கோவையில் உடல் பருமன் குறித்த விழிப்புணர்வு மாரத்தான் போட்டி: 3 ஆயிரத்துக்கும் மேற்பட்டோர் பங்கேற்பு

உடல் பருமன் கட்டுப்பாடு குறித்து பொதுமக்களுக்கு விழிப்புணர்வு ஏற்படுத்தும் விதமாக கோவையில் நடைபெற்ற மாரத்தான் போட்டியில் 3 ஆயிரத்திற்கும் மேற்பட்டோர் பங்கேற்று ஓடினர்.

கோவை தனியார் வி.ஜி.எம் மருத்துவமனை மற்றும் அத்தலெட்டிக் கிளப் சார்பில் உடல் பருமன் குறித்து பொதுமக்களுக்கு விழிப்புணர்வு ஏற்படுத்தும் வகையில், மாரத்தான் ஓட்ட பந்தயம்  கோவை வ.உ.சி மைதானத்தில் நடைபெற்றது.

10 கிலோ மீட்டர், 5 கிலோ மீட்டர், 3 கிலோ மீட்டர் என மூன்று பிரிவுகளாக நடைபெற்ற இந்த மாரத்தான் போட்டியில் மாற்றுத் திறனாளிகள் உட்பட ஆண்கள், பெண்கள் என 3 ஆயிரத்திற்கும் மேற்பட்டோர் பங்கேற்று ஓடினர்.

இம்மரத்தானை  மருத்துவர் மோகன் பிரசாத் மற்றும் முன்னாள் சட்டமன்ற உறுப்பினர் கார்த்திக் ஆகியோர் கொடி அசைத்து துவக்கி வைத்தனர் என்பது குறிப்பிடத்தக்கது.

செய்தி: பி.ரஹ்மான், கோவை மாவட்டம்            

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“