத்தகை முடிவு: திருச்சி எஸ்.ஆர்,எம். ஹோட்டலை காலி செய்ய உத்தரவு

    திருச்சி எஸ்.ஆர்.எம்.ஹோட்டலை காலி செய்ய அனுப்பிய உத்தரவை ரத்து செய்த நீதிபதி ஜி.ஆர்.சாமிநாதன் உத்தரவை ரத்து ரத்து சென்னை உயர்நீதிமன்றம் மதுரை கிளை உத்தரவிட்டுள்ளது, தமிழ்நாடு அரசு தொடர்ந்த மேல்முறையீட்டு வழக்கில், 30 ஆண்டுகள் குத்தகை முடிந்ததால், அரசு நிலத்தில் இருந்து, எஸ்.ஆர்.எம்.ஹோட்டலை காலி செய்ய நீதிபதிகள் உத்தரவிட்டுள்ளனர்.



  • Aug 07, 2025 13:01 IST

    மரணம் ஏற்படும் என தெரிந்தே 5 தனிப்படை காவலர்களும் அஜித்தை தாக்கியுள்ளனர்

    மடப்புரம் கோயில் காவலாளி அஜித்குமார் கொலையில் திருத்தியமைக்கப்பட்ட எஃப்ஐஆர் வெளியானது. அதில் மரணம் ஏற்படும் என தெரிந்தே 5 தனிப்படை காவலர்களும் மூர்க்கத்தனமாக அஜித்தை தாக்கியதாக தெரிவிக்கப்பட்டுள்ளது.



  • Aug 07, 2025 12:33 IST

    மினி வேன் மோதியதில் 2 பெண்கள் உயிரிழப்பு

    கேரள மாநிலம் கொல்லம் கொட்டரைகரையில் மினி வேன் மோதியதில் 2 பெண்கள் உயிரிழந்தனர். பேருந்து நிறுத்தத்தில் பேருந்துக்காக காத்திருந்த 2 பெண்கள் மீது மினி வேன் மோதி விபத்து ஏற்பட்டது.



  • Aug 07, 2025 11:06 IST

    திருப்பூரில் வரதட்சணை கொடுமையால் பெண் மரணம் - 3 பேர் கைது

    திருப்பூரில் வரதட்சணை கொடுமையால் இளம்பெண் பிரீத்தி திருமணமான 11 மாதத்தில் உயிரை மாய்த்துக்கொண்ட சம்பவம் பெரும் அதிர்ச்சியை ஏற்படுத்தியுள்ளது. இந்நிலையில், பிரீத்தியின் கணவர் சதீஸ்வர், மாமனார் விஜயகுமார், மாமியார் உமா ஆகியோர் கைது செய்யப்பட்டுள்ளனர். கணவர் குடும்பத்தினர் கைது செய்யப்பட்டதை தொடர்ந்து, பிரீத்தியின் உடலை வாங்க பெற்றோர் சம்மதம் தெரிவித்துள்ளனர். 



  • Aug 07, 2025 10:58 IST

    உடுமலை என்கவுன்ட்டர் - மாவட்ட எஸ்.பி விளக்கம்

    திருப்பூர், உடுமலை சிறப்பு எஸ்.ஐ சண்முகவேல் படுகொலை வழக்கில் தேடப்பட்டு வந்த 3-வது நபர் மணிகண்டன் என்கவுன்ட்டர் செய்யப்பட்டுள்ளார். "கொலைக்கு பயன்படுத்திய அதே அரிவாளை கொண்டு போலீசாரை தாக்க முயன்றதால் என்கவுன்ட்டர் நடத்தப்பட்டது. மணிகண்டன் அரிவாளை எடுத்து போலீசாரை தாக்க முயன்றபோது தான் துப்பாக்கியால் சுட வேண்டிய சூழல் ஏற்பட்டது. அரிவாளை கீழே போட சொல்லி பலமுறை அறிவுறுத்தியும் மணிகண்டன் கேட்கவில்லை 2 முறை துப்பாக்கியால் சுட்டதில் ஒரு குண்டு மணிகண்டன் மீது பாய்ந்து உயிரிழந்துள்ளர்." என்று திருப்பூர் மாவட்ட எஸ்.பி கிரிஸ் யாதவ் விளக்கம்  அளித்துள்ளார். 



  • Aug 07, 2025 10:26 IST

    திருப்பூரில் மீண்டும் ஒரு ரிதன்யா!

    திருமணமான 10 மாதத்தில் உயிரை மாய்த்து கொண்ட இளம்பெண், 125 சவரன் நகை, 25 லட்சம் ரொக்க பணம், 38 லட்சம் மதிப்புள்ள கார் என இத்தனையும் கொடுத்தும் போதாமல், பூர்வீக சொத்தில் ரூ.50 லட்சம் கேட்டு வரதட்சணை கொடுமை என்று  உறவினர்கள் புகார் அளித்துள்ளனர். 

     



  • Aug 07, 2025 10:25 IST

    கோவை குற்றாலம் மீண்டும் திறப்பு - வனத் துறை அறிவிப்பு 

    கோவை மற்றும் நீலகிரி மாவட்டத்திற்கு நேற்று முன் தினம் ரெட் அலர்ட் விடுக்கப்பட்டதால் கோவை குற்றாலம் அருவி பாதுகாப்புக் கருதி மூடப்பட்டது. இந்நிலையில் அருவிக்கு வரும் நீரின் வேகம் சீராக உள்ளதால் மீண்டும் இன்று முதல் கோவை குற்றாலம் திறக்கப்படுவதாக வனத் துறையினர் அறிவித்துள்ளனர்.



Tamil Nadu Madurai Coimbatore Trichy

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us: