Advertisment

ஸ்டாலின் பிறந்த நாளுக்கு தங்க மோதிரம் பரிசு: மார்ச் 1-ல் விழா

கட்சியின் தலைவரும், முதல்வருமான மு.க.ஸ்டாலினின் 70-வது பிறந்தநாளை மார்ச் 1-ம் தேதி கோலாகலமாக கொண்டாட திமுக ஏற்பாடு செய்து வருகிறது.

author-image
WebDesk
New Update
ஸ்டாலின் பிறந்த நாளுக்கு தங்க மோதிரம் பரிசு: மார்ச் 1-ல் விழா

காங்கிரஸ் தலைவர் மல்லிகார்ஜுன கார்கே உள்ளிட்ட மூத்த அரசியல் தலைவர்கள் பங்கேற்கும் பொதுக்கூட்டத்தை, அக்கட்சியின் தெற்கு மாவட்ட பிரிவு ஏற்பாடு செய்துள்ளது.

Advertisment

கட்சியின் தலைவரும், முதல்வருமான மு.க.ஸ்டாலினின் 70-வது பிறந்தநாளை மார்ச் 1-ம் தேதி கோலாகலமாக கொண்டாட திமுக ஏற்பாடு செய்து வருகிறது. பிறந்த குழந்தைகளுக்கு தங்க மோதிரம் பரிசு, பொதுமக்களுக்கு நலத்திட்டங்கள், என பல்வேறு நிகழ்ச்சிகளுக்கு ஏற்பாடு செய்யப்பட்டுள்ளது.

publive-image

ஜம்மு காஷ்மீர் தேசிய மாநாட்டு தலைவர் பரூக் அப்துல்லா, சமாஜ்வாதி கட்சி தலைவர் அகிலேஷ் யாதவ், பீகார் துணை முதல்வரும், ராஷ்ட்ரிய ஜனதா தலைவருமான தேஜஸ்வி யாதவ் ஆகியோர் பங்கேற்கின்றனர்.

இங்குள்ள ஒய்எம்சிஏ மைதானத்தில் நடைபெறும் கட்சித் தலைவரைக் கவுரவிக்க திமுக பொதுச் செயலாளர் துரைமுருகன், பொருளாளர் டி.ஆர்.பாலு உள்ளிட்ட கட்சித் தலைவர்கள் கலந்து கொண்டு ஸ்டாலினுக்கு பாராட்டு விழா நடத்த உள்ளனர். இங்கு நடைபெறும் பேரணியில் ஆயிரக்கணக்கான கட்சி தொண்டர்கள் பங்கேற்க உள்ளனர்.

இதைப்பற்றி திமுக கட்சி டுவிட்டர் பக்கத்தில், “எங்கள் அன்புக்குரிய தலைவர், #திராவிட நாயகன் மாண்புமிகு முதலமைச்சர் @mkstalin அவர்களின் #HBDMKStalin70 கொண்டாட்டத்திற்கு எங்களுடன் சேர இருக்கும் எங்கள் சிறப்பு விருந்தினர்கள் மற்றும் தலைவர்கள் அனைவரையும் அழைப்பதில் மிக்க மகிழ்ச்சி அடைகிறோம். மார்ச் 1, 1953 இல் பிறந்த ஸ்டாலினுக்கு 70 வயதாகிறது, மேலும் திமுக தலைவரைப் புகழ்வதற்கு கட்சித் தொண்டர்கள் ‘திராவிட நாயகன்’ என்ற வார்த்தையை பயன்படுத்த உள்ளோம்", என்று தெரிவித்துள்ளது.

புதிதாகப் பிறந்த குழந்தைகளுக்கு தங்க மோதிரம், விவசாயிகளுக்கு மரக்கன்றுகள், ரத்த தான முகாம்கள், மாணவர்களுக்கு நோட்டுப் புத்தகங்கள் வழங்குதல், சமுதாய மதிய உணவு, கண்சிகிச்சை முகாம்கள் மூலம் கண் பராமரிப்பு சேவை உள்ளிட்ட பல மாநில அளவிலான நிகழ்வுகள் திமுக சார்பில் நடைபெற இருக்கிறது.

இத்துடன், விளையாட்டு, கிரிக்கெட் மற்றும் கபடி போட்டிகள் மற்றும் மாரத்தான் போட்டிகளும் நடத்த திட்டமிடப்பட்டுள்ளது.

அமைச்சர்கள், மாவட்டச் செயலாளர்கள் மற்றும் கட்சிப் பிரிவுகளின் நிர்வாகிகள் ஆலோசனைக் கூட்டங்களை நடத்தி, கொண்டாட்ட நிகழ்வுகளை ஆலோசித்து இறுதி செய்து வருகின்றனர்.

மாவட்ட தலைவர்கள் தங்கள் பகுதிகளில் உள்ள மக்களுக்கு நலத்திட்ட உதவிகள் வழங்கப்படும் என அறிவித்துள்ளனர்.

ஸ்டாலினின் பிறந்தநாள் விழாவை நடிகரும், மக்கள் நீதி மய்யம் தலைவருமான கமல்ஹாசன் மார்ச் 1ஆம் தேதி தொடங்கி வைக்கிறார்.

Dmk Mk Stalin Chennai Tamil Nadu
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment