தி.மு.க இளைஞரணி மாநில மாநாடு: '21ம் தேதி நடைபெறும்' - கட்சி தலைமை அறிவிப்பு!

Salem: நாடாளுமன்ற தேர்தலை முன்னிட்டு தி.மு.க. இளைஞரணி சார்பில் சேலம் மாவட்டம்  ஆத்தூர் அடுத்த பெத்தநாயக்கன்பாளையத்தில் கடந்த மாதம் 17ஆம் தேதி மாநில மாநாடு நடத்துவதற்கு ஏற்பாடுகள் செய்யப்பட்டிருந்தன. ஆனால் 'மிக்ஜம்' புயல் பாதிப்பை கருத்தில் கொண்டு தி.மு.க. இளைஞரணியின் 2-வது மாநில மாநாடு கடந்த 24ஆம் தேதிக்கு ஒத்தி வைக்கப்பட்டது. 

இருப்பினும். தொடர்ந்து அதிகனமழையால் நெல்லை, தூத்துக்குடி மாவட்டங்களில் வெள்ள பாதிப்பு ஏற்பட்டது. இந்த பாதிப்பை கருத்தில் கொண்டு தி.மு.க. இளைஞரணி மாநில மாநாடு மீண்டும் ஒத்திவைக்கப்பட்டது. இந்த நிலையில், 2 முறை ஒத்திவைக்கப்பட்ட தி.மு.க. இளைஞரணியின் 2-வது மாநில மாநாடு, வரும் 21ஆம் தேதி நடைபெறும் என தி.மு.க தலைமை அறிவித்துள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“