ரயில் ஏ.சி பெட்டியில் இருந்து கொட்டிய மழை நீர்: கோவை சதாப்தி பயணிகள் அவதி

சென்னை சென்ட்ரலில் இருந்து கோயம்புத்தூர் செல்லும் சதாப்தி எக்ஸ்பிரஸ் ரயிலில் ஏ.சி, நான்-ஏ.சி உள்பட பெட்டிகள் உள்ளன.

இதில் நேற்று 2 அடுக்கு ஏ.சி பெட்டியில் பயணிகள் பயணித்து கொண்டிருந்தனர். அப்போது பெய்த கனமழையில் ரயிலின் மேற்கூரை வழியாக ஏசி பெட்டிக்குள் மழைநீர் கொட்டியது. இதனால், அங்கிருந்த பயணிகள் தூங்க முடியாமல் உட்கார்ந்தே பயணித்தனர். இதை பயணி ஒருவர் வீடியோ எடுத்து சமூக வலைதளங்களில் பதிவிட்டார்.  

ரயில் ஏ.சி பெட்டியில் இருந்து கொட்டிய மழை நீர்: கோவை சதாப்தி பயணிகள் அவதி #Coimbatore | #Trainpic.twitter.com/7sUpte53gY

— Indian Express Tamil (@IeTamil) May 14, 2024

மேலும் மதியம் 2:30 மணிக்கு கோவை ரயில் நிலையம் சென்றடைய வேண்டிய இந்த ரயில் மாலை 4:15 மணிக்கு கோவை வந்தடைந்தது. இரண்டு முப்பது மணிக்கு ரயில் வந்தடையும் என தனியார் வாகன ஓட்டிகளும், ரயில் பயணிகளின் உறவினர்களும் நீண்ட நேரம் காத்துக் கொண்டிருந்தனர். இதனால் வயதான பயணிகள் சரியான நேரத்திற்கு மதிய  உணவு எடுத்துக் கொள்ள முடியாத சூழல் ஏற்பட்டது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“