மத்திய அரசு அறிவித்தும் வங்கிகள் கடன் தர மறுப்பு: கோவையில் நிர்மலா சீதாராமன் தொழிலாளி ஆதங்கம்

கோவை கொடிசியா வளாகத்தில் இன்று (அக்.3) மாபெரும் கடனுதவி வழங்கும் விழா நடைபெற்றது, இதில் மத்திய நிதியமைச்சர் நிர்மலா சீதாராமன் கலந்து கொண்டார்.

இந்நிகழ்ச்சியில் ஏராளமான பொதுமக்கள் கலந்து கொண்டனர். அப்போது கோவை சாய்பாபா காலனி பகுதியைச் சேர்ந்த சதீஷ் என்பவர், திடீரென எழுந்துதனக்கு லோன் கிடைக்கவில்லை எனக்கூறி வாக்குவாதத்தில் ஈடுபட்டார். அவரிடம் அங்கிருந்த அதிகாரிகள், பாஜகவினர் பேச்சுவார்த்தை நடத்தினர்.

மேடையிலிருந்து இதைக் கவனித்துக் கொண்டிருந்த நிர்மலா, அந்த நபரை வரவழைத்து என்ன பிரச்சனை என்று கேட்டறிந்தார்.

அப்போது சதீஷ் மைக்கில், சிறு, குறு தொழில்முனைவோர்களுக்காக உத்தரவாதம் இல்லாமல் கடன் வழங்கப்படும் என்று மத்திய அரசு அறிவித்தபோதும், தனக்கு வங்கிகள் கடன் தர மறுக்கின்றன என்று ஆதங்கத்துடன் பேசினார்.

இதைக் கேட்ட நிர்மலா சீதாராமன், சதிஷின் கோரிக்கை பற்றி சம்பந்தபட்ட வங்கியிடம் விளக்கம் கேட்டு நடவடிக்கை எடுக்கப்படும் என்று உறுதி அளித்தார்…

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“