மதுரையில் தீபாவளி பட்டாசு விற்பனைக்கு தற்காலிக உரிமம்: செப். 20 கடைசி நாள்

மதுரை மாவட்டத்தில் இந்த ஆண்டு தீபாவளி பண்டிகையை முன்னிட்டு பட்டாசு விற்பனை செய்ய விரும்புவோர், தற்காலிக உரிமம் பெறலாம் என மாவட்ட நிர்வாகம் அறிவித்துள்ளது. 

வெடிபொருள் சட்டம் 1884 மற்றும் வெடிபொருள் விதிகள் 2008, பிரிவு 84-ன் கீழ் இந்த உரிமம் வழங்கப்படும். விண்ணப்பங்களை இ-சேவை மையங்கள் வழியாக, செப்டம்பர் 20-ஆம் தேதிக்குள் இணையவழியில் சமர்ப்பிக்க வேண்டும்.

விண்ணப்பத்துடன் இணைக்கப்பட வேண்டிய ஆவணங்கள்:

கடை வரைபடம்

கிரய ஆவணங்கள்

உரிமக் கட்டணம் ரூ. 600 அரசுக் கணக்கில் செலுத்திய அசல் ரசீது

முகவரி சான்று

உள்ளாட்சி ரசீது

பாஸ்போர்ட் அளவு புகைப்படம்

செப்டம்பர் 20-ஆம் தேதிக்குப் பிறகு சமர்ப்பிக்கப்படும் விண்ணப்பங்கள் ஏற்றுக்கொள்ளப்படாது என்றும் மாவட்ட நிர்வாகம் தெரிவித்துள்ளது.