சென்னை மெட்ரொ புதிய பார்க்கிங் விலை பயண அட்டை: சலுகை, பயன்கள் என்ன?

பயணிகளின் எண்ணிக்கையை அதிகரிக்கவும், பயணிகளின் வசதிக்காகவும், சென்னை மெட்ரோ ரயில் லிமிடெட் (CMRL) புதன்கிழமை முதல் பார்க்கிங் கட்டணத்தில் தள்ளுபடி அறிமுகப்படுத்தியுள்ளது.

இந்த புதிய பார்க்கிங் விலை பயண அட்டை வைத்திருக்கும் வழக்கமான பயணிகளுக்கு மட்டுமே பொருந்தும். தள்ளுபடி செய்யப்பட்ட பார்க்கிங் விலைகள் தவிர, பயணிகளுக்கு மாதாந்திர பார்க்கிங் பாஸிலும் தள்ளுபடி கிடைக்கும், இது கடந்த 30 நாட்களுக்கான பயண வரலாறு மற்றும் பயணிகளின் எண்ணிக்கையின் அடிப்படையில் வழங்கப்படும்.

மறுபுறம், மெட்ரோ ரயில் அல்லாத பயணிகள் மற்றும் ஒழுங்கற்ற பயணிகளின் பார்க்கிங் கட்டணம் இன்று முதல் உயரும். மெட்ரோ பயணிகள் அல்லாத பயணிகள் வாகனங்கள் நிறுத்துமிடங்களில் குவிவதைத் தவிர்க்க இந்த நடவடிக்கை எடுக்கப்பட்டுள்ளது.

CMRL இன் படி, புதிய கட்டணமானது அனைத்து 36 மெட்ரோ நிலையங்களின் வாகன நிறுத்துமிடங்களுக்கும் பொருந்தும். ஆறு மணி நேரம் வரை மெட்ரோ கார்டு பயன்படுத்தி இரு சக்கர வாகனத்தை நிறுத்த ரூ.10, 12 மணி நேரத்திற்கு மேல் இருந்தால் ரூ.20, சர்வீஸ் நேரத்திற்கு மேல் பைக்கை நிறுத்த ரூ.50 கட்டணம். மாறாக, பயணம் செய்யாதவர்கள் /முறையற்ற பயணிகள் தங்கள் இருசக்கர வாகனங்களை நிறுத்த 6 மணி நேரத்திற்கு 20 ரூபாயும், 12 மணி நேரத்திற்கு மேல் 40 ரூபாயும் செலுத்த வேண்டும்.

நான்கு சக்கர வாகனங்களைப் பொறுத்தவரை, பயணம் செய்யாதவர்கள்/முறையற்ற பயணிகளுக்கு ஆறு மணி நேரத்திற்கு ரூ.30 மற்றும் 12 மணி நேரத்திற்கு மேல் ரூ.60 வசூலிக்கப்படும்.

இந்த தொகை, வழக்கமான பயணிகளை விட முறையே, 10 மற்றும் 20 ரூபாய் அதிகமாகும். கூடுதலாக, பார்க்கிங் பாஸில், சென்னை மெட்ரோ ரயிலில் 15க்கும் குறைவான பயணம் செய்த பைக்கிற்கான மாதாந்திர பார்க்கிங் பாஸ் ரூ.750 ஆகும்.

அதேசமயம், கடந்த காலத்தில் குறைந்தபட்சம் 15 சவாரி செய்த பயண அட்டை வைத்திருப்பவருக்கு 30 நாட்களுக்கு ரூ.500 மற்றும் கடந்த 30 நாட்களில் 30 சவாரிகளுக்கு ரூ.250 செலுத்த வேண்டும்.

தள்ளுபடி செய்யப்பட்ட பார்க்கிங் தொடர்பான விவரங்களுக்கு, பயணிகளை மெட்ரோ ரயில் நிலைய வாகன நிறுத்துமிட பணியாளர்களை தொடர்பு கொள்ளவும், பார்க்கிங் கட்டண விவரங்களை CMRL இணையதளத்தில் - https://chennaimetrorail.org/parking-tariff/ மற்றும் மெட்ரோ ரயில் நிலையங்களில் வைக்கப்பட்டுள்ள பேனர்களில் பார்க்கவும் CMRL வலியுறுத்தியுள்ளது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil