Coimbatore, Madurai, Trichy News Updates: சிறுமிக்கு பாலியல் தொல்லை; பா.ஜ.க முன்னாள் நிர்வாகி கைது

கோவை அருகே அ.தி.மு.க முன்னாள் அமைச்சர் திண்டுக்கல் சீனிவாசனின் பேத்தி திவ்யபிரபா சாலை விபத்தில் உயிரிழந்தார். பல் மருத்துவரான இவர், மேட்டுப்பாளையத்தில் இருந்து உதகைக்கு சென்ற போது கல்லாறு அருகே கார் மரத்தில் மோதி விபத்து ஏற்பட்டதாக தெரிவிக்கப்பட்டுள்ளது.

சிவகங்கையில் 15  வயது சிறுமிக்கு பாலியல் தொல்லை கொடுத்ததாக அளிக்கப்பட்ட புகாரில் பா.ஜ.க முன்னாள் நிர்வாகி ராஜ்குமார் என்பவரை போலீசார் கைது செய்தனர். இதைத் தொடர்ந்து, அவரிடம் விசாரணை மேற்கொள்ளப்பட்டு வருகிறது.

பா.ஜ.க-வின் மற்றொரு வடிவமாக த.வெ.க திகழ்கிறது என்று அக்கட்சியில் இருந்து அண்மையில் விலகிய வைஷ்ணவி தெரிவித்துள்ளார். இன்றைய தினம் அமைச்சர் செந்தில் பாலாஜி முன்னிலையில் தி.மு.க-வில் அவர் இணைந்தார். மேலும், "த.வெ.க-வில் ஓராண்டாக பயணித்தேன். இளைஞர்களை ஊக்குவிப்பார்கள் என்று நினைத்த எனக்கு ஏமாற்றமே மிஞ்சியது" என்று அவர் குறிப்பிட்டுள்ளார்.

அரக்கோணத்தில் சரக்கு ரயில் தடம் புரண்டு விபத்து ஏற்பட்டது. ரயில் சேவையில் பாதிப்பு இல்லை. ரயில் நிலையத்தில் சரக்கு கையாளும் பாதையில் யார்டுக்கு செல்லும்போது ரயில் தடம் புரண்டது. சரக்கு ரயிலின் 2 பெட்டிகள் மட்டுமே தடம் புரண்டன. பெட்டிகளை மீட்கும் பணி தீவிரமடைந்து வருகிறது. 

மதுரை மேற்கு தொகுதியில் தவெக தலைவர் விஜய் களமிறங்க வாய்ப்பு என தகவல் வெளியாகி உள்ளது. 

தமிழ்நாட்டில் இரவு 7 மணி வரை 8 மாவட்டங்களில் மிதமான மழைக்கு வாய்ப்பு உள்ளது என சென்னை வானிலை மையம் தெரிவித்துள்ளது. கோவை, தேனி, திண்டுக்கல், தென்காசி, குமரி, நெல்லை, ஈரோடு மற்றும் சேலத்தில் மிதமான மழை பெய்யும்.

நெல்லையைச் சேர்ந்த இளைஞர் மீது விசாரணை என்ற பெயரில் போலீசார் தாக்குதல். ரூ.4 லட்சம் இழப்பீடு வழங்க உத்தரவு. இளைஞரை தாக்கிய காவல் உதவி ஆய்வாளர் விமலன், காவலர் மகாராஜனிடம் இருந்து தலா ரூ.2 லட்சம் வசூலிக்க உத்தரவு. பணத்தை பாதிக்கப்பட்ட இளைஞரிடம் வழங்க மாநில மனித உரிமைகள் ஆணையம் உத்தரவிட்டுள்ளது. 

தமிழ்நாட்டில் இரவு 7 மணி வரை 8 மாவட்டங்களில் மிதமான மழைக்கு வாய்ப்பு கோவை, தேனி, திண்டுக்கல், தென்காசி, கன்னியாகுமரி, நெல்லை, ஈரோடு மற்றும் சேலத்தில் மிதமான மழை பெய்ய வாய்ப்பு என்று சென்னை வானிலை ஆய்வு மையம் தெரிவித்துள்ளது. 

கோவையில் அதிக லாபம் தருவதாக கூறி மோசடி செய்த 5 நிறுவனங்கள். பாதிக்கப்பட்டவர்கள் பொருளாதார குற்றப்பிரிவு பிரிவில் புகாரளிக்க காவல் துறை அறிவுறுத்தல்

இந்திய அணுசக்தி கழகத்தின் முன்னாள் தலைவரும் மூத்த விஞ்ஞானியுமான டாக்டர் ஸ்ரீனிவாசன் (95) உடல், அரசு மரியாதையுடன்  நீலகிரி மாவட்டம் குன்னூரில் தகனம் செய்யப்பட்டது

கோவை விமான நிலையத்தில் ரூ.5 கோடி மதிப்பிலான கஞ்சா பறிமுதல் செய்யப்பட்டுள்ளது. பாங்காக்கில் இருந்து சிங்கப்பூர் வழியாக கோவை வந்த பயணியிடம் 5.25 கிலோ உயர்ரக கஞ்சா பறிமுதல் செய்யப்பட்டு இருக்கிறது. 

