Coimbatore, Madurai, Trichy News: திருச்சி-ஈரோடு பயணிகள் ரயில் புறப்படும் நேரம் மாற்றம்

புராதன சின்னமாக செஞ்சி கோட்டை: தமிழகத்தின் செஞ்சி கோட்டையை புராதன சின்னமாக யுனிஸ்கோ அறிவித்துள்ளது. கோட்டையில், கோவில்கள், மண்டபங்கள், குளங்கள், சுனைகள், படைவீரர்கள், நெற்களஞ்சியங்கள் உள்ளிட்ட சிறப்பம்சங்கள் உள்ளன. 

Jul 12, 2025 22:01 IST
3 பவுன் நகைக்காக மூதாட்டி கழுத்தை அறுத்துக் கொலை
மணப்பாறை அருகே 3 பவுன் நகைக்காக மூதாட்டியை கழுத்தை அறுத்துக்கொன்ற மர்மநபர்களை போலீசார் வலைவீசி தேடி வருகின்றனர். முதல்கட்ட விசாரணையில், குழந்தை தெரசு தனியாக வசிப்பதை அறிந்து மர்மநபர்கள் அவரை கொன்று நகைகளை பறித்து சென்றது தெரியவந்தது. 



Jul 12, 2025 22:00 IST
சென்னையில் குக்கர் வெடித்து பெண் பலியான பரிதாபம்
சென்னை திருவொற்றியூர் பகுதியை சேர்ந்தவர் ராஜலெட்சுமி(55). இவர் இன்று மதியம் தனது வீட்டில் குக்கரில் உணவு சமைத்துக்கொண்டு இருந்தார். அப்போது எதிர்பாராதவிதமாக குக்கர் வெடித்தது. வெடித்த வேகத்தில் குக்கரின் மேல் மூடி ராஜலெட்சுமியின் தலையை தாக்கியது. இதில் படுகாயமடைந்த ராஜலெட்சுமி அருகில் உள்ள மருத்துவமனையில் அனுமதிக்கப்பட்டார். அவருக்கு தொடர்ந்து சிகிச்சை அளிக்கப்பட்டு வந்தது. இந்த நிலையில், சிகிச்சை பலனின்றி மருத்துவமனையில் ராஜலெட்சுமி உயிரிழந்தார். இந்த சம்பவம் தொடர்பாக போலீசார் விசாரணை நடத்தி வருகின்றனர்.
 



Advertisment
Jul 12, 2025 21:27 IST
வின்ஃபாஸ்ட் புதிய கார் விற்பனை முன்பதிவு ஜூலை 15ல் தொடக்கம்
தூத்துக்குடி வின்ஃபாஸ்ட் உற்பத்தி நிலையத்தில் இருந்து புதிய கார் விற்பனைக்கான முன்பதிவு ஜூலை 15ல் தொடங்குகிறது. வியட்நாமை தலைமையிடமாக கொண்ட வின்ஃபாஸ்ட் நிறுவனம் இந்தியாவிலேயே முதல்முறையாக தமிழ்நாட்டில்தான் ஆலை அமைத்தது. கடந்தாண்டு பிப்ரவரி 25ம் தேதி ஆலை அமைக்கும் பணிக்கான அடிக்கல் நாட்டினார் முதலமைச்சர் மு.க.ஸ்டாலின்.



Jul 12, 2025 20:43 IST
த.வெ.க. ஆர்ப்பாட்டம்: வழிகாட்டு நெறிமுறைகள் வெளியீடு
தமிழகத்தில் கடந்த நான்கு வருடங்களில் லாக்கப்பில் உயிரிழந்தவர்களுக்கு நீதி கேட்கும் வகையில், உயிரிழந்தவர்களின் குடும்பத்தினரை வைத்து, தமிழக வெற்றி கழகம் கட்சி சார்பில் சென்னையில் நாளை கண்டன ஆர்ப்பாட்டம் நடைபெறுகிறது. அக்கட்சியின் தலைவர் விஜய் தலைமையில் நடைபெறும் இந்த ஆர்ப்பாட்டத்திற்கு 16 நிபந்தனைகளுடன் போலீசார் அனுமதி அளித்துள்ளனர். ஆர்ப்பாட்டத்தில் பங்கேற்கும் த.வெ.க. தொண்டர்கள் பின்பற்ற வேண்டிய வழிகாட்டு நெறிமுறைகளை அக்கட்சியின் பொதுச்செயலாளர் என். ஆனந்த் வெளியிட்டுள்ளார். 



