தனியார் பேருந்து - கார் மோதி விபத்து: முந்திச் செல்ல முயன்ற போது விபரீதம்; வைரல் வீடியோ!

கோவையில் பேருந்து மோதியதில் தலைகுப்புற கழிந்த கார், சினிமாவை மின்ஞ்சும் பரபரப்பு சேசிங் காட்சிகள் சிசிடிவி காட்சிகள் வெளியாகி பரபரப்பை ஏற்படுத்தி வருகிறது.

கோவை மாவட்டம் பல்லடம் அருகில் காரணம்பேட்டையில் இருந்து சூலூர் நோக்கி வேகமாக வந்துகொண்டு இருந்த தனியார் பேருந்தை பின்னால் வேகமாக வந்த கார் முந்தி செல்ல முயன்றது. ஆனால் வேகமாக சென்றுகொண்டிருந்த தனியார் பேருந்து ஓட்டுனர் சற்றும் வழிவிடாமல் பேருந்தை வேகமாக இயக்கியுள்ளார். இருந்தாலும் விடாமல் விரட்டிய கார் ஓட்டுனர் ஒருவழியாக பேருந்தை முந்தி சென்றார்.

ஆனால் கண்ணிமைக்கும் நேரத்தில் முந்தி சென்ற காரின்மீது தனியார் பேருந்து மோதியதில் கார் தலைகுப்புற கவிழ்ந்து விபத்து ஏற்பட்டது. சினிமாவில் வரும் சண்டைக்காட்சிகளில் வருவது போன்று திகிலான கார், பேருந்து சேசிங்க் விபத்தானது தனியார் பேருந்தில் பொருத்தியிருந்த கண்காணிப்பு கேமராவில் பதிவாகியிருந்தது. அந்த வீடியோக்கள் தற்போது வெளியாகி பார்போரை அச்சமடைய செய்துள்ளது.

தனியார் பேருந்து - கார் மோதி விபத்து: முந்திச் செல்ல முயன்ற போது விபரீதம்; வைரல் வீடியோ! pic.twitter.com/0QqWIXrsPw

— Indian Express Tamil (@IeTamil) June 29, 2024

மேலும் இந்த விபத்தில் அதிர்ஷ்ட வசமாக உயிர் சேதம் ஏதும் ஏற்படவில்லை காரில் பயனம் செய்த நால்வரில் இருவருக்கு லேசான காயம் ஏற்பட்டுள்ளதாகவும். சம்பவ இடத்திற்கு வந்த காவல்துறையினர் காயம் ஏற்பட்டவர்களை மீட்டு மருத்துவமனைக்கு அனுப்பி வைத்து விபத்து குறித்து விசாரித்து வருகின்றனர்.