Tamil News Live: நாளை வாக்கு எண்ணிக்கை – பரபரப்பில் அரசியல் கட்சியினர்!

ஒப்புகை சீட்டு விவகாரத்தில் எதிர்க்கட்சிகளின் கோரிக்கையை நிராகரித்தது தேர்தல் ஆணையம்

விரிவான விசாரணை நடத்த வேண்டும் என ராஜராஜன் என்பவர் கொடுத்த புகார் மனுவை முடித்து வைத்தது தேசிய மனித உரிமை ஆணையம்

வாக்குகளுக்கும், ஒப்புகைசீட்டுக்கும் வித்தியாசம் வந்தால் மறுவாக்குப்பதிவு நடத்த உத்தரவிடகோரிய முறையீடு நிராகரிப்பு

தேர்தல் முடிவுகள் வந்த பின்னர் அமைச்சரவையில் சேருவது குறித்து கட்சி தலைமை முடிவு எடுக்கும் - எல்.கே.சுதீஷ் 

வரும் 27-ம் தேதி முதல் தனியார் தண்ணீர் லாரி உரிமையாளர் சங்கத்தினர் வேலைநிறுத்த போராட்டம் நடத்தப்போவதாக அறிவித்துள்ளனர். நீர்நிலைகள், விவசாய விளை நிலங்களில் தண்ணீர் எடுக்கக்கூடாது என்ற நீதிமன்றத்தின் உத்தரவை அடுத்து தமிழகம் முழுவதும் உள்ள 15,000 தனியார் தண்ணீர் லாரி உரிமையாளர்கள் போராட்டத்தில் ஈடுபட உள்ளதாக தகவல். 

பொன்பரப்பியில் மறுவாக்குப்பதிவு நடத்தவேண்டும் என்ற கோரிக்கையை நிராகரித்தது சென்னை உயர்நீதிமன்றம். நாளை வாக்கு எண்ணிக்கை நடைபெறும்சூழலில் மனுதாரரின் கோரிக்கையை ஏற்க முடியாது எனவும் தெரிவிக்கப்பட்டுள்ளது. 

பொன்பரப்பியில் மறுவாக்குப்பதிவு நடத்தவேண்டும் என்ற கோரிக்கையை நிராகரித்தது சென்னை உயர்நீதிமன்றம். நாளை வாக்கு எண்ணிக்கை நடைபெறும் சூழலில் மனுதாரரின் கோரிக்கையை ஏற்க முடியாது எனவும் தெரிவிக்கப்பட்டுள்ளது. 

வாக்கு எண்ணும் பணிகள் குறித்து 10 மாநில தலைமை தேர்தல் அதிகாரிகளுடன், இந்திய தலைமை தேர்தல் ஆணையர் சுனில் அரோரா காணொலிக்காட்சி மூலம் நடத்தவிருந்த ஆலோசனை ரத்து

சென்னை ராணிமேரி கல்லூரியில் உள்ள வாக்கு எண்ணும் மையத்தில் காவல் ஆணையர் ஏ.கே.விஸ்வநாதன் ஆய்வு