Advertisment
Advertisements
Jul 12, 2025 19:31 IST
விருதுநகரிலிருந்து கடத்தி வந்த 14 டன் ரேஷன் அரிசி பறிமுதல்
விருதுநகரிலிருந்து கடத்தி வந்த 14 டன் ரேஷன் அரிசி லாரியுடன் திண்டுக்கல்லில் பறிமுதல் செய்யப்பட்டது. நாமக்கல்லுக்கு அரிசி கடத்திய லாரி ஓட்டுநர் ஈஸ்வரனை கைது செய்து போலீசார் விசாரணை நடத்தி வருகின்றனர். நாமக்கல் கோழிப்பண்ணை உரிமையாளர்கள் உட்பட 3 பேர் மீது வழக்குப் பதிவு செய்து விசாரணை நடைபெற்று வருகிறது.



Jul 12, 2025 19:17 IST
திருச்சி-ஈரோடு பயணிகள் ரயில் புறப்படும் நேரம் மாற்றம்
திருச்சி-ஈரோடு பயணிகள் ரயில் புறப்படும் நேரம் மாற்றப்பட்டுள்ளதாக தெற்கு ரயில்வே அறிவித்துள்ளது. ஈரோட்டில் இருந்து மாலை 5.35 மணிக்கு புறப்பட்டு இரவு 10.20 மணிக்கு ஜோலார்பேட்டை செல்லும் பயணிகள் ரயில் (வண்டி எண்.56812), அதற்கு மாற்றாக, ஈரோட்டில் இருந்து மாலை 5.30 மணிக்கு புறப்பட்டு இரவு 10.15 மணிக்கு ஜோலார்பேட்டை சென்றடையும். இதேபோல, திருச்சியில் இருந்து மாலை 4 மணிக்கு புறப்பட்டு ஈரோடு செல்லும் பயணிகள் ரயில் (56105), அதற்கு மாற்றாக திருச்சியில் இருந்து மாலை 3.50 மணிக்கு புறப்பட்டு ஈரோடு செல்லும். 



Jul 12, 2025 19:16 IST
” 25,000-க்கும் மேற்பட்டோர் பங்கேற்கும் ஆர்ப்பாட்டம்”
அ.தி.மு.க. பொதுச்செயலாளர் எடப்பாடி பழனிச்சாமி மற்றும் பா.ஜ.க. அரசை கண்டித்து தி.மு.க. மாணவரணி சார்பில் 14-ம் தேதி நடைபெறும் கண்டன ஆர்ப்பாட்டத்தில் 25 ஆயிரத்திற்கும் மேற்பட்டோர் கலந்து கொள்ள உள்ளதாக அக்கட்சியின் மாணவரணி செயலாளர் ராஜீவ்காந்தி தெரிவித்துள்ளார். கோவையில், செய்தியாளர்களிடம் பேசிய அவர், இதனை கூறினார்.



Jul 12, 2025 19:05 IST
பாம்பன் தூக்குப்பாலத்தில் தொழில்நுட்பக் கோளாறு
ராமநாதபுரம் மாவட்டம் ராமேஸ்வரத்தில் கடலின் நடுவே ரூ.545 கோடி மதிப்பீட்டில் புதிய பாம்பன் பாலம் கட்டப்பட்டது. கடந்த ஏப்ரல் 6-ந்தேதி முதல் பாலத்தில் ரெயில் சேவைகள் தொடங்கப்பட்டன. இன்று கப்பல்கள் செல்வதற்காக பாலம் செங்குத்தாக தூக்கப்பட்டது. பின்னர் பாலத்தை இறக்கும்போது தொழில்நுட்பக்கோளாறு ஏற்பட்டது. இதையடுத்து ரெயில்வே பணியாளர்கள், பாலத்தில் ஏற்பட்ட கோளாறை சரி செய்யும் பணியில் ஈடுபட்டனர். பாலத்தை கீழே கொண்டுவந்தாலும், அது உடனடியாக தண்டவாளத்துடன் இணையவில்லை. ரெயில்வே ஊழியர்கள் சுமார் 2 மணி நேரம் போராடி கோளாறை சரி செய்தனர்.