அடுத்தாண்டு ஜனவரி 9ல் கடலூரில் நடக்கும் தேமுதிக மாநாட்டில் கூட்டணி குறித்து அறிவிப்போம் என தேமுதிக பொதுச்செயலாளர் பிரேமலதா அறிவித்துள்ளார். 2026 சட்டமன்றத் தேர்தல் கூட்டணி குறித்து அடுத்தாண்டு மாநாட்டில் அறிவிப்போம். 234 தொகுதிகளிலும் பொறுப்பாளர்களை நியமிக்கவுள்ளோம் என்று தெரிவித்துள்ளார்.

சேலம் மாவட்டம் ஏற்காட்டில் சுற்றுலாப் பயணிகளை மகிழ்விக்கும் வகையில் 48-வது கோடை விழா மற்றும் மலர் கண்காட்சி நாளை (வெள்ளிக்கிழமை) தொடங்கி 29-ந் தேதி வரை 7 நாட்கள் நடைபெறுகிறது. தினமும் பல்வேறு துறைகள் சார்பில் கலைநிகழ்ச்சிகள், போட்டிகள் நடத்தப்பட உள்ளன. நாளை காலை 7 மணிக்கு ஏற்காடு மலைப்பாதையில் ஆண்கள், பெண்களுக்கான மலையேற்றம் நடக்கிறது. தொடர்ந்து ஏற்காடு கலையரங்கத்தில் புலியாட்டம், சிலம்பாட்டம், நாட்டுப்புற மற்றும் மேற்கத்திய நடன நிகழ்ச்சி நடத்தப்பட உள்ளன.

திருவாரூர் மாவட்டம் முத்துப்பேட்டையில் கடந்த 17ம் தேதி நடந்த வஃக்பு சட்டத்திற்கு ஆதரவாக நடந்த ஆர்ப்பாட்டத்தில், மத மோதலை ஏற்படுத்தும் விதமாக பேசிய பா.ஜ.க.,வைச் சேர்ந்த எச்.ராஜா, கருப்பு முருகானந்தம் மற்றும் சையத் இப்ராஹிம் மீது முத்துப்பேட்டை காவல் நிலையத்தில் வழக்குப்பதிவு செய்யப்பட்டுள்ளது

கொடநாடு கொலை, கொள்ளை வழக்கு தொடர்பாக முன்னாள் முதல்வர் ஜெயலலிதாவின் கார் ஓட்டுநர் கனகராஜின் உறவினர் ரமேஷ் சி.பி.சி.ஐ.டி அலுவலகத்தில் விசாரணைக்கு ஆஜரானார். கனகராஜ் உயிரிழந்த சம்பவம் குறித்தும், பங்களாவில் அவர் சந்தித்த நபர்கள் குறித்தும் விசாரணை நடத்த போலீசார் திட்டமிட்டுள்ளனர்

அன்புமணியும், ராமதாசும் ஒன்றாக இணைந்து திமுகவுக்கு எதிராக குரல் கொடுக்க வேண்டும் என்பதுதான் எங்களுடைய நோக்கம் திமுக கூட்டணியில் இருந்து திருமாவளவன் வெளியே வரவேண்டும் என்று நான் விருப்பப்படுகிறேன்–

நெல்லையில் பாஜக மாநிலத் தலைவர் நயினார் நாகேந்திரன் பேட்டி

தஞ்சாவூர் அருகே அரசு பேருந்தும், டெம்போ டிராவலர்ரும் நேருக்கு நேர் மோதிய விபத்தில் பலி எண்ணிக்கை 6 ஆக உயர்வு

தஞ்சை மருத்துவக் கல்லூரி மருத்துவமனையில் அனுமதிக்கப்பட்டிருந்த மேலும் ஒருவர் சிகிச்சை பலனின்றி உயிரிழப்பு

தூத்துக்குடி ஸ்டெர்லைட் ஆலை போராட்டத்தில் நடந்த துப்பாக்கிச்சூட்டின் 7ம் ஆண்டு நினைவு தினம். சுட்டுக்கொல்லப்பட்ட 13 பேரின் புகைப்படங்களுக்கு மெழுகுவர்த்தி ஏந்தி அப்பகுதி மக்கள் அஞ்சலி செலுத்தினர்.

கோவை மாவட்டம் வால்பாறையை அடுத்த இடதுகரை குடியிருப்பு பகுதியில் உலவி வரும் ஒற்றைக் காட்டுயானை தாக்கி, மேரியம்மாள் (60) என்ற மூதாட்டி உயிரிழந்தார்.

தப்பி ஓடும் போது காயமடைந்த மற்றொரு மூதாட்டி, மருத்துவமனையில் அனுமதிக்கப்பட்டுள்ளார்.

சிங்கம்புணரி அருகே மல்லாக்கோட்டை கல்குவாரியில் பாறைகள் சரிந்ததில் பலியானோர் எண்ணிக்கை 6 ஆக உயர்ந்துள்ளது. விபத்தில் சிக்கி படுகாயமடைந்த தூத்துக்குடியை சேர்ந்த மைக்கேல்(47) எனபவர் மருத்துவமனையில் சிகிச்சை பலனின்றி இன்று அதிகாலை 4.30 மணியளவில் பரிதாபமாக உயிரிழந்தார்.இதனால் பலி எண்ணிக்கை 6 ஆக உயர்ந்துள்ளது.