'சின்னவர் வேற ரகம்': கையில் கோழி முட்டையுடன் உதயநிதி போஸ்டர்

பி.ரஹ்மான் - கோவை மாவட்டம்.

coimbatore: கோவையில் திமுக இளைஞர் அணி செயலாளரும், விளையாட்டுத்துறை அமைச்சருமான உதயநிதி ஸ்டாலினை வரவேற்று திமுக சார்பில் பல்வேறு பகுதிகளில் போஸ்டர்கள் ஒட்டப்பட்டுள்ளது. 

இன்று மாலை கொடிசியா மைதானத்தில் நடைபெற உள்ள தி.மு.க செயல்வீரர் கூட்டத்தில் தமிழக விளையாட்டுத் துறை உதயநிதி ஸ்டாலின் பங்கேற்று சிறப்பு உரையாற்ற உள்ளார்.  

இந்நிலையில், தி.மு.க-வினர் மாநகர் முழுவதும் பல்வேறு பகுதிகளில் சினிமா வசனங்களுடன் போஸ்டர்களை ஒட்டியுள்ளனர்.  ரயில் நிலையம் அருகே ஒட்டப்பட்டுள்ள போஸ்டரில் அமைச்சர் உதயநிதி கையில் கோழி முட்டை இருக்கும் புகைப்படத்துடன், "எங்க சின்னவர் வேற ரகம் , பார்த்து உஷாரு" - என்ற வாக்கியங்களுடன் போஸ்டரை ஒட்டியுள்ளனர். 

மேலும் அதில் சனாதன ஒழிப்பு மாநாட்டின் போது எடுத்த புகைப்படமும் இடம்பெற்றுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“