கோவையில் வீடுகளுக்குள் புகுந்த பாம்புகள்- லாவகமாக பிடித்த பாம்பு பிடி வீரர் சஞ்சய்

கோவையில் வெவ்வேறு இடங்களில் வீடுகளுக்குள் புகுந்த இரண்டு பாம்புகள், லாவகமாக பிடித்து வனப்பகுதியில் விடப்பட்டன.

கோவை 100 அடி ரோடு 9வது வீதியில் வசிப்பவர் சுப்ரமணி. இவருடைய வீட்டில் தண்ணீர் அளவிடும் மீட்டர் பாக்சில் 4அடி நீள சாரைப்பாம்பு ஒன்று பதுங்கி இருந்தது.

இதுகுறித்து சுப்ரமணி கொடுத்த தகவலின் பேரில் பாம்பு பிடி வீரர் சஞ்சய் விரைந்து வந்து மீட்டர் பாக்சில் பதுங்கி இருந்த பாம்பை லாவகமாக பிடித்தார்.

இதேபோல் ஜி.வி.ரெசிடென்சி பகுதியில் உள்ள ஒரு வீட்டில் பதுங்கி இருந்த 6 அடி நீள சாரை பாம்பையும் சஞ்சய் பிடித்தார்.

பிடிபட்ட இரண்டு பாம்புகளும் வனத் துறையினரிடம் ஒப்படைக்கப்பட்டது. பின்னர் வனத்துறையினர் பாம்புகளை மதுக்கரையில் உள்ள அடர்ந்த வனப்பகுதியில் விடுவித்தனர்.

செய்தி: பி.ரஹ்மான், கோவை மாவட்டம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“