முன்னாள் அமைச்சர் சி. விஜயபாஸ்கர் வீட்டில் இ.டி ரெய்டு: அ.தி.மு.க-வினர் அதிர்ச்சி

புதுக்கோட்டையில் உள்ள அ.தி.மு.க முன்னாள் அமைச்சர் விஜயபாஸ்கர் வீட்டில் அமலாக்கத்துறையினர் இன்று காலை முதல் சோதனை நடத்தி வருகின்றனர்.

புதுக்கோட்டை மாவட்டம் இலுப்பூரில் உள்ள விஜயபாஸ்கர் வீட்டில் அமலாக்கத்துறை  அதிகாரிகள் இன்று காலை முதல் சோதனை நடத்தி வருகின்றனர்.அவரது வீட்டில் இதற்கு முன்பாக வருமானவரித்துறை அதிகாரிகள் மற்றும் தமிழ்நாடு லஞ்ச ஒழிப்புத்துறை அதிகாரிகள் சோதனை நடத்தி உள்ளனர்.

வருமான வரித்துறை அதிகாரிகள் விஜயபாஸ்கர் வீட்டில் கைப்பற்றிய ஆவணங்களின் அடிப்படையில்,  சட்டவிரோத பணபரிமாற்றம் தொடர்பாக இன்று காலை 3 வாகனங்களில்  வந்த அதிகாரிகள் சோதனை செய்து வருகின்றனர். புதுக்கோட்டையில் உள்ள விஜய பாஸ்கர் வீடு தவிர சென்னை தரமணியில் உள்ள ஐ.டி நிறுவனத்திலும் அமலாக்கத்துறையினர்  சோதனை மேற்கொண்டு வருகின்றனர்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“