Jul 12, 2025 17:23 IST
அஜித்குமார் மரணம் - சிபிஐ விசாரணை அதிகாரி நியமனம்
திருப்புவனம் அஜித்குமார் மரண வழக்கில் டெல்லி சிபிஐ DSP மோகித்குமார் விசாரணை அதிகாரியாக நியமனம்
சிபிஐ அதிகாரிகள் டெல்லியில் இருந்து விமானம் மூலம் நாளை மதுரை வருகின்றனர் - விசாரணை வரும் 14ம் தேதி தொடக்கம்



Jul 12, 2025 14:48 IST
ரிதன்யா தந்தை ஐ.ஜி அலுவலகத்தில் மனு
திருப்பூரில், புதிதாக திருமணம் ஆன ரிதன்யா தற்கொலை செய்த வழக்கில், விசாரணை அதிகாரியை மாற்றக் கோரி அவரது தந்தை அண்ணாதுரை ஐ.ஜி. அலுவலகத்தில் மனு அளித்துள்ளார். விசாரணை தாமதமாக நடப்பதாக கூறிய அவர், வழக்கை விரைந்து முடிக்க வேண்டும் என வலியுறுத்தியுள்ளார்.



Jul 12, 2025 14:28 IST
திருப்புவனம் அஜித் மரணம் - விசாரணையை தொடங்கிய சி.பி.ஐ
திருப்புவனம் அஜித் மரணம் தொடர்பாக வழக்குப் பதிவு செய்த சி.பி.ஐ, தற்போது விசாரணையை தொடங்கியது. முன்னதாக, இந்த வழக்கின் விசாரணையை சி.பி.ஐ-க்கு மாற்றி உயர்நீதிமன்ற மதுரைக் கிளை உத்தரவிட்டது குறிப்பிடத்தக்கது.



Jul 12, 2025 13:44 IST
இரட்டை பெண் குழந்தைகள் உயிரிழப்பு
வாலிகண்டபுரம் கிராமத்தைச் சேர்ந்த கந்தசாமி-தனலெட்சுமி தம்பதியின் 11 மாத இரட்டை பெண் குழந்தைகள் அடுத்தடுத்து உயிரிழப்பு குழந்தைகள் வயிற்றுப்போக்கால் பாதிக்கப்பட்ட நிலையில் முதலில் மருந்தகங்களில் வாங்கிய ஆங்கில மருந்து கொடுக்கப்பட்டிருக்கிறது. பின் நாட்டு மருந்தும் கொடுத்துள்ளனர். இந்நிலையில் குழந்தைகள் இருவரும் அடுத்தடுத்து மூச்சுத்திணறி உயிரிழப்பு



Jul 12, 2025 13:07 IST
நாகையில் 150 கிலோ கடல் அட்டைகள் பறிமுதல்
நாகையில் இருந்து இலங்கைக்கு கடத்த முயன்ற 150 கிலோ கடல் அட்டைகளை பறிமுதல் செய்தது போலீஸ். போலீசார் வருவதை கண்டதும் தப்பிய கடல் அட்டை வியாபாரி உள்ளிட்டோருக்கு வலைவீசப்பட்டுள்ளது. போலீசார் பறிமுதல் செய்த 150 கிலோ கடல் அட்டையை வனத்துறையிடம் ஒப்படைத்தனர்.



Jul 12, 2025 12:55 IST
விக்கிரவாண்டியில் ஏர் கன் சுட்டதில் 3 பேர் படுகாயம்
விக்கிரவாண்டியில் தென்னரசு என்பவர் ஏர் கன் துப்பாக்கியால் சுட்டதில் 3 பேர் படுகாயம் அடைந்தனர். தென்னரசு என்பவர் ஏர் கன் துப்பாக்கியால் சுட்டதில் அவரது தாய், மனைவி, தம்பி கவலைக்கிடமாக உள்ளனர். ஆன்லைன் மூலம் தென்னரசு ஏர் கன் துப்பாக்கி வாங்கியதாக போலீசார் விசாரணையில் தகவல் வெளியாகி உள்ளது.



Jul 12, 2025 12:50 IST
மதுரை மாநகராட்சி முறைகேடு - புதூரில் பா.ஜ.க. ஆர்ப்பாடம் 
மதுரை மாநகராட்சி முறைகேடு குறித்து பா.ஜ.க., மாநிலத் தலைவர் நயினார் நாகேந்திரன் தலைமையில் புதூர் பகுதியில் ஆர்ப்பாடம் நடைபெற்று வருகிறது.



Jul 12, 2025 11:35 IST
குளத்தில் மூழ்கி 3 சிறுவர்கள் உயிரிழப்பு
தஞ்சாவூர், திருவேங்கட உடையான்பட்டியில்  குளத்தில் மூழ்கி 3 சிறுவர்கள் உயிரிழந்தது பெரும் சோகத்தை ஏற்படுத்தியுள்ளது. 8ம் வகுப்பு மாணவன் ஜஸ்வந்த், 5ம் வகுப்பு மாணவர்கள் பாலமுருகன், மாதவன் ஆகிய 3 சிறுவர்கள் உயிரிழந்துள்ளனர். பள்ளியிலிருந்து வெகுநேரமாகியும் திரும்பாத சிறுவர்களை  பெற்றோர் தேடியபொழுது நீரில் மூழ்கிய நிலையில் கண்டெடுக்கப்படுள்ளனர். 



Jul 12, 2025 11:21 IST
மதுரை சரித்திர பதிவேடு குற்றவாளி சிவமணி கொலை 
மதுரை ஜெய்ஹிந்த் புரத்தைச் சேர்ந்த சரித்திர பதிவேடு குற்றவாளி சிவமணி, தனக்கு கீழ் உள்ள ரவுடிகளை இழிவுபடுத்தியதாக கூறப்படுகிறது. இதையடுத்து, ரவுடி சிவமணியை தீர்த்துக் கட்ட திட்டம் தீட்டிய கூட்டாளிகள், கொடைக்கானலுக்கு சுற்றுலா சென்று போதையில் இருந்த சிவமணியை காருக்குள் வைத்து கத்தியால் கழுத்தை அறுத்து கொலை செய்துள்ளனர். இது தொடர்பான போலீஸ் விசாரணை நடைபெற்று வருகிறது. 



Jul 12, 2025 10:37 IST
லேட்டா வந்தவர்களுக்கு அனுமதி மறுப்பு 
ராமநாதபுரத்தில் குரூப் 4 தேர்வு எழுத நேரம் தவறி வந்த தேர்வர்கள்,10க்கும் மேற்பட்டோரை தேர்வெழுத அனுமதிக்காமல், அதிகாரிகள் திருப்பி அனுப்பியுள்ளனர். இதேபோல், ஆம்பூர், ஈரோடு, திண்டுக்கல் ஆகிய இடங்களிலும் தேர்வு மையத்திற்கு தாமதமாக வந்தவர்களுக்கு அனுமதி மறுக்கப்பட்டுள்ளது. இதனால்,  தேர்வர்கள் பலரும் அதிகாரிகளுடன் வாக்குவாதத்தில் ஈடுப்பட்டுள்னர். 



Jul 12, 2025 09:29 IST
அ.தி.மு.க தொண்டர்களை குழப்பிய எடப்பாடி பழனிச்சாமி
2026 தேர்தல் முடிந்தவுடன் 30 லட்சம் மக்களுக்கான மகளிர் உரிமைத்தொகையை நிறுத்திவிடுவார்கள் என்று அதிமுக பொதுச்செயலாளர் எடப்பாடி பழனிச்சாமி செஞ்சியில் பேசியது தொண்டர்கள் மத்தியில் குழப்பத்தை ஏற்படுத்தியுள்ளது,



Jul 12, 2025 08:39 IST
கடலூர் ரயில் விபத்து: கேட் மூடாததை ஒப்புக்கொண்ட கேட் கீப்பர்
கடலூர் ரயில் விபத்தில் கேட் கீப்பர் பங்கஜ் சர்மா கேட்டை மூடாமலே, மூடிவிட்டதாக பிரைவேட் எண்ணை ஸ்டேஷன் மாஸ்டருக்கு அனுப்பியுள்ளார். விபத்துக்கு பின் ஸ்டேஷன் மாஸ்டரை அழைத்து கேட்டை மூடவில்லை என்று ஒப்புக்கொண்டது ரயில்வேயின் தானியங்கி வாய்ஸ் ரெக்கார்டரில் பதிவாகியுள்ளது,