/indian-express-tamil/media/media_files/XNoGyneH4qUfdpsabpcQ.jpg)
2019-24ஆம் ஆண்டில் திமுக மற்றும் அதன் கூட்டணி எம்பிக்கள் எழுப்பிய கேள்விகளை விட, 2014-19ஆம் ஆண்டில் அதிமுக எம்பிக்கள் நாடாளுமன்றத்தில் அதிக கேள்விகளை எழுப்பியுள்ளனர்.
அதிமுக பொதுச் செயலாளர் எடப்பாடி கே.பழனிசாமி ஞாயிற்றுக்கிழமை (பிப்.25, 2024) கூறுகையில், “2019-24ஆம் ஆண்டில் திமுக மற்றும் அதன் கூட்டணி எம்பிக்கள் எழுப்பிய கேள்விகளை விட, 2014-19ஆம் ஆண்டில் அதிமுக எம்பிக்கள் நாடாளுமன்றத்தில் அதிக கேள்விகளை எழுப்பியுள்ளனர்.
மறைந்த முதலமைச்சர் ஜெயலலிதாவின் பிறந்தநாள் விழாவின் ஒரு பகுதியாக சேலத்தில் நடைபெற்ற பொதுக்கூட்டத்தில் பேசிய எடப்பாடி பழனிசாமி, “2014-19ஆம் ஆண்டில் நாடாளுமன்றத்தில் அதிமுக எம்பிக்கள் 16,619 கேள்விகளை எழுப்பினர்.
ஆனால் திமுக மற்றும் அதன் கூட்டணிக் கட்சிகளின் எம்பிக்கள் 2019-2024ல் 9,695 கேள்விகளை மட்டுமே எழுப்பினர். அதிமுக எம்பிக்கள் மக்கள் பிரச்னைகளை நாடாளுமன்றத்தில் எழுப்பியதை இது நிரூபித்துள்ளது” என்றார்.
ஜெயலலிதாவின் மறைவுக்குப் பிறகு அதிமுக அழிந்துவிடும் என்று சிலர் நினைத்தனர். சில துரோகிகள் திமுகவுடன் கைகோர்த்து கட்சியை அழிக்க முயன்றனர்.
அ.தி.மு.க.வில், ஒரு தொண்டர் அக்கட்சியின் பொதுச் செயலாளராகவும், முதலமைச்சராகவும் மாறியுள்ளார். திமுக ஒரு கார்ப்பரேட் நிறுவனம், ஒரு குடும்பத்தைச் சேர்ந்தவர்கள்தான் திமுகவின் முதலமைச்சராகவும், தலைவராகவும் மாறுகிறார்கள்” என்று குற்றஞ்சாட்டினார்.
தொடர்ந்து, “திமுக ஆட்சியில் கடந்த 3 ஆண்டுகளாக மாநிலத்திற்கு எதுவும் செய்யவில்லை என்று குற்றம் சாட்டிய பழனிசாமி, அதிமுக அரசு கொண்டு வந்த திட்டங்களை ஸ்டாலின் தொடங்கி வைத்தார்.
திமுக ஆட்சியில், மாநிலத்தின் கடன்கள் 8.33 லட்சம் கோடி ரூபாயாக அதிகரித்து, 2026க்கு முன், 10 லட்சம் கோடி ரூபாயாக உயரும் என்று கூறப்படுகிறது.
கடந்த அதிமுக ஆட்சியில் போக்குவரத்துக் கழகங்களுக்கு 15,000 புதிய பேருந்துகள் வாங்கப்பட்டன. ஆனால் திமுக அரசு 100 பேருந்துகளை மட்டுமே வாங்கியது.
திமுக அமைச்சர்கள் மீதான ஊழல் வழக்குகளை சென்னை உயர்நீதிமன்றம் தானாக முன்வந்து விசாரித்தது. “நான் முதலமைச்சராக இருந்தபோது, திமுக என் மீது ஊழல் வழக்குப் பதிவு செய்து, உச்ச நீதிமன்றத்தில் வழக்குத் தொடுத்து, சட்டப் போராட்டத்தில் வெற்றி பெற்றேன். ஆனால் திமுக அமைச்சர்கள் வழக்குகளை எதிர்கொள்ள பயப்படுகிறார்கள்” என்று பழனிசாமி விமர்சித்தார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.