scorecardresearch

தி.மு.க எம்பி கனிமொழிக்கு மீணடும் கொரோனா தொற்று

கடந்த 2021-ம் ஆண்டு கொரோனா தொற்றால் பாதிக்கப்பட்ட கனிமொழி சிகிச்சைக்கு பின் மீண்டு வந்த நிலையில் தற்போது 2-வது முறையாக பாதிக்கப்பட்டுள்ளார்.

தூத்துக்குடி தொகுதி எம்பியும் திமுக மகளிரணி செயலாளருமான கனிமொழிக்கு கொரோனா தொற்று உறுதி செய்யப்பட்டுள்ளது திமுக வட்டாரத்தில் அதிர்ச்சியை ஏற்படுத்தியுள்ளது.

இந்தியாவில் கொரோனா தொற்று பாதிப்பு மீண்டும் அதிகரித்து வரும் நிலையில், பிரபலங்கள் சிலர் கொரோனா தொற்றுக்கு ஆளாகி வருகின்றனர். இதில் ஏற்கனவே காங்கிரஸ் தலைவர் சோனியாக காந்திக்கு கொரோனா தொற்று உறுதி செய்யப்பட்டு மருத்துவமனையில் சிகிச்சை பெற்று வருகிறார்.

இந்த வரிசையில் தற்போது திமுக எம்பி கனிமொழி இணைந்துள்ளார். அவருக்கு கொரோனா தொற்று உறுதி செய்யப்பட்டுள்ளதாக இன்று காலை தகவல் வெளியாகியுள்ள நிலையி்ல், கனிமொழி வீட்டிலேயே தன்னை தனிமைப்படுத்திக்கொண்டுள்ளார் என்று தெரிவிக்கப்பட்டுள்ளது.

கடந்த 2021-ம் ஆண்டு கொரோனா தொற்றால் பாதிக்கப்பட்ட கனிமொழி சிகிச்சைக்கு பின் மீண்டு வந்த நிலையில், 2 கொரோனா தடுப்பூசியும் செலுத்திக்கொண்டடுள்ளார். ஆனாலும் தற்போது 2-வது முறையாக அவர் கொரோனா தொற்றால் பாதிக்கப்பட்டுள்ளது திமுகவினர் மத்தியில் அதிர்வலைகளை ஏற்படுத்தியுள்ளது

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Stay updated with the latest news headlines and all the latest Tamilnadu news download Indian Express Tamil App.

Web Title: Dmk mp kanimozhi tested positive covid 19 2nd time

Best of